🎉 #tabrik

Bugun “Farg‘ona hududiy elektr tarmoqlari korxonasi” AJ bosh direktori Azizbek Rasuljonovich Saydaliyevning tavallud ayyomi!

Hurmatli Azizbek Rasuljonovich!

Sizni tavallud ayyomingiz munosabati bilan “Farg‘ona hududiy elektr tarmoqlari korxonasi” aksiyadorlik jamiyati jamoasi nomidan samimiy muborakbod etamiz.

Sizga mustahkam sog‘liq, uzoq umr, oilaviy baxt-saodat, xonadoningizga fayzu baraka, mas’uliyatli va sharafli faoliyatingizda ulkan zafarlar tilaymiz. Har bir ezgu niyatingiz ro‘yobga chiqib, yangi marralarni zabt etishingizga tilakdoshmiz.

Bugungi kunda Sizning uzoqni ko‘zlagan strategik qarorlaringiz va fidokorona mehnatingiz tufayli korxonamiz izchil rivojlanib, elektr ta’minoti tizimini yanada takomillashtirish, zamonaviy infratuzilmani barpo etish hamda iste’molchilarga sifatli xizmat ko‘rsatish yo‘lida salmoqli natijalarga erishmoqda.

Siz jamoada o‘zaro hurmat va birdamlik muhitini shakllantirib, har bir xodimning mehnatini qadrlaydigan, ayniqsa, yosh mutaxassislarning bilim va salohiyatini qo‘llab-quvvatlaydigan rahbar sifatida yuksak e’tirofga sazovorsiz. Sizning tashabbuskorligingiz, Vatan ravnaqi yo‘lidagi fidoyiligingiz barchamiz uchun ibratdir.

Viloyatimiz energetika tizimini rivojlantirish, soha taraqqiyoti va xalqimiz farovonligi yo‘lida amalga oshirayotgan ezgu ishlaringiz bardavom bo‘lsin. Hayotingiz doimo quvonch, xonadoningiz fayz-u baraka, qalbingiz esa xotirjamlik va baxtga to‘lsin.

Yana bir bor tavallud ayyomingiz muborak bo‘lsin!

Hurmat bilan,
“Farg‘ona hududiy elektr tarmoqlari korxonasi” AJ jamoasi.

#rasmiy_munosabat

Ijtimoiy tarmoqlar orqali Farg‘ona tuman "Yangi asr" mahalla fuqarolar yig‘ini "Mustaqillik shukronasi" ko‘chasida joylashgan 84-sonli ko‘p qavatli uyga o‘rnatilgan elektr hisoblagich yuzasidan yo‘llangan murojaat nazoratga olinganligini hamda mutaxassislar tomonidan mazkur elektr hisoblagich qonuniyligi o‘rganilayotganligini bildiramiz!

⚡️ t.me/farhetk_admin

#tezkor
#07_07_2026

HUDUDLARDA TA'MIRLASH ISHLARI OLIB BORILADI

📌 FARG‘ONA SHAHRI HAMDA FARG‘ONA TUMANI

Bugun, 10:00dan 11:00ga qadar Farg‘ona shahri hamda Farg‘ona tumanining ayrim hududlarini elektr energiyasi bilan ta'minlovchi yuqori kuchlanishli "L-Poulg‘on" elektr uzatish tarmog‘ida qisqa muddatli taʼmirlash ishlari bajariladi;

Ta'mirlash vaqti elektr ta'minotidagi uzilishlar uchun uzr so'raymiz!

"Farg‘ona HETK" AJ
matbuot xizmati.

📌📌📌📌📌📌

Davlat organlarida korrupsiyaga qarshi ichki nazorat tizimi kuchaytirildi

Endilikda davlat organi yoki tashkiloti rahbarlarining korrupsiyaga oid huquqbuzarliklarga aloqadorligi yoki jinoiy guruh faoliyatiga rahnamolik qilayotgani haqida yetarli asoslar mavjud bo‘lganda, komplayens va korrupsiyaga qarshi ichki nazorat bo‘yicha o‘rinbosar tegishli materiallarni huquqni muhofaza qiluvchi organlarga to‘g‘ridan-to‘g‘ri taqdim etish vakolatiga ega.

