Qurilishda ishlayotgan ustani boshiga g‘isht tushib ketibdi

🔴 DIQQAT! BU VIDEO — HAR BIR ELEKTROMONTYOR UCHUN MUHIM SABOQ!

Ish jarayonida bir lahzalik beparvolik yoki himoya vositalaridan foydalanmaslik og‘ir oqibatlarga olib kelishi mumkin.

Elektr tarmoqlarida ish olib borayotgan barcha xodimlardan xavfsizlik texnikasi qoidalariga qat’iy rioya qilish, himoya kaskasi, maxsus kiyim va boshqa shaxsiy himoya vositalaridan to‘liq foydalanishlarini so‘raymiz.

Hech qanday ish inson hayotidan ustun emas!

O‘zingizni asrang, hamkasblaringizni ogohlantiring va xavfsiz mehnat madaniyatiga amal qiling!
 
⚡️ t.me/farhetk_admin

✅#foto_fakt

YANGI TAYANCHLAR YETKAZILDI

“Farg’ona hududiy elektr tarmoqlari korxonasi” AJ tomonidan Farg'ona shahrining “Nafosat” mahalla fuqarolar yig’ini hududidagi 0,4 kVli yangi elektr uzatish tarmoqlarini uchun zarur bo’lgan temir–beton tayanchlari yetkazildi.

⚡️ t.me/farhetk_admin

#tezkor

❗️ MARG’ILON SHAHRIDAGI "YODGORLIK" PODSTANSIYASIDA YUZAGA KELISHI MUMKIN BO‘LGAN NOSOZLIKNI OLDINI OLISH CHORALARI KO‘RILMOQDA

Marg'ilon shahrining markaziy hamda asosiy qismini elektr energiyasi bilan taʼminlovchi "Yodgorlik" podstansiyasida bugun soat 15:50 dan 17:00 ga qadar kechiktirib bo‘lmaydigan qisqa muddatli taʼmirlash ishlari bajariladi.

Yuqorida ko‘rsatilgan vaqt oralig‘ida shaharning markaziy hududlarida elektr taʼminoti vaqtincha o‘chiriladi.

Qisqa muddatli taʼmirlash ishlari vaqtida taʼminotdagi uzilish uchun uzr so‘raymiz!

⚡️ t.me/farhetk_admin

#tezkor

Ayni vaqtda, elektr tarmoqlarida yuzaga kelishi mumkin bo‘lgan ortiqcha yuklamalarning oldini olish hamda elektr ta’minoti tizimining barqaror ishlashini ta’minlash maqsadida Marg‘ilon, Quvasoy shaharlari hamda Rishton, Oltiariq, Farg‘ona, Qo‘shtepa va Yozyovon tumanlarining ayrim hududlarida elektr energiyasi ta’minotida qisqa muddatli vaqtinchalik uzilishlar kuzatilmoqda.

Ta’minotdagi uzilishlar bo’yicha qo’shimcha axborot beriladi.

⚡️ t.me/farhetk_admin

#tezkor_ogohlantirish

VILOYATIMIZDAGI QURUVCHI TASHKILOTLAR, TADBIRKORLAR DIQQATIGA!

⚡️ t.me/farhetk_admin

TEZKOR XABAR

Ayni kunlarda kuzatilayotgan issiq havo hamda elektr energiyasi iste’molining keskin ortishi sabab elektr tarmoqlari yuqori yuklama ostida ishlamoqda.

Elektr ta’minoti tizimida yirik nosozliklar yuzaga kelishining oldini olish, elektr uzatish tarmoqlari va uskunalarini himoya qilish maqsadida ayrim hududlarda qisqa muddatli elektr ta’minotidagi uzilishlar kuzatilishi mumkin.

Shu bilan birga, yuzaga kelayotgan nosozliklarni bartaraf etish uchun "Farg‘ona hududiy elektr tarmoqlari korxonasi" AJning barcha avariya-ta’mirlash brigadalari kuchaytirilgan tartibda, tunu kun faoliyat olib bormoqda.

Mutaxassislar elektr ta’minotini imkon qadar qisqa muddatlarda tiklash choralarini ko‘rmoqda.

Hurmatli iste’molchilar!

Sizlardan ushbu davrda elektr energiyasidan oqilona va tejamkor foydalanishingizni so‘raymiz.

Bu elektr tarmoqlaridagi ortiqcha yuklamani kamaytirish va uzilishlarning oldini olishga xizmat qiladi.

Yuzaga kelayotgan vaqtinchalik noqulayliklar uchun uzr so‘raymiz!

⚡️ t.me/farhetk_admin

⚡️ t.me/farhetk_admin

📌📌📌📌📌📌

Jazirama issiqda elektr tarmoqlarining qizishiga bir vaqtning o‘zida to‘rtta asosiy omil ta’sir qiladi

Haroratning yuqori bo‘lishi

Transformatorlar, podstansiyalar va elektr uzatish tarmoqlari tashqi havo orqali soviydi. Qishda havo harorati +10…+20 °C bo‘lsa, uskunalardan ajralayotgan issiqlik oson tarqaladi.

Ammo havo harorati 40–45 °C ga yetganda sovitish samaradorligi keskin pasayadi. Buning natijasida uskunalarning ichki harorati ham tezroq ko‘tariladi.

