“FARĞONA HETK” AJ
4.98K subscribers
33.6K photos
5.03K videos
4 files
13.8K links
⚡️ Farg‘ona hududiy elektr tarmoqlari korxonasi AJ rasmiy kanali

🔧 Elektr ta’minoti
🛠 Ta’mirlash ishlari
📢 Rejalashtirilgan uzilishlar
📰 Yangiliklar

📷 Instagram: @fargona_hetk_aj
Download Telegram
SHOXIMARDONDA ELEKTR TA’MINOTINI YAXSHILASH BO‘YICHA KENG KO‘LAMLI ISHLAR DAVOM ETMOQDA

Aholini sifatli va barqaror elektr energiyasi bilan ta’minlash maqsadida "Shoximardon" mahalla fuqarolar yig‘ini hududida elektr ta’minotini modernizatsiya qilish bo‘yicha loyiha asosida keng ko‘lamli amaliy ishlar olib borilmoqda.

Mazkur loyiha doirasida hududdagi elektr tarmoqlarining texnik holatini yaxshilash, elektr energiyasi yetkazib berishdagi uzilishlar va kuchlanish pasayishlarining oldini olishga alohida e’tibor qaratilgan.

Bugungi kunga qadar amalga oshirilgan ishlar natijasida 66 dona yangi temir-beton tayanchlar o‘rnatildi. Shuningdek, 1,5 kilometr uzunlikdagi yangi elektr uzatish tarmog‘ini qurish ishlari jadal sur’atlarda davom ettirilmoqda.

Mazkur tarmoq foydalanishga topshirilgach, iste’molchilarning elektr energiyasiga bo‘lgan ehtiyojini yanada ishonchli ta’minlash imkoniyati yaratiladi.

Bundan tashqari, mahalladagi 350-sonli transformator punktidagi mavjud yuklamani kamaytirish maqsadida hududga quvvati 400 kVA bo‘lgan yangi transformator olib kelinib, uni o‘rnatish va montaj ishlari amalga oshirilmoqda.

Yangi transformator ishga tushirilishi natijasida elektr tarmog‘idagi yuklama muvozanatlashtirilib, iste’molchilarga yetkazib berilayotgan elektr energiyasining sifati va barqarorligi sezilarli darajada yaxshilanadi.

Olib borilayotgan ushbu bunyodkorlik ishlari yakunlangach, "Shoximardon" mahallasidagi 200 dan ortiq xonadonlar, 100 ga yaqin tadbirkorlar va ijtimoiy soha obyektlarining elektr ta’minoti yanada mustahkamlanib, isteʼmolchilarga ko‘rsatilayotgan xizmatlar sifati yangi bosqichga ko‘tariladi.

Elektr energetikasi infratuzilmasini rivojlantirish borasidagi bunday loyihalar hududlarning ijtimoiy-iqtisodiy taraqqiyotiga xizmat qilishi bilan ahamiyatlidir.

⚡️ t.me/farhetk_admin
Please open Telegram to view this post
VIEW IN TELEGRAM
Please open Telegram to view this post
VIEW IN TELEGRAM
❤3👍1
#tezkor
#04_06_2026

HUDUDLARDA TA'MIRLASH ISHLARI OLIB BORILADI

📌 MARG‘ILON SHAHAR, QO‘SHTEPA, TOSHLOQ, YOZYOVON HAMDA FARG‘ONA TUMANLARI

Bugun, soat 08:00dan 17:00ga qadar Marg‘ilon shahri, Qo‘shtepa, Toshloq, Yozyovon hamda Farg‘ona tumanlarining ayrim hududlarini elektr energiyasi bilan ta'minlovchi yuqori kuchlanishli "L-Oqava" hamda "L-LR-110" elektr uzatish tarmoqlarida, "Shomirza" hamda "Joybozor" podstansiyalarida taʼmirlash ishlari bajariladi;

📌 QUVASOY SHAHAR HAMDA QUVA TUMANLARI

Bugun, 09:00dan 17:00ga qadar Quvasoy shahri hamda Quva tumanlarining ayrim hududlarini elektr energiyasi bilan ta'minlovchi "Quva" podstansiyasida mukammal taʼmirlash ishlari bajariladi;

📌 BUVAYDA HAMDA UCHKO‘PRIK TUMANLARI

Bugun, 09:00dan 17:00ga qadar Buvayda hamda Uchko‘prik tumanlarining ayrim hududlarini elektr energiyasi bilan ta'minlovchi yuqori kuchlanishli "L-Buvayda" elektr uzatish tarmog‘ida va "Yangiyo‘l", "Miltiqchi" podstansiyalarida taʼmirlash ishlari bajariladi;

