9-may — Xotira va qadrlash kuni munosabati bilan “Farg‘ona hududiy elektr tarmoqlari korxonasi” AJda ma’naviy-ma’rifiy tadbir tashkil etilib, Vatan tinchligi va xalq osoyishtaligi yo‘lida xizmat qilgan fidoyi insonlar xotirasi chuqur ehtirom bilan yod etildi.
Tadbirda Ikkinchi jahon urushi hamda Afg‘on urushi qatnashchilarining jasorati, mardligi va Vatanga sadoqati alohida ta’kidlandi. Bosh direktor Azizbek Saydaliyev so’z avvalida bugungi tinch va osuda hayotimiz ana shunday qahramon insonlarning mashaqqatli hayoti, matonati va fidoyiligi evaziga barpo bo‘lganini qayd etdilar.
Shuningdek, korxonada uzoq yillardan buyon samarali mehnat qilib kelayotgan Afg‘on urushi faxriylari ham e’tibor markazida bo‘ldi. Korxona rahbariyati hamda kasaba uyushmasi qo‘mitasi tomonidan ularga hurmat bajo keltirilib, esdalik sovg‘alari va moddiy rag‘batlantirishlar topshirildi.
Tadbir davomida faxriylarning hayot yo‘li, Vatan oldidagi xizmatlari va bugungi yosh avlod uchun o‘rnak bo‘ladigan fazilatlari haqida alohida so‘z yuritildi. Yoshlarni vatanparvarlik ruhida tarbiyalash, tarixiy xotirani asrab-avaylash va qahramonlar xotirasiga hurmat ko‘rsatish har bir avlodning muqaddas burchi ekani ta’kidlandi.
Bunday uchrashuv va ehtirom tadbirlari xalqimizning boy tarixini yodda saqlash, fidoyi insonlarga hurmat va e’tibor ko‘rsatish hamda tinchlikning qadriga yetish tuyg‘ularini yanada mustahkamlashga xizmat qiladi.
Please open Telegram to view this post
VIEW IN TELEGRAM
Please open Telegram to view this post
VIEW IN TELEGRAM
👍2❤1
“Hududiy elektr tarmoqlari” AJ tomonidan tashkil etilgan “Boshqaruv raisi kubogi” sport musobaqalarida muvaffaqiyatli ishtirok etib, faxrli 2-o‘rinni qo‘lga kiritgan “Farg‘ona hududiy elektr tarmoqlari korxonasi” AJ ayollar jamoasi korxona rahbariyati hamda kasaba uyushma qo’mitasi tomonidan tantanali ravishda taqdirlandi.
Taqdirlash marosimida so‘z olganlar jamoaning musobaqa davomida ko‘rsatgan matonati, intilishi va haqiqiy jamoaviy birdamligini alohida e’tirof etdilar. Ta’kidlanganidek, ushbu natija nafaqat sportdagi muvaffaqiyat, balki korxona jamoasidagi yuqori ruh, hamjihatlik va fidoyilikning ham yorqin ifodasi hisoblanadi.
Shuningdek, ayollar jamoasining “Ayol qadri ulug‘langan yurt” shiori ostida o‘tkazilgan voleybol musobaqasida faol ishtirok etib, yuqori natijaga erishgani alohida faxr bilan qayd etildi.
Tadbir davomida jamoa a’zolariga esdalik sovg‘alari va tashakkurnomalar topshirilib, kelgusidagi musobaqalarda ham ularga yangi g‘alaba va ulkan zafarlar tilandi.
Bunday e’tirof va rag‘bat sportga bo‘lgan qiziqishni yanada oshirish, sog‘lom turmush tarzini targ‘ib qilish hamda jamoaviy birdamlikni mustahkamlashda muhim ahamiyat kasb etadi.
Please open Telegram to view this post
VIEW IN TELEGRAM
Please open Telegram to view this post
VIEW IN TELEGRAM
👍6❤1🔥1