Shuningdek, bunday holatlarda rahbarning kadrlar va moliyaviy masalalar bo‘yicha qaror qabul qilish vakolatini vaqtincha to‘xtatish yoki tegishli rahbar yoxud xodimni vazifasini bajarishdan vaqtincha chetlatish yuzasidan taklif kiritishi mumkin.

Mazkur tuzilmalar faoliyatini muvofiqlashtirish O‘zbekiston Respublikasi Prezidenti Administratsiyasining Komplayens xizmati tomonidan amalga oshiriladi.

⚡️ t.me/farhetk_admin

Islom sivilizatsiyasi I Xalqaro forumi ishtirokchilariga murojaat
—
Обращение к участникам I Международного форума исламской цивилизации

⚡️ t.me/farhetk_admin

📌📌📌📌📌📌

Endi gaz va elektr energiyasi kompensatsiyasini my.gov.uz orqali rasmiylashtirish mumkin

Kuz-qish va yoz oylarida energiya resurslari xarajatini kamaytirish maqsadida ehtiyojmand oilalarga davlat tomonidan kompensatsiya to‘lanishi joriy etilgan. Va endi buni uydan chiqmay turib rasmiylashtirish mumkin.

Mazkur xizmatdan: Ijtimoiy reyestrga kiritilgan, shuningdek, Reyestrga kiritilmagan, biroq moddiy ahvoli boʻyicha “davlat taʼminotidagi oila” yoki “kambag‘al oila” toifasidagi mezonlarga mos, oiladagi jon boshiga to‘g‘ri keladigan daromadi minimal isteʼmol xarajatlarining 1,5 barobaridan oshmaydigan oilalar foydalanishlari mumkin.

Kompensatsiya bazaviy me’yordan oshgan quyidagi iste’mol hajmi uchun ajratiladi:
• Elektr energiyasi: oyiga 150 kVt·soatgacha;
• Tabiiy gaz: isitish mavsumida oyiga 250 kub metrgacha, boshqa oylarda esa oyiga 150 kub metrgacha.

Arizani:
— Onlayn: my.gov.uz orqali.
— Oflayn: Davlat xizmatlari markazi, “Inson” markazlari yoki mahalladagi ijtimoiy xodim orqali topshirish mumkin.

Ariza har oyning 16-sanasiga qadar qabul qilinadi (16-sanadan keyingilari navbatdagi oyga o‘tadi).

To‘lov tartibi quyidagicha: Kompensatsiya tasdiqlangach, mablag‘ keyingi oyning 27-sanasiga qadar “Xalq banki” orqali fuqaroning ijtimoiy yoki bank kartasiga o‘tkazib beriladi. Natija haqida SMS va shaxsiy kabinetga xabarnoma keladi.

Xizmatdan foydalanish mutlaqo bepul.

Hoziroq ariza yuborish uchun: https://my.gov.uz/uz/service/1363

⚡️ t.me/farhetk_admin

#foto_fakt

YANGI TAYANCHLAR O'RNATILMOQDA

“Farg’ona hududiy elektr tarmoqlari korxonasi” AJ tomonidan tun-u, kun hududlarda past kuchlanishli elektr tarmoqlarini yangilash hamda modernizatsiya qilish ishlari davom etmoqda.

Jamiyat tomonidan Furqat tumanining "Jangketmon" mahalla fuqarolar yig’ini hududiga yangi 0,4 kVli elektr uzatish tarmoqlari uchun temir–beton tayanchlari o'rnatilmoqda.

⚡️ t.me/farhetk_admin

"SHOYIMBEK" MAHALLASIDA ELEKTR TA'MINOTI YANADA MUSTAHKAMLANMOQDA

Hududlarda elektr ta'minoti ishonchliligini oshirishga qaratilgan dastur asosida Furqat tumanining "Shoyimbek" mahalla fuqarolar yig‘ini hududida yangi 0,4 kVli elektr uzatish tarmoqlari uchun temir-beton tayanchlarni o‘rnatish ishlari jadal davom etmoqda.

Mazkur amaliy ishlar aholini sifatli va barqaror elektr energiyasi bilan ta'minlash, mavjud tarmoqlarni modernizatsiya qilish hamda kelgusidagi yuklamalarni ishonchli qabul qilishga xizmat qiladi.

⚡️ t.me/farhetk_admin