📌 OLTIARIQ TUMANI

Bugun, 09:00dan 17:00ga qadar Oltiariq tumanining ayrim hududlarini elektr energiyasi bilan ta'minlovchi yuqori kuchlanishli "L-Qiziltepa" elektr uzatish tarmog‘ida va "Paxta" podstansiyasida taʼmirlash ishlari bajariladi;

Yuqoridagi hududlarda olib boriladigan ta’mirlash ishlari jarayonining yuqorida belgilangan vaqtlarida elektr ta'minotida uzilishlar kuzatiladi.

Ta'mirlash vaqti elektr ta'minotidagi uzilishlar uchun uzr so'raymiz!

"Farg‘ona HETK" AJ
matbuot xizmati.
Please open Telegram to view this post
VIEW IN TELEGRAM
❤1
🔴🔴🔴

TOSHLOQ, YOZYOVON HAMDA QO‘SHTEPA TUMANLARIDAGI ISTE'MOLCHILAR DIQQATIDA!

BUGUN "DEHQONOBOD" PODSTANSIYASINING QUVVATI OSHIRILADI


Bugun, soat 08:00dan 24:00ga qadar "Farg‘ona hududiy elektr tarmoqlari korxonasi" AJ tomonidan Toshloq, Yozyovon hamda Qo‘shtepa tumanlarining ayrim hududlarini elektr energiyasi bilan taʼminlovchi "Dehqonobod" podstansiyasining quvvatini oshirish ishlari olib boriladi.

Podstansiyasidagi quvvati 10 000 kVA bo‘lgan kuch transformatori o‘rniga 40 000 kVA bo‘lgan kuch transformatori o‘rnatiladi.

Kuch transformatorini o‘rnatish, montaj qilish jarayonida Toshloq, Yozyovon hamda Qo‘shtepa tumanlarining ayrim hududlarida elektr ta'minotida uzilishlar kuzatiladi.

Ta'minotdagi uzilish vaqti keltirilgan noqulayliklar uchun uzr so‘raymiz!

⚡️ t.me/farhetk_admin
Please open Telegram to view this post
VIEW IN TELEGRAM
👏2
This media is not supported in your browser
VIEW IN TELEGRAM
🤔ELEKTR ENERGIYASINI TEJASH, FAROVONLIGIMIZ KAFOLATI!

Bugungi yosh avlod qalbi va ongiga energiya tejamkorligi hamda energoresurslardan oqilona foydalanish tushunchalarini singdirish, ushbu masalaning naqadar muhimligini doimiy targ‘ib qilish – ertangi kunimiz istiqbolini ta’minlashga xizmat qiladi.

👉 t.me/farhetk_admin
Please open Telegram to view this post
VIEW IN TELEGRAM
SHAFFOFLIK VA INTIZOM — SAMARALI FAOLIYAT ASOSI

Farg‘ona tuman elektr ta’minoti korxonasida korrupsiyaning oldini olish, xizmat faoliyatida mas’uliyatni kuchaytirish hamda ijro intizomini mustahkamlash masalalariga bag‘ishlangan muhim yig‘ilish tashkil etildi.

Unda “Farg‘ona hududiy elektr tarmoqlari korxonasi” AJning Korrupsiyaga qarshi kurashish va komplayens nazorat xizmati hamda Xodimlar bilan ishlash bo‘limi mutasaddilari ishtirok etib, tizimda olib borilayotgan ishlar, mavjud talab va vazifalar yuzasidan xodimlarga batafsil ma’lumot berdilar.

Tadbir davomida korrupsiyaga qarshi kurashishda murosasiz munosabatni shakllantirish, xizmat faoliyatida qonuniylik va shaffoflik tamoyillariga qat’iy amal qilish, har bir xodimning o‘z vazifasiga mas’uliyat bilan yondashishi zarurligi alohida qayd etildi.

Shuningdek, korxona faoliyatida halollik va fidoyilik muhim mezon ekani, ijro intizomi esa tizim samaradorligini ta’minlovchi asosiy omillardan biri hisoblanishi ta’kidlandi.

Yig‘ilishda energiya samaradorligini oshirish, texnologik yo‘qotishlarni kamaytirish hamda elektr tarmoqlaridan unumli foydalanish masalalariga ham alohida e’tibor qaratildi.

