➡️ O‘ZBEKISTON TUMANIDA ELEKTR TA’MINOTI ISHONCHLILIGINI OSHIRISH YO‘LIDA MUHIM ISHLAR AMALGA OSHIRILDI

Aholini sifatli va barqaror elektr energiyasi bilan ta’minlash, elektr tarmoqlarining ishonchli ishlashini ta’minlash maqsadida O‘zbekiston tumani “Katta Qaynar” mahalla fuqarolar yig‘ini hududida joylashgan 335-sonli transformator punktida texnik o‘rganish va joriy ta’mirlash ishlari amalga oshirildi.

Mutaxassislar tomonidan transformator punktining texnik holati atroflicha o‘rganilib, ekspluatatsiya jarayonida aniqlangan kamchiliklar to‘liq bartaraf etildi.

Jumladan, elektr uskunalari ko‘rikdan o‘tkazilib, zarur profilaktik va ta’mirlash ishlari bajarildi, nosoz elementlar soz holatga keltirildi hamda uskunalarning ishonchli ishlashi ta’minlandi.

Mazkur ishlar natijasida transformator punktining texnik holati sezilarli darajada yaxshilanib, elektr ta’minotining barqarorligi va barqarorligi yanada mustahkamlandi. Bu esa Katta Qaynar mahallasi iste’molchilariga sifatli elektr energiyasini yetkazib berish hamda avariya holatlarining oldini olishda muhim ahamiyat kasb etadi.

⚡️ t.me/farhetk_admin

TRANSFORMATOR PUNKTLARINING TEXNIK HOLATI O’RGANILMOQDA
 
Aholini barqaror va sifatli elektr energiyasi bilan taʼminlash, elektr tarmoqlaridagi mavjud muammolarni o‘z vaqtida bartaraf etish maqsadida Qoʻshtepa tumani hokimi hamda "Fargʻona hududiy elektr tarmoqlari korxonasi" AJ rahbariyati va mutaxassislari ishtirokida tumandagi bir qator mahalla fuqarolar yigʻinlarida joylashgan transformator punktlarining texnik holati joyiga chiqqan holda atroflicha oʻrganildi.

Oʻrganishlar davomida “Qamishtepa” mahalla fuqarolar yigʻini hududida joylashgan 10-sonli transformator punkti ko‘zdan kechirildi. Mazkur transformator punktiga 59 nafar isteʼmolchi ulangan bo‘lib, texnologik yoʻqotishlar 19 foizni tashkil etayotgani aniqlandi. Holatni bartaraf etish maqsadida qizigan kabellarni yangilash, kommutatsion apparatlarni almashtirish, nosoz ulanishlarni bartaraf etish hamda elektr yuklamalarini muvozanatli taqsimlash bo‘yicha amaliy ishlar belgilandi.

Shuningdek, “Yangidoʻkon” mahalla fuqarolar yigʻini hududidagi 92-sonli transformator punkti ham texnik jihatdan oʻrganildi. Mazkur transformator punkti 234 nafar isteʼmolchini elektr energiyasi bilan taʼminlab kelmoqda. Oʻrganish natijasida transformator punktining balandligi amaldagi meʼyoriy talablarga javob bermasligi hamda obyekt mukammal taʼmirtalab holatga kelgani aniqlandi.

Shu munosabat bilan transformator punktini kapital taʼmirlash, barcha kabellarni yangilash hamda Jahon banki loyihasi doirasida qurilgan 2 ta yangi transformator punktini elektr tarmogʻiga ulash orqali mavjud yuklamalarni qayta taqsimlash yuzasidan tegishli topshiriq va tavsiyalar berildi.
Texnik oʻrganish ishlari “Sarmazor” mahalla fuqarolar yigʻini hududidagi 80-sonli transformator punktida ham davom ettirildi.

Mazkur transformator punkti 138 nafar isteʼmolchiga xizmat koʻrsatmoqda. Hududda Jahon banki loyihasi asosida bunyod etilgan 12 ta yangi transformator punkti hamda 24,6 kilometr zamonaviy elektr uzatish tarmoqlarini ishga tushirish orqali mavjud 14 ta transformator punktidagi yuklamalarni sezilarli darajada kamaytirish, texnologik yoʻqotishlarni 5 foizgacha qisqartirish va elektr taʼminoti sifatini yanada yaxshilash imkoniyati mavjudligi qayd etildi.

Oʻrganish yakunida aniqlangan kamchiliklarni qisqa muddatlarda bartaraf etish, transformator punktlari va elektr tarmoqlarini bosqichma-bosqich modernizatsiya qilish, yuklamalarni meʼyorlashtirish hamda isteʼmolchilarni barqaror va sifatli elektr energiyasi bilan taʼminlash yuzasidan masʼullarga aniq vazifalar belgilab berildi.

"Fargʻona hududiy elektr tarmoqlari korxonasi" AJ tomonidan hududlarda elektr taʼminoti tizimini yanada takomillashtirish, mavjud infratuzilmani modernizatsiya qilish hamda isteʼmolchilarga sifatli xizmat koʻrsatishga qaratilgan ishlar izchil davom ettirilmoqda.

⚡️ t.me/farhetk_admin

✅ BAG’DODDA TRANSFORMATOR VA TARMOQLARDA ORTIQCHA YUKLAMANI OLDINI OLISH QARATILGAN AMALIY ISHLAR BAJARILMOQDA

Elektr tarmoqlarining ishonchli ishlashini taʼminlash hamda yozning jazirama kunlarida yuzaga kelishi mumkin boʻlgan ortiqcha yuklamalarning oldini olish maqsadida Bagʻdod tuman hokimi oʻrinbosari hamda "Fargʻona hududiy elektr tarmoqlari korxonasi" AJ mutaxassislari ishtirokida hududdagi bir qator transformator punktlarida texnik oʻrganish ishlari olib borildi.

Oʻrganishlar davomida "Saidobod" mahalla fuqarolar yigʻini hududida joylashgan 492-sonli, "Samarqand" mahalla fuqarolar yigʻini hududidagi 1-sonli hamda "Muqumiy" mahalla fuqarