XAVFSIZLIK – HAR BIR ISHNING USTUVOR MEZONI

"Farg‘ona hududiy elektr tarmoqlari korxonasi" AJ tomonidan xodimlarning mehnat muhofazasi qoidalariga qat'iy rioya etishini ta'minlash, ishlab chiqarishda baxtsiz hodisalarning oldini olish hamda xavfsiz mehnat madaniyatini yanada mustahkamlash maqsadida tizimli o‘quv-amaliy mashg‘ulotlar muntazam tashkil etib kelinmoqda.

Shu maqsadda Buvayda tuman elektr ta'minoti korxonasining o‘quv maydonida xodimlar ishtirokida navbatdan tashqari o‘quv mashg‘uloti o‘tkazildi.

Mashg‘ulot davomida elektr qurilmalarida ishlarni xavfsiz tashkil etish tartibi, mehnat muhofazasi va xavfsizlik texnikasi qoidalariga rioya etish, shaxsiy himoya vositalaridan to‘g‘ri foydalanish hamda ish boshlashdan oldingi tashkiliy va texnik tadbirlarni to‘liq bajarish yuzasidan amaliy ko‘nikmalar mustahkamlandi.

Shuningdek, xodimlarga favqulodda vaziyatlarda to‘g‘ri harakat qilish, xavf omillarini o‘z vaqtida aniqlash va bartaraf etish, elektr uskunalarida ta'mirlash ishlarini belgilangan talablar asosida bajarish bo‘yicha zarur tavsiyalar berildi.

Bunday o‘quv-amaliy mashg‘ulotlar xodimlarning kasbiy malakasini oshirish, mehnat intizomini mustahkamlash hamda elektr tarmoqlarida ishlarni xavfsiz va sifatli bajarishni ta'minlashga xizmat qiladi.

"Farg‘ona hududiy elektr tarmoqlari korxonasi" AJ tomonidan mehnat muhofazasi va xavfsizlik texnikasi talablariga qat'iy rioya etilishini ta'minlash, xodimlar hayoti va salomatligini muhofaza qilish borasidagi ishlar izchil davom ettirilmoqda.

⚡️ t.me/farhetk_admin

☀️ QUYOSH ENERGIYASI – KELAJAKKA QO‘YILGAN SARMОYA

Bugungi kunda yurtimizda qayta tiklanuvchi energiya manbalaridan samarali foydalanish, energiya tejamkor texnologiyalarni keng joriy etish hamda aholini muqobil energiya tizimlariga jalb etish borasida amalga oshirilayotgan islohotlar o‘zining amaliy natijasini bermoqda. Ayniqsa, quyosh panellaridan foydalanayotgan xonadonlar soni tobora ortib borayotgani ekologik barqarorlikni ta'minlash bilan birga, elektr energiyasidan oqilona foydalanish madaniyatini ham yuksaltirmoqda.

Ana shunday tashabbuskor fuqarolardan biri – "Jarqo‘rg‘on" mahalla fuqarolar yig‘inining "Behizor" ko‘chasi, 3-uyda yashovchi Mardonbek Oripov bo‘lib, u o‘z xonadoniga 15 kVt quvvatga ega zamonaviy quyosh fotoelektr stansiyasini o‘rnatdi.
Mazkur loyiha orqali xonadonning elektr energiyasiga bo‘lgan ehtiyoji ekologik toza va qayta tiklanuvchi energiya hisobidan qoplanmoqda. Eng muhimi, ishlab chiqarilgan ortiqcha elektr energiyasini umumiy elektr tarmog‘iga uzatish imkoniyati ham yaratilgan bo‘lib, bu esa nafaqat energiya tejamkorligini, balki oilaviy budjetga qo‘shimcha daromad keltirish imkonini ham beradi.

Quyosh panelini tarmoqqa ulash jarayonida tuman elektr ta'minoti korxonasi mutaxassislari tomonidan zarur texnik ko‘mak ko‘rsatildi.

Xususan, tizimni to‘g‘ri ulash, xavfsiz ekspluatatsiya qilish, uskunalardan samarali foydalanish hamda monitoringni yo‘lga qo‘yish bo‘yicha amaliy tavsiyalar berildi.