Elektr iste’molining oshishi

Yozda elektr tarmoqlariga tushadigan yuklama keskin ortadi. Bunga konditsionerlar, muzlatgich va sovitish uskunalari, sanoat hamda xizmat ko‘rsatish obyektlarining yuqori quvvatda ishlashi asosiy sabab bo‘ladi.

Elektr tarmoqlarida yuklama ortishi bilan simlar va transformatorlarda issiqlik ajralishi keskin ko‘payadi. Masalan, elektr yuklamasi ikki baravar oshsa, ajraladigan issiqlik qariyb to‘rt baravar ortadi.

Quyosh nurlarining to‘g‘ridan to‘g‘ri ta’siri

Ochiq maydonda joylashgan transformator punktlari, podstansiyalar, metall shkaflar va yuqori kuchlanishli uskunalar kun bo‘yi quyosh nurlari ta’sirida qiziydi.

Metall yuzalar quyosh ta’sirida havo haroratidan ancha yuqori darajagacha qizishi mumkin. Masalan, havo +40 °C bo‘lganda metall korpuslar 55–70 °C gacha qizishi mumkin. Qora rangli metallarda bu ko‘rsatkich yanada yuqori bo‘ladi.

Uskunaning o‘zidan chiqadigan issiqlik

Bu eng asosiy omil hisoblanadi. Transformator ichida mis yoki alyuminiy chulg‘amlar, magnit o‘zak va elektr yo‘qotishlari doimiy ravishda issiqlik hosil qiladi. Yuklama ortishi bilan bu yo‘qotishlar ham oshib boradi.

Shuning uchun tashqarida havo +42 °C bo‘lsa ham, transformatorning ichi ancha yuqori haroratda ishlaydi. Ta’kidlash joizki, tashqi korpusi 70 °C bo‘lgan transformatorning ichidagi chulg‘am harorati 100 °C dan yuqori bo‘lishi mumkin.

Shu sababli issiq kunlarda ayrim transformator punktlari yoki elektr uzatish tarmoqlarida nosozliklar yuzaga kelishi ehtimoli ortadi.
Havo harorati 40–45 °C bo‘lgan kunlarda elektr tarmoqlari bir vaqtning o‘zida tashqi muhit, to‘g‘ridan to‘g‘ri quyosh nurlari va yuqori elektr yuklamasi ta’sirida ishlaydi. Natijada transformator korpuslari 55–80 °C, elektr simlari 60–90 °C, transformator chulg‘amlari esa 80–110 °C atrofidagi haroratgacha qizishi mumkin.

Bunday sharoitda elektr ta’minoti tizimidagi har qanday qo‘shimcha yuklama yoki texnik nuqson avariya ehtimolini oshiradi. Shu bois energetiklar yozning eng issiq kunlarida tarmoqlarni doimiy nazorat qiladi, yuklamani qayta taqsimlaydi va yuzaga kelgan nosozliklarni tezkor bartaraf etish choralarini ko‘radi.

⚡️ t.me/farhetk_admin

#elektr_energiyasi

O‘zbekiston energetika tizimida elektr energiyasi iste’moli va ishlab chiqarish ko‘rsatkichlari yana oshdi

O‘zbekiston yagona energetika tizimida 2026-yil 17-iyul kuni yozgi mavsum uchun sutkalik elektr energiyasi iste’moli 293,4 mln kVt·soatni tashkil etib, yangi rekord qayd etildi. Mazkur ko‘rsatkich o‘tgan yil yozgi mavsumida qayd etilgan eng yuqori natijadan 20,8 mln kVt·soatga yoki 7,6 foizga yuqori.

Shuningdek, 2026-yil 17-iyul kuni sutkalik elektr energiyasi ishlab chiqarish hajmi ham 296,1 mln kVt·soatni tashkil etib, yangi rekord o‘rnatildi. Bu ko‘rsatkich 16-iyulda qayd etilgan 295,4 mln kVt·soatlik rekorddan 0,7 mln kVt·soatga yoki 0,24 foizga yuqori.

Kichik quvvatli quyosh fotoelektr stansiyalari bilan qo‘shib hisoblaganda 17-iyul kuni jami 305 mln kVt·soat (+11,6 mln kVt·soat) elektr energiyasi ishlab chiqarildi. Bu esa, o‘tgan kungi ishlab chiqarishdan 9,6 mln kVt·soatga yoki 3,2 foizga ko‘p.

Dispetcherlik xizmatlari elektr tarmoqlaridagi yuklama, elektr tarmoqlari va transformatorlarning texnik holatini real vaqt rejimida doimiy monitoring qilib boradi.

Zarurat tug‘ilganda uskunalarning ortiqcha yuklanishi va qizib ketishining oldini olish uchun yuklamani qayta taqsimlash hamda boshqa tezkor choralar ko‘riladi.

Bu esa texnologik nosozliklar va yirik uzilishlarning oldini olib, energotizimning barqaror ishlashini ta’minlashga xizmat qiladi.

Hurmatli iste’molchilar! Elektr energiyasidan oqilona va tejamkor foydalanishingizni so‘raymiz.

Hurmatli iste’molchilar! Elektr energiyasidan oqilona va tejamkor foydalanishingizni so‘raymiz. Zarurat bo‘lmagan hollarda elektr jihozlaridan foydalanishni cheklash orqali elektr tarmoqlaridagi ortiqcha yuklamani kamaytirish, avariyaviy holatlar hamda uzilishlarning oldini olishga barchamiz birdek hissa qo‘sha olamiz.

⚡️ t.me/farhetk_admin