Mutasaddilar tomonidan iste’molchilarni sifatli elektr energiyasi bilan ta’minlash, mavjud quvvatlardan oqilona foydalanish hamda yo‘qotishlarni qisqartirish yuzasidan tegishli topshiriq va tavsiyalar berildi.

Yakunda tizimda sog‘lom ish muhiti, ochiqlik va shaffoflikni yanada kuchaytirish, xodimlarning kasbiy mas’uliyatini oshirish bo‘yicha ustuvor vazifalar belgilab olindi.

⚡️ t.me/farhetk_admin
Please open Telegram to view this post
VIEW IN TELEGRAM
Media is too big
VIEW IN TELEGRAM
#no_comment

TOSHLOQ, YOZYOVON HAMDA QO‘SHTEPA TUMANLARINING AYRIM HUDUDLARINI ELEKTR ENERGIYASI BILAN TAʼMINLOVCHI "DEHQONOBOD" PODSTANSIYASINING QUVVATINI OSHIRISH ISHLARI BOSHLANDI


⚡️ t.me/farhetk_admin
Please open Telegram to view this post
VIEW IN TELEGRAM
❤1👍1
📌📌📌📌📌📌

2026-yil yanvar-may oylarida ishlab chiqarilgan elektr energiyasi o‘tgan yilning mos davriga nisbatan 5,8 foizga ko‘p

Ishlab chiqarish: joriy yilning yanvar-may oylarida respublikamizda jami 37 mlrd 684,2 mln kVt⋅soat elektr energiyasi ishlab chiqarildi. Bu o‘tgan yilning mos davridagiga nisbatan 2 mlrd 57,8 mln kVt⋅soat yoki 5,8 foizga ko‘pni tashkil etdi.

Respublika isteʼmoli: mazkur muddat davomida respublika iste’moli 36 mlrd 317,4 mln kVt⋅soatni tashkil etdi. Ushbu ko‘rsatkich 2025-yilning shu davridagiga nisbatan 1,3 mlrd kVt⋅soat yoki 3,8 foizga ko‘pni tashkil qildi.

2026-yil may oyida ishlab chiqarilgan elektr energiyasi o‘tgan yilning mos davriga nisbatan 3,7 foizga ko‘p

Ishlab chiqarish: joriy yilning may oyida respublikamizda jami 7 mlrd 15,7 mln kVt⋅soat elektr energiyasi ishlab chiqarildi. Bu o‘tgan yilning mos davridagiga nisbatan 249,7 mln kVt⋅soat yoki 3,7 foizga ko‘pni tashkil etdi.

Respublika isteʼmoli: mazkur muddat davomida respublika iste’moli 6 mlrd 782,6 mln kVt⋅soatni tashkil qildi. Ushbu ko‘rsatkich 2025-yilning shu davridagiga nisbatan 8 mln kVt⋅soat yoki 0,1 foizga ko‘p demakdir.

⚡️ t.me/farhetk_admin
Please open Telegram to view this post
VIEW IN TELEGRAM
This media is not supported in your browser
VIEW IN TELEGRAM
⚡️ Prezident Administratsiyasi rahbari Saida Mirziyoyevaning Venaga tashrifi bo‘yicha eksklyuziv video e’lon qilindi.

⚡️ t.me/farhetk_admin
Please open Telegram to view this post
VIEW IN TELEGRAM
📌📌📌📌📌📌

Kuz-qish mavsumiga tayyorgarlik maqsadida respublika bо‘ylab elektr tarmoqlarida keng kо‘lamli ta’mirlash ishlari olib borilmoqda
 
Mamlakatimizda 2026–2027 yillar kuz-qish va yoz mavsumida aholi hamda iqtisodiyot tarmoqlarini barqaror elektr energiyasi bilan ta’minlash maqsadida elektr tarmoqlari infratuzilmasini modernizatsiya qilish va ta’mirlash ishlari jadal sur’atlarda davom etmoqda.

Bu borada respublika bо‘ylab maxsus ishchi guruhlar tashkil etilib, “Hududiy elektr tarmoqlari” AJ tasarrufidagi jami 106 142 dona transformator punktining texnik holati о‘rganildi. Olib borilgan о‘rganishlar natijasida hududlarda jami 25 668 ta transformator punktida ta’mirlash ishlarini amalga oshirish zarurligi aniqlandi.

Aniqlangan kamchiliklarni tez sifatli bajarish maqsadida hududlar holatiga qarab yashil, sariq va qizil toifalarga ajratildi.

