BESHARIQDA TRANSFORMATOR PUNKTI TEXNIK HOLATI O‘RGANILDI
 
Beshariq tumanining "Dehqonto'da" mahalla fuqarolar yig‘ini hududida joylashgan 33-sonli transformator punktida korxona mutaxassislari tomonidan texnik o‘rganish va nazorat ishlari amalga oshirildi.

Mazkur transformator punkti orqali 185 nafar aholi iste’molchisi hamda 12 ta ulgurji iste’molchi elektr energiyasi bilan ta’minlanadi. Yozning jazirama kunlarida havo haroratining yuqori bo‘lishi sabab elektr tarmoqlariga tushayotgan yuklama ortib borayotganligi inobatga olinib, transformator punktining texnik holati atroflicha ko‘zdan kechirildi.

Tekshiruvlar davomida elektr energiyasi yo‘qotishlari yuqori bo‘lgan qurilmalar sinchkovlik bilan o‘rganildi. Aniqlangan texnik kamchiliklar korxona mutaxassislari tomonidan o‘z vaqtida bartaraf etilib, uskunalarning ishonchli ishlashi ta’minlandi.

Mazkur profilaktik tadbirlar elektr ta’minotida yuzaga kelishi mumkin bo‘lgan nosozliklarning oldini olish, elektr energiyasi yo‘qotishlarini kamaytirish hamda iste’molchilarni barqaror va sifatli elektr energiyasi bilan uzluksiz ta’minlashga xizmat qilmoqda.

⚡️ t.me/farhetk_admin

JAZIRAMA KUNLARDA ELEKTR TA’MINOTI BARQARORLIGI USTUVOR VAZIFA

Yurtimizda kuzatilayotgan jazirama issiq ob-havo sharoitida aholi va iqtisodiyot tarmoqlarini uzluksiz hamda sifatli elektr energiyasi bilan ta’minlash maqsadida Marg‘ilon shahridagi “Ariq bo‘yi” va “Guliston” mahallalarida joylashgan transformator punktlarining texnik holatini joyiga chiqib o‘rgandi.

O‘rganish jarayonida transformator punktlarining bugungi kundagi ishlash holati, quvvat yuklamasi, texnik sozligi hamda iste’molchilarni barqaror elektr energiyasi bilan ta’minlash darajasi batafsil tahlil qilindi.

Shuningdek, yozgi yuqori yuklama davrida elektr tarmoqlarining ishonchli ishlashini ta’minlash, kuz-qish mavsumiga puxta tayyorgarlik ko‘rish, mavjud tarmoqlarni modernizatsiya qilish va aholiga ko‘rsatilayotgan xizmat sifatini yanada oshirish masalalariga alohida e’tibor qaratildi.

Ko‘rik davomida aniqlangan kamchiliklarni qisqa muddatlarda bartaraf etish, zarurat tug‘ilganda qo‘shimcha transformator quvvatlarini ishga tushirish, avariyaviy holatlarning oldini olish hamda elektr ta’minotidagi uzilishlarni kamaytirish yuzasidan mas’ul rahbar va mutaxassislarga tegishli topshiriqlar berildi.

Aholining elektr energiyasiga bo‘lgan ehtiyojini to‘liq va uzluksiz qondirish, ayniqsa yozgi yuqori yuklama davrida elektr ta’minoti barqarorligini ta’minlash maqsadida Marg‘ilon shahrida transformator punktlari va elektr tarmoqlarining texnik holatini o‘rganish hamda profilaktik tadbirlarni amalga oshirish ishlari izchil davom ettirilmoqda.

⚡️ t.me/farhetk_admin

DANG‘ARA TUMANIDA ELEKTR TA’MINOTI BARQARORLIGINI TA’MINLASH MAQSADIDA NAZORAT KUCHAYTIRILDI

Yurtimizda kuzatilayotgan jazirama issiq ob-havo sharoitida elektr energiyasiga bo‘lgan talabning keskin ortishi elektr tarmoqlariga tushayotgan yuklamani sezilarli darajada oshirmoqda.

Shu bois aholi va iqtisodiyot tarmoqlarini uzluksiz hamda sifatli elektr energiyasi bilan ta’minlash maqsadida "Farg‘ona hududiy elektr tarmoqlari korxonasi" AJ Dang‘ara tuman elektr ta’minoti korxonasi tomonidan hududlarda nazorat va profilaktik tadbirlar yanada kuchaytirildi.

Xususan, tuman hududidagi transformator punktlari, elektr uzatish tarmoqlari hamda taqsimlash qurilmalarining texnik holati mas’ul rahbarlar ishtirokida joyiga chiqib o‘rganildi.

Mutaxassislar tomonidan transformatorlarning quvvat yuklamasi, kuchlanish ko‘rsatkichlari, kontakt birikmalari va himoya qurilmalarining ishonchli ishlashi atroflicha tekshirilib, aniqlangan kamchiliklar o‘z vaqtida bartaraf etildi.

Shuningdek, elektr energiyasi iste’moli yuqori bo‘lgan hududlarda yuklamalarni muvozanatlashtirish, texnik yo‘qotishlarni kamaytirish hamda ehtimoliy avariyaviy holatlarning oldini olish yuzasidan zarur choralar ko‘rilmoqda.

