MUROJAAT IJOBIY YECHIM TOPMOQDA

Farg'ona tumanining “Yuqori Vodil” mahalla fuqarolar yig‘inidan elektr ta’minotiga oid murojaatga asosan elektr tarmoqlarini yangilash maqsadida hududga olib borilgan yangi temir-beton tayanchlarini o'rnatish ishlari olib borilmoqda.

⚡️ t.me/farhetk_admin

“KARKIDON”DA TURIZM RIVOJI UCHUN YANGI ELEKTR INFRATUZILMASI BARPO ETILMOQDA

Quva tumanidagi “Karkidon” suv ombori hududida barpo etilgan zamonaviy turizm majmuasini ishonchli va barqaror elektr energiyasi bilan ta’minlash maqsadida loyiha asosida yangi elektr tarmoqlarini qurish ishlari jadal olib borilmoqda.

Mutaxassislar tomonidan yangi elektr uzatish kabel tarmog'i bosqichma-bosqich amalga oshirilmoqda.

Mazkur amaliy ishlar turizm majmuasining uzluksiz elektr ta’minoti ta’minlab, hududda turizm infratuzilmasini yanada rivojlantirish hamda tashrif buyuruvchilar uchun qulay sharoitlar yaratishga xizmat qiladi.

⚡️ t.me/farhetk_admin

#foto_fakt

✅ “NADIRMAT” MAHALLASIGA YANGI TEMIR-BETON TAYANCHLAR YETKAZILDI

“Farg‘ona hududiy elektr tarmoqlari korxonasi” AJ tomonidan hududlarda elektr ta’minoti ishonchliligini oshirish, past kuchlanishli elektr tarmoqlarini modernizatsiya qilish va yangilash ishlari izchil davom ettirilmoqda.

Shu maqsadda Marg‘ilon shahrining “Nadirmat” mahalla fuqarolar yig‘ini hududida mavjud elektr uzatish tarmoqlarini rekonstruksiya qilish uchun zarur bo‘lgan temir-beton tayanchlar yetkazildi.

Mazkur ishlar elektr tarmoqlarini bosqichma-bosqich yangilash, iste’molchilarni sifatli va uzluksiz elektr energiyasi bilan ta’minlash hamda elektr ta’minoti ishonchliligini yanada oshirishga xizmat qiladi.

⚡️ t.me/farhetk_admin

UZLUKSIZ TA’MINOT — SAMARALI FAOLIYAT ASOSI

“Farg‘ona hududiy elektr tarmoqlari korxonasi” AJ tomonidan ishlab chiqilgan aniq reja va belgilangan yo'l xaritasi asosida hududlarda amalga oshirilayotgan qurilish, rekonstruksiya hamda ta’mirlash ishlarini zarur materiallar bilan uzluksiz ta’minlash ishlari izchil tashkil etilmoqda.

Shu maqsadda korxona tomonidan kabel mahsulotlari, turli rusumdagi ochiq simlar, temir-beton tayanchlar, transformator punktlari uchun zarur uskunalar hamda elektr uzatish tarmoqlarini qurish va ta’mirlashda foydalaniladigan barcha elektr qurilmalari hududlarga o‘z vaqtida yetkazib berilmoqda.

Material-texnik resurslarning o‘z vaqtida yetkazilishi qurilish-montaj va ta’mirlash ishlarining uzluksiz davom etishini ta’minlash bilan birga, elektr tarmoqlarida yuzaga kelishi mumkin bo‘lgan favqulodda nosozliklarni qisqa muddatlarda bartaraf etish imkonini ham yaratmoqda.

Bu esa iste’molchilarni ishonchli va sifatli elektr energiyasi bilan ta’minlash, elektr ta’minoti barqarorligini mustahkamlash hamda barcha ishlarning belgilangan muddatlarda va sifatli bajarilishiga xizmat qilmoqda.

⚡️ t.me/farhetk_admin