XAVFSIZLIKKA E’TIBOR — SAMARALI FAOLIYAT GAROVI

Oltiariq tuman elektr ta’minoti korxonasida “Xavfsizlik texnikasi bo‘yicha ko‘rik oyligi” doirasida navbatdagi o‘quv-amaliy tadbir tashkil etildi.

Unda elektr energetikasi sohasida faoliyat yuritayotgan xodimlarning mehnat muhofazasi, texnika va yong‘in xavfsizligi bo‘yicha bilimlari sinovdan o‘tkazilib, amaliy ko‘nikmalari baholandi.

Tadbir davomida elektr qurilmalarida xavfsiz ishlash, himoya vositalaridan to‘g‘ri foydalanish, ish joylarini xavfsiz tashkil etish hamda favqulodda vaziyatlarda harakat qilish tartiblari yuzasidan tushuntirishlar berildi.

Shuningdek, ishlab chiqarish jarayonlarida uchrashi mumkin bo‘lgan xavf omillarini aniqlash va ularni bartaraf etish, baxtsiz hodisalarning oldini olish hamda mehnat intizomini mustahkamlash masalalariga alohida e’tibor qaratildi.

Mutaxassislar tomonidan har bir xodimning xavfsizlik qoidalariga mas’uliyat bilan yondashishi korxona faoliyatining barqarorligi va jamoa salomatligini ta’minlashdagi muhim omillardan biri ekani ta’kidlandi.

“Farg‘ona hududiy elektr tarmoqlari korxonasi” AJda o‘tkazilayotgan “Xavfsizlik texnikasi bo‘yicha ko‘rik oyligi” doirasidagi bunday tadbirlar xodimlarning kasbiy tayyorgarligini mustahkamlash, mehnat xavfsizligi madaniyatini yuksaltirish hamda ishlab chiqarish jarayonlarida xavfsizlik talablariga so‘zsiz amal qilinishini ta’minlashga xizmat qilmoqda.

⚡️ t.me/farhetk_admin

FARG‘ONA SHAHRIDA XAVFSIZLIK MASALALARIGA BAG‘ISHLANGAN O‘QUV-AMALIY TADBIR O‘TKAZILDI

“Xavfsizlik texnikasi bo‘yicha ko‘rik oyligi” doirasida Farg‘ona shahar elektr ta’minoti korxonasida mehnat muhofazasi va yong‘in xavfsizligiga bag‘ishlangan navbatdagi tadbir tashkil etildi.

Unda xodimlarning xavfsizlik qoidalariga oid bilimlarini mustahkamlash, favqulodda holatlarga tayyorgarlik darajasini oshirish hamda amaliy ko‘nikmalarini rivojlantirish masalalariga alohida e’tibor qaratildi.

Tadbir jarayonida Favqulodda vaziyatlar bo‘limi xodimlari ishtirokida yong‘in sodir bo‘lganda amalga oshirilishi lozim bo‘lgan dastlabki harakatlar, birlamchi o‘t o‘chirish vositalaridan foydalanish tartibi va xavfsiz evakuatsiya qoidalari amaliy ko‘rgazmalar orqali tushuntirildi.

Shuningdek, korxona xodimlari mehnat muhofazasi, texnika xavfsizligi hamda yong‘in xavfsizligi yo‘nalishlari bo‘yicha test sinovlaridan o‘tkazildi. Natijalar xodimlarning nazariy bilimlari bilan bir qatorda amaliy tayyorgarligini ham baholash imkonini berdi.

Mutaxassislar tomonidan har qanday ish jarayonida xavfsizlik talablariga qat’iy amal qilish, xavf-xatarlarni oldindan aniqlash va ularning oldini olish energetiklar faoliyatining ajralmas qismi ekani ta’kidlandi.

Mazkur tadbir “Farg‘ona hududiy elektr tarmoqlari korxonasi” AJda davom etayotgan ko‘rik oyligi doirasida xodimlar o‘rtasida xavfsizlik madaniyatini yuksaltirish, mehnat muhofazasi talablariga rioya etilishini ta’minlash hamda ishlab chiqarishdagi baxtsiz hodisalarning oldini olishga qaratilgan ishlarning uzviy davomi bo‘ldi.

⚡️ t.me/farhetk_admin