✍️YANGI TARMOQ UCHUN BUTLOVCHI QISMLAR O’RNATILMOQDA

Dang'ara tuman elektr ta’minoti korxonasi tomonidan tumanning “Yangi zamon” mahalla fuqarolar yig’inida elektr ta’minoti yaxshilanmoqda.

Hududga olib kelingan yangi temir–beton tayanchlarini o’rnatish va yangi elektr tarmog’ini ulash ishlari rejelashtirilgan bo’lib, ayni vaqtda mazkur hududda dastur asosida yangi temir–beton tayanchlari o’rnatish ishlari yakuniga yetkazildi.

Endilikda o’rnatilgan yangi tayanchlarga butlovchi elektr qismlarni o’rnatilmoqda.

⚡️ t.me/farhetk_admin

🟢 KORRUPSIYAGA QARSHI KURASHISH MASALALARI MUHOKAMA ETILDI

So’x tuman elektr ta’minoti korxonasida korrupsiyaning oldini olish va unga qarshi kurashish masalalariga bag‘ishlangan muhim yig‘ilish bo‘lib o‘tdi. Unda korxona ishchi-xodimlari hamda “Energosavdo” filiali So’x bo‘limi vakillari ishtirok etdi.

Yig‘ilish davomida korrupsiyaga qarshi kurashish va komplayens-nazorat xizmati mutaxassislari tomonidan sohaga oid dolzarb masalalar atroflicha muhokama qilindi.

Xususan, xizmat vazifalarini vijdonan va mas’uliyat bilan bajarish, ish jarayonlarida shaffoflikni ta’minlash, qonuniylik tamoyillariga qat’iy amal qilish zarurligi alohida ta’kidlandi.

Tadbirda so‘zga chiqqan mutaxassislar korrupsiya jamiyat va tashkilot taraqqiyotiga jiddiy to‘sqinlik qiluvchi salbiy omil ekanini qayd etib, unga nisbatan murosasiz munosabatni shakllantirish har bir xodimning muhim vazifasi ekanini urg‘uladilar.

Shuningdek, har bir xodim o‘z faoliyatida halollik, ochiqlik va adolat tamoyillariga amal qilishi zarurligi yana bir bor eslatib o‘tildi.

Yig‘ilish yakunida ishtirokchilar tomonidan korrupsiyaga qarshi kurashish borasidagi chora-tadbirlarni yanada kuchaytirish, profilaktik ishlarni tizimli ravishda davom ettirish hamda jamoada sog‘lom muhitni shakllantirish yuzasidan tegishli tavsiyalar berildi.

⚡️ t.me/farhetk_admin

📰 #bosma_nashr

“DEHQONOBOD PODSTANSIYASI QUVVATI 4 BAROBARGA OSHIRILDI”

"O'zbekiston bunyodkori" gazetasining 2026-yil 09-iyun kungi 43 (996)-sonida chop etilgan maqola orqali tanishishingiz mumkin.

⚡️ t.me/farhetk_admin

🤔 TEXNOPARK HUDUDIDA ELEKTR INFRASTRUKTURASI BOSQICHMA-BOSQICH SHAKLLANTIRILMOQDA

Qo‘qon shahrida barpo etilayotgan zamonaviy texnopark hududida muhim infratuzilma loyihalari izchil amalga oshirilmoqda. Hududni barqaror va uzluksiz elektr energiyasi bilan ta’minlash maqsadida yangi elektr podstansiyasini qurish ishlari belgilangan reja asosida olib borilmoqda.

Texnopark hududi ilmiy-tadqiqot institutlari, sanoat obyektlari, biznes va xizmat ko‘rsatish markazlarini o‘zida mujassam etgan kompleks tizim bo‘lib, uning samarali faoliyati mustahkam va ishonchli elektr infratuzilmasini talab etadi.

Mazkur loyiha doirasida yuqori kuchlanishli elektr uzatish tarmoqlarini tortish uchun tayanchlarni o‘rnatish ishlari muvaffaqiyatli yakunlanib, loyiha amaliy bosqichga o‘tgan.

Ayni paytda elektr podstansiyasini tarmoqqa ulash hamda zarur texnik uskunalarni o‘rnatish bo‘yicha yakuniy ishlar olib borilmoqda.

Amalga oshirilayotgan ushbu chora-tadbirlar texnopark hududini ishonchli va uzluksiz elektr energiyasi bilan ta’minlash, yangi ishlab chiqarish quvvatlarini ishga tushirish hamda hududning investitsion jozibadorligini yanada oshiradi.

⚡️ t.me/farhetk_admin

UZOQ YILLARDAN BUYON TA’MIR KO‘RMAGAN SHITNI TA’MIRLASHGA KIRISHILDI

Qo‘shtepa tumani “Yangihayot” mahalla fuqarolar yig‘ini hududida joylashgan ko‘p qavatli uyda elektr ta’minoti tizimini yaxshilashga qaratilgan muhim ta’mirlash ishlari boshlandi.

Ushbu uyda o‘rnatilgan elektr taqsimlash shiti uzoq yillar davomida mukammal ta’mirlanmaganligi sababli uskunalarning texnik holati eskirgan, ayrim ulanishlar talab darajasida bo‘lmagan hamda elektr energiyasini xavfsiz va uzluksiz yetkazib berishda muammolar yuzaga kelish xavfi ortgan edi.

Aholining murojaatlari va hududdagi elektr xo‘jaligi holati o‘rganilgach, mutaxassislar tomonidan mazkur elektr shiti to‘liq ko‘zdan kechirilib, uni zamonaviy talablarga mos ravishda ta’mirlash ishlari boshlandi. Jarayon davomida eskirgan avtomat o‘chirgichlar va elektr jihozlari yangilanib, tartibsiz tortilgan sim tarmoqlari qayta montaj qilinmoqda.

Shuningdek, elektr xavfsizligini ta’minlash va avariyaviy holatlarning oldini olish maqsadida qo‘shimcha texnik chora-tadbirlar amalga oshirilmoqda.

Mazkur ishlar yakunlangach, ko‘p qavatli uy aholisining elektr energiyasidan foydalanish sifati yaxshilanib, tarmoqdagi nosozliklar soni kamayadi hamda elektr ta’minotining ishonchliligi sezilarli darajada oshadi.

Hududlarda elektr infratuzilmasini modernizatsiya qilish, mavjud tarmoqlarni bosqichma-bosqich yangilash va iste’molchilarga sifatli xizmat ko‘rsatish borasidagi ishlar izchil davom ettirilmoqda.
 
⚡️ t.me/farhetk_admin