Bugungi kunda muqobil energiya manbalaridan foydalanish – bu nafaqat elektr xarajatlarini kamaytirish, balki mamlakatimizning energiya xavfsizligini mustahkamlash, atrof-muhitni asrash va "yashil iqtisodiyot"ni rivojlantirishga qo‘shilayotgan munosib hissadir.

⚡️ t.me/farhetk_admin

🟢 ELEKTR TAQSIMLOVCHI QURILMALARDA TA'MIRLASH ISHLARI OLIB BORILMOQDA

"Farg‘ona hududiy elektr tarmoqlari korxonasi" AJ tomonidan ishlab chiqilgan rejaga muvofiq elektr ta'minoti tizimining ishonchliligi va barqarorligini ta'minlash maqsadida Qo‘qon shahrida navbatdagi ta'mirlash ishlari amalga oshirilmoqda.

Xususan, Qo‘qon shahrining A. Navoiy ko‘chasi 17-sonli ko‘p qavatli uyida joylashgan elektr taqsimlovchi qurilmalarda ta'mirlash va texnik xizmat ko‘rsatish ishlari olib borilmoqda.

Mazkur ishlar davomida elektr taqsimlovchi qurilmalar ko‘rikdan o‘tkazilib, eskirgan hamda texnik talablarga javob bermaydigan qismlar yangilanmoqda. Bu esa elektr tarmoqlarida yuzaga kelishi mumkin bo‘lgan nosozliklarning oldini olish, avariya holatlari xavfini kamaytirish hamda iste'molchilarni sifatli va barqaror elektr energiyasi bilan ta'minlashga xizmat qiladi.

⚡️ t.me/farhetk_admin

➡️ KO’P QAVATLI UYLARNING ELEKTR TA'MINOTI YAXSHILANMOQDA

Iste'molchilarni sifatli va barqaror elektr energiyasi bilan ta'minlash, elektr tarmoqlarining texnik holatini yaxshilash hamda favqulodda nosozliklarning oldini olish maqsadida "Farg‘ona hududiy elektr tarmoqlari korxonasi" AJ tomonidan hududlarda belgilangan reja asosida ta'mirlash ishlari izchil davom ettirilmoqda.

Navbatdagi texnik tadbirlar Qo‘qon shahrining A. Navoiy ko‘chasi 2-sonli ko‘p qavatli uyida joylashgan elektr taqsimlovchi qurilmalarda amalga oshirilmoqda.

Mutaxassislar tomonidan elektr taqsimlovchi qurilmalar to‘liq texnik ko‘rikdan o‘tkazilib, eskirgan va foydalanish muddati yakuniga yetgan elementlar zamonaviy uskunalarga almashtirilmoqda. Shuningdek, elektr taqsimlash tizimining ishonchliligini oshirishga qaratilgan zarur profilaktik ishlar ham bajarilmoqda.

Mazkur tadbirlar elektr ta'minoti sifatini yanada yaxshilash, tarmoqlarning barqaror ishlashini ta'minlash hamda ko‘p qavatli uy aholisiga sifatli va xavfsiz elektr energiyasini yetkazib berishga xizmat qiladi.

⚡️ t.me/farhetk_admin

📌📌📌📌📌📌

Jazirama kunlarda elektr ta’minoti barqarorligini ta’minlash bо‘yicha tayyorgarlik ishlari yanada kuchaytirildi
 
Shu kunlarda yurtimiz bо‘ylab havo haroratining keskin kо‘tarilishi, yoz faslining eng jazirama kunlari kuzatilmoqda. Tabiiyki, bunday yuqori harorat sharoitida elektr energiyasiga bо‘lgan talab ortib, elektr ta’minoti tizimiga tushadigan yuklama ham sezilarli darajada oshadi. Bu esa elektr uzatish tarmoqlarida avariyaviy nosozliklar yuzaga kelishi ehtimolini kuchaytiradi. Shuningdek, havo haroratining kо‘tarilishi elektr uzatish liniyalari va transformatorlarning ish samaradorligiga ham salbiy ta’sir kо‘rsatadi.
 
“Hududiy elektr tarmoqlari” AJ tomonidan elektr energiyasi ta’minoti barqarorligini ta’minlash, avariyaviy holatlarni tezkor bartaraf etish hamda iste’molchilarga sifatli xizmat kо‘rsatish bо‘yicha tizimli chora-tadbirlar amalga oshirilmoqda. Xususan, yoz mavsumini betalafot о‘tkazish va yuzaga kelishi mumkin bо‘lgan nosozliklarni qisqa muddatlarda bartaraf etish maqsadida tunu kun uzluksiz faoliyat kо‘rstadigan tezkor brigadalar shay holatga keltirilgan.
 
