KASB MAHORATI MUSOBAQASINING FINAL BOSQICHI BOSHLANDI

Bugun Farg‘ona tuman elektr ta’minoti korxonasining o‘quv-amaliy maydonida “Farg‘ona hududiy elektr tarmoqlari korxonasi” AJ tizimida faoliyat yuritayotgan mutaxassislar o‘rtasida o‘tkazilayotgan “Kasb mahorati” musobaqasining final bosqichiga tantanali ravishda start berildi.

Final bosqichining ochilish marosimida korxona bosh direktori Azizbek Rasuljonovich Saydaliyev so‘zga chiqib, musobaqa ishtirokchilarini qutladi hamda bunday bellashuvlar xodimlarning kasbiy bilim va ko‘nikmalarini yanada mustahkamlash, zamonaviy ish usullarini ommalashtirish hamda mehnat xavfsizligi madaniyatini yuksaltirishda muhim ahamiyat kasb etishini alohida ta’kidladi.

Shuningdek, bosh direktor o‘z so‘zida energetika tizimida har bir mutaxassisning mas’uliyati, bilim va tajribasi elektr energiyasini iste’molchilarga sifatli va uzluksiz yetkazib berishda hal qiluvchi o‘rin tutishini qayd etib, barcha finalchilarga omad, xolis baholash va munosib g‘alabalar tiladi.

Musobaqaning final bosqichida hududiy saralash bahslarida yuqori natijalarni qayd etgan eng malakali mutaxassislar nazariy bilim, amaliy ko‘nikma, mehnat muhofazasi va xavfsizlik texnikasi qoidalariga rioya etish hamda tezkorlik bo‘yicha o‘zaro bellashmoqda.

Kasb mahorati musobaqasi yakunida eng yuqori natijalarni qayd etgan ishtirokchilar g‘olib va sovrindorlar sifatida taqdirlanadi.

⚡️ t.me/farhetk_admin

AMALIY SEMINARDA DOLZARB YO‘NALISHLAR BO‘YICHA MUHIM TAVSIYALAR BERILDI

“Farg‘ona hududiy elektr tarmoqlari korxonasi” AJda o‘tkazilayotgan “Kasb mahorati” musobaqasi doirasida ishchi-xodimlar uchun amaliy-seminar tashkil etildi.

Seminar davomida mutaxassislar tomonidan elektr tarmoqlarini joriy va mukammal ta’mirlash jarayonlarida uchrayotgan kamchiliklar hamda ularni bartaraf etish bo‘yicha tavsiyalar taqdim etildi.

Shuningdek, ASKUE tizimining samarali ishlash tamoyillari, elektr energiyasini tejash va undan oqilona foydalanish, quyosh panellarini elektr tarmoqlariga amaldagi texnik talablar asosida to‘g‘ri ulash masalalari yuzasidan batafsil taqdimotlar o‘tkazildi.

Bundan tashqari, elektr ta’minotidagi nosozliklarni tezkor va sifatli bartaraf etish usullari, ish jarayonida xizmat yo‘riqnomalariga qat’iy amal qilish, mehnat muhofazasi hamda xavfsizlik texnikasi talablarini to‘liq bajarish bo‘yicha muhim tavsiyalar berildi.

Mazkur seminar xodimlarning kasbiy bilim va amaliy ko‘nikmalarini yanada mustahkamlash, zamonaviy yondashuvlarni keng joriy etish hamda iste’molchilarni sifatli va uzluksiz elektr energiyasi bilan ta’minlashga xizmat qilishi bilan ahamiyatlidir.

⚡️ t.me/farhetk_admin

KASB MAHORATI MUSOBAQASI QIZG‘IN DAVOM ETMOQDA

“Farg‘ona hududiy elektr tarmoqlari korxonasi” AJda o‘tkazilayotgan “Kasb mahorati” musobaqasining final bosqichi qizg‘in va murosasiz bahslarga boy tarzda davom etmoqda.

Musobaqa ishtirokchilari nazariy bilimlari, amaliy ko‘nikmalari hamda mehnat muhofazasi va xavfsizlik texnikasi qoidalariga rioya etish borasidagi mahoratlarini namoyish etmoqda.

Bellashuvlar hakamlar hay'ati tomonidan belgilangan mezonlar asosida xolis baholanmoqda. Final yakunlariga ko‘ra eng yuqori natijani qayd etgan ishtirokchilar g‘olib deb e'lon qilinadi.

⚡️ t.me/farhetk_admin