Kechiktirib bо‘lmaydigan hamda ta’mirtalab yuqori xavf darajasiga ega
6 240 ta “qizil” ,19 428 tasi esa “sariq” toifaga kiritilib ta’mirlash ishlari boshlab yuborildi.

Ayni paytga qadar qizil toifadagi obyektlarning 79,9 foizi, ya’ni 4 978 tasida, sariq toifadagi transformator punktlarining esa 76,9 foizi yoki 14 950 tasida ta’mirlash ishlari yakunlanland, qolgan qismida esa amaliy ishlar davom ettirilmoqda.

Ta’mirlash ishlarini sifatli va belgilangan muddatlarda tashkil etish maqsadida hududlarga 28 tonna sim, 55 kilometr kabel mahsulotlari, 60 tonna transformator moyi, 1 414 ta о‘chirgich va boshqa zarur texnika va materiallar yetkazib berildi. Ayni paytda respublika bо‘ylab, 480 ta maxsus ta’mirlash brigadasi faoliyat yuritmoqda.

Shuningdek, hududlarda vujudga kelishi mumkin bо‘lgan avariya holatlarini tezkor bartaraf etish uchun zarur zaxiralar ham yaratilmoqda. Xususan, hududlarda 1 247 ta tarmoq transformatori, 660 tonna transformator moyi, 320 kilometr kabel mahsulotlari , 151 tonna sim hamda 5 259 ta tayanch va boshqa kо‘plab elektr jihozlari zaxira qilingan.

Favqulodda vaziyatlarda tezkor chora kо‘rish maqsadida 6 ming 574 nafar mutaxassisdan iborat 1 ming 215 ta avariya-tiklash brigadasi shakllantirildi. Ularning xizmati uchun 1 ming 56 ta maxsus avtomashina va 437 ta maxsus texnika shay holatga keltirilgan.

Bu kabi keng kо‘lamli tayyorgarlik ishlari elektr tarmoqlarining ishonchli faoliyatini ta’minlash, avariyalar sonini kamaytirish va aholini barqaror elektr energiyasi bilan ta’minlashda muhim ahamiyat kasb etadi.

Batafsil

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz
Please open Telegram to view this post
VIEW IN TELEGRAM
Please open Telegram to view this post
VIEW IN TELEGRAM
❤1
"DEHQONOBOD" PODSTANSIYASIDAGI KUCH TRANSFORMATORINING QUVVATI 4 BAROBARGA OSHIRILMOQDA

“Farg‘ona hududiy elektr tarmoqlari korxonasi” AJ tomonidan viloyatda elektr ta’minoti barqarorligini yanada mustahkamlash, iste’molchilarga sifatli va uzluksiz elektr energiyasini yetkazib berish maqsadida navbatdagi yirik investitsion loyiha amalga oshirilmoqda.

Mazkur loyiha doirasida Toshloq, Yozyovon hamda Qo‘shtepa tumanlarining elektr ta’minotida muhim o‘rin tutuvchi “Dehqonobod” podstansiyasida kuch transformatorining quvvatini 4 barobarga oshirish ishlari boshlandi.

Hozirda podstansiyada mavjud 10 000 kVA quvvatga ega kuch transformatori o‘rniga 40 000 kVA quvvatli kuch transformatori o‘rnatilmoqda. Ayni paytda mutaxassislar tomonidan transformatorni joylashtirish, montaj qilish va elektr tarmoqlariga ulash bilan bog‘liq murakkab texnik jarayonlar olib borilmoqda.

Mazkur loyiha yakuniga yetkazilgach, podstansiyaning quvvati sezilarli darajada oshib, Toshloq, Yozyovon hamda Qo‘shtepa tumanlaridagi aholi va tadbirkorlik subyektlarini elektr energiyasi bilan ta’minlash sifati yanada yaxshilanadi. Shuningdek, elektr yuklamalarining ortib borishi bilan bog‘liq muammolarni bartaraf etish, yangi ishlab chiqarish va xizmat ko‘rsatish obyektlarini tarmoqqa ulash imkoniyatlari kengayadi.

Energetika infratuzilmasini modernizatsiya qilishga qaratilgan ushbu yirik loyiha hududlarning ijtimoiy-iqtisodiy rivojlanishiga xizmat qilishi, iste’molchilarga yanada ishonchli va barqaror elektr ta’minotini taqdim etishi bilan ahamiyatlidir.

⚡️ t.me/farhetk_admin
Please open Telegram to view this post
VIEW IN TELEGRAM
Please open Telegram to view this post
VIEW IN TELEGRAM