Zarurat tug‘ilganda qo‘shimcha transformator quvvatlarini ishga tushirish va elektr tarmoqlarining o‘tkazuvchanlik imkoniyatlarini oshirish bo‘yicha amaliy ishlar olib borilmoqda.

⚡️ t.me/farhetk_admin

➡️ O‘ZBEKISTON TUMANIDA ELEKTR TA’MINOTI ISHONCHLILIGINI OSHIRISH YO‘LIDA MUHIM ISHLAR AMALGA OSHIRILDI

Aholini sifatli va barqaror elektr energiyasi bilan ta’minlash, elektr tarmoqlarining ishonchli ishlashini ta’minlash maqsadida O‘zbekiston tumani “Katta Qaynar” mahalla fuqarolar yig‘ini hududida joylashgan 335-sonli transformator punktida texnik o‘rganish va joriy ta’mirlash ishlari amalga oshirildi.

Mutaxassislar tomonidan transformator punktining texnik holati atroflicha o‘rganilib, ekspluatatsiya jarayonida aniqlangan kamchiliklar to‘liq bartaraf etildi.

Jumladan, elektr uskunalari ko‘rikdan o‘tkazilib, zarur profilaktik va ta’mirlash ishlari bajarildi, nosoz elementlar soz holatga keltirildi hamda uskunalarning ishonchli ishlashi ta’minlandi.

Mazkur ishlar natijasida transformator punktining texnik holati sezilarli darajada yaxshilanib, elektr ta’minotining barqarorligi va barqarorligi yanada mustahkamlandi. Bu esa Katta Qaynar mahallasi iste’molchilariga sifatli elektr energiyasini yetkazib berish hamda avariya holatlarining oldini olishda muhim ahamiyat kasb etadi.

⚡️ t.me/farhetk_admin

TRANSFORMATOR PUNKTLARINING TEXNIK HOLATI O’RGANILMOQDA
 
Aholini barqaror va sifatli elektr energiyasi bilan taʼminlash, elektr tarmoqlaridagi mavjud muammolarni o‘z vaqtida bartaraf etish maqsadida Qoʻshtepa tumani hokimi hamda "Fargʻona hududiy elektr tarmoqlari korxonasi" AJ rahbariyati va mutaxassislari ishtirokida tumandagi bir qator mahalla fuqarolar yigʻinlarida joylashgan transformator punktlarining texnik holati joyiga chiqqan holda atroflicha oʻrganildi.

Oʻrganishlar davomida “Qamishtepa” mahalla fuqarolar yigʻini hududida joylashgan 10-sonli transformator punkti ko‘zdan kechirildi. Mazkur transformator punktiga 59 nafar isteʼmolchi ulangan bo‘lib, texnologik yoʻqotishlar 19 foizni tashkil etayotgani aniqlandi. Holatni bartaraf etish maqsadida qizigan kabellarni yangilash, kommutatsion apparatlarni almashtirish, nosoz ulanishlarni bartaraf etish hamda elektr yuklamalarini muvozanatli taqsimlash bo‘yicha amaliy ishlar belgilandi.

Shuningdek, “Yangidoʻkon” mahalla fuqarolar yigʻini hududidagi 92-sonli transformator punkti ham texnik jihatdan oʻrganildi. Mazkur transformator punkti 234 nafar isteʼmolchini elektr energiyasi bilan taʼminlab kelmoqda. Oʻrganish natijasida transformator punktining balandligi amaldagi meʼyoriy talablarga javob bermasligi hamda obyekt mukammal taʼmirtalab holatga kelgani aniqlandi.

Shu munosabat bilan transformator punktini kapital taʼmirlash, barcha kabellarni yangilash hamda Jahon banki loyihasi doirasida qurilgan 2 ta yangi transformator punktini elektr tarmogʻiga ulash orqali mavjud yuklamalarni qayta taqsimlash yuzasidan tegishli topshiriq va tavsiyalar berildi.
Texnik oʻrganish ishlari “Sarmazor” mahalla fuqarolar yigʻini hududidagi 80-sonli transformator punktida ham davom ettirildi.

Mazkur transformator punkti 138 nafar isteʼmolchiga xizmat koʻrsatmoqda. Hududda Jahon banki loyihasi asosida bunyod etilgan 12 ta yangi transformator punkti hamda 24,6 kilometr zamonaviy elektr uzatish tarmoqlarini ishga tushirish orqali mavjud 14 ta transformator punktidagi yuklamalarni sezilarli darajada kamaytirish, texnologik yoʻqotishlarni 5 foizgacha qisqartirish va elektr taʼminoti sifatini yanada yaxshilash imkoniyati mavjudligi qayd etildi.

Oʻrganish yakunida aniqlangan kamchiliklarni qisqa muddatlarda bartaraf etish, transformator punktlari va elektr tarmoqlarini bosqichma-bosqich modernizatsiya qilish, yuklamalarni meʼyorlashtirish hamda isteʼmolchilarni barqaror va sifatli elektr energiyasi bilan taʼminlash yuzasidan masʼullarga aniq vazifalar belgilab berildi.

"Fargʻona hududiy elektr tarmoqlari korxonasi" AJ tomonidan hududlarda elektr taʼminoti tizimini yanada takomillashtirish, mavjud infratuzilmani modernizatsiya qilish hamda isteʼmolchilarga sifatli xizmat koʻrsatishga qaratilgan ishlar izchil davom ettirilmoqda.

⚡️ t.me/farhetk_admin