KASB MAHORATI SINOVDAN O‘TDI: ENG KUCHLI ANIQLANDI

“Farg’ona hududiy elektr tarmoqlari korxonasi” AJ tomonidan "Xavfsizlik texnikasi ko‘rik oyligi" doirasida Bag‘dod tuman elektr ta’minoti korxonasida elektromontyorlar o‘rtasida "Kasb mahorati" musobaqasi yuqori saviyada tashkil etildi.

Unda viloyatimizning Qo‘qon shahri, Oltiariq, Rishton, Uchko‘prik, Dang‘ara, Furqat, O‘zbekiston, Beshariq, Buvayda hamda mezbon Bag‘dod tuman elektr ta’minoti korxonalaridan tuzilgan jamoalar o‘zaro kuch sinashdi.

Musobaqa davomida ishtirokchilar bir nechta muhim yo‘nalishlar bo‘yicha o‘z bilim va amaliy ko‘nikmalarini namoyish etdilar.

Xususan, jamoalar texnik tayyorgarlik, jarohatlangan xodimga birinchi tibbiy yordam ko‘rsatish hamda elektr qurilmalarida yuzaga kelgan yong‘inlarni tezkor va to‘g‘ri bartaraf etish shartlari bo‘yicha bellashdilar. Har bir bosqichda ishtirokchilarning kasbiy mahorati, xavfsizlik texnikasi talablariga qat’iy rioya etishi, tezkorligi va jamoaviy hamkorligi hakamlar hay’ati tomonidan belgilangan mezonlar asosida baholandi.

Musobaqadan ko‘zlangan asosiy maqsad elektromontyorlarning kasbiy salohiyatini yanada oshirish, mehnat muhofazasi va xavfsizlik texnikasi qoidalariga rioya etish madaniyatini mustahkamlash, favqulodda vaziyatlarda to‘g‘ri harakat qilish ko‘nikmalarini rivojlantirish hamda ilg‘or tajribalarni ommalashtirishdan iborat bo‘ldi.

Yakuniy natijalarga ko‘ra, Bag‘dod tuman elektr ta’minoti korxonasi jamoasi faxrli 1-o‘rinni qo‘lga kiritdi. Oltiariq tuman elektr ta’minoti korxonasi jamoasi 2-o‘rin, Uchko‘prik tuman elektr ta’minoti korxonasi jamoasi esa 3-o‘rinni egalladi.

G‘olib jamoalar musobaqaning keyingi bosqichida ishtirok etish yo‘llanmasini qo‘lga kiritdilar.

Mazkur musobaqa elektr ta’minoti tizimida mehnat qilayotgan xodimlarning kasbiy mahoratini oshirish, xavfsiz mehnat madaniyatini mustahkamlash va iste’molchilarga sifatli hamda uzluksiz elektr energiyasi yetkazib berishda xizmat qilayotgan mutaxassislarning bilim va tajribasini yanada boyitishga xizmat qilmoqda.

⚡️ t.me/farhetk_admin

ENERGIYA SAMARADORLIGI VA QONUNIYLIK MASALALARI TANQIDIY TAHLIL QILINDI

Prezident Administratsiyasining topshirig‘iga asosan Respublika ishchi guruhi tomonidan "Farg‘ona hududiy elektr tarmoqlari korxonasi" AJda tegishli tashkilotlar mutaxassislari ishtirokida tanqidiy-tahliliy yig‘ilish o‘tkazildi.

Yig‘ilishda energiya samaradorligini oshirish, elektr energiyasi va tabiiy gaz resurslarini tejash, ulardan oqilona foydalanish, noqonuniy iste'mol holatlarining oldini olish, debitor qarzdorlikni qisqartirish hamda tarmoqlarda yo‘qotishlarni kamaytirish borasida amalga oshirilayotgan ishlar atroflicha muhokama qilindi.

Shuningdek, O‘zbekiston Respublikasi Prezidentining PF–70-son Farmoni hamda Vazirlar Mahkamasining 242-son qarorida belgilangan vazifalar ijrosi tanqidiy tahlil qilinib, mavjud kamchiliklarni bartaraf etish va belgilangan ko‘rsatkichlarga o‘z vaqtida erishish yuzasidan mas'ullarga aniq topshiriq va tavsiyalar berildi.

Yig‘ilish yakunida energiya resurslarini asrash, iste'mol madaniyatini oshirish, qonunbuzilishlarning oldini olish hamda belgilangan vazifalarning sifatli ijrosini ta'minlash bo‘yicha nazoratni yanada kuchaytirish zarurligi alohida ta'kidlandi.
 
⚡️ t.me/farhetk_admin