Xususan, Respublika bо‘yicha yuzaga kelishi mumkin bо‘lgan avariyaviy holatlarni tezkor bartaraf etishga maqsadida 6 ming 500 dan ortiq xodimdan iborat 1 ming 203 ta tunu-kun faoliyat yuritadigan avariyaviy brigadalari navbatchiligi tashkil etildi, har bir brigadalarga maxsus avto va texnikalar biriktirildi.
 

Shu bilan bir qatorda , yoz mavsumini betalafot о‘tkazish, turli nosozliklar yuzaga kelgan taqdirda ularni zudlik bilan bartaraf etish maqsadida zarur jihoz va materiallar zaxirasi yaratildi.
 
Yoz mavsumini betalafot о‘tkazish, elektr energiyasi iste’moli keskin ortishi kuzatiladigan kunlarda iste’molchilarni uzluksiz elektr energiyasi bilan ta’minlash, energetika obyektlarida 24 soatlik ish rejimini ta’minlash, avariya-ta’mirlash brigadalarining shayligini yanada oshirish hamda rejali ta’mirlash ishlarini jadallashtirish bugungi kunning ustuvor vazifalaridan hisoblanadi.
 
Shu о‘rinda iste’molchilardan elektr energiyasiga ortiqchi ehtiyoj sababli kelib chiqqan talabni kamaytirish maqsadida elektr energiyasidan oqilona foydalanishlarini sо‘rab qolgan bо‘lar edik.

 
Zarur holatlarda murojaatlarni  1154 qisqa raqamiga yoki "Hududiy elektr tarmoqlari" AJ bilan muloqot kanali orqali @HET_admin ham yuborishingiz mumkinligini eslatib о‘tamiz.

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

⚡️ YASHIL ENERGETIKA – FAROVON HAYOT VA BARQAROR TARAQQIYOT POYDEVORI

Yurtimizda qayta tiklanuvchi energiya manbalaridan foydalanishni kengaytirish, energiya samaradorligini oshirish hamda "yashil iqtisodiyot" tamoyillarini hayotga izchil tatbiq etish borasida amalga oshirilayotgan islohotlar o‘zining amaliy samarasini bermoqda. Bugungi kunda aholi tomonidan quyosh fotoelektr stansiyalarini o‘rnatishga bo‘lgan qiziqish tobora ortib, ekologik toza energiyadan foydalanish hayot tarzining ajralmas qismiga aylanib bormoqda.

Farg‘ona tumanining "Satkak" mahalla fuqarolar yig‘ini, Yangi Marg‘ilon ko‘chasi, 67-uyda istiqomat qiluvchi Solijon Tug‘unov ham ana shunday tashabbuskor fuqarolardan biri bo‘lib, o‘z xonadonida 49 kVt quvvatga ega zamonaviy quyosh fotoelektr stansiyasini ishga tushirdi.

Mazkur loyiha orqali xonadonning elektr energiyasiga bo‘lgan ehtiyoji muqobil energiya manbasi hisobidan ta'minlanmoqda. Shu bilan birga, ishlab chiqarilgan ortiqcha elektr energiyasini umumiy elektr tarmog‘iga uzatish imkoniyati yaratilgani energiya resurslaridan oqilona foydalanish, elektr xarajatlarini kamaytirish hamda qo‘shimcha daromad olishga xizmat qilmoqda.

Quyosh fotoelektr stansiyasini elektr tarmog‘iga ulash jarayonida mutaxassislar tomonidan zarur texnik ko‘mak ko‘rsatildi. Tizimni amaldagi texnik talablar asosida ulash, xavfsiz ekspluatatsiya qilish va barqaror ishlashini ta'minlash yuzasidan amaliy tavsiyalar berildi.

Bugungi kunda muqobil energiya manbalaridan foydalanish nafaqat har bir oilaning energiya xarajatlarini qisqartirish, balki elektr tarmoqlaridagi yuklamani kamaytirish, atrof-muhit musaffoligini saqlash hamda mamlakatimizning energetik xavfsizligini mustahkamlashga xizmat qilmoqda.

⚡️ t.me/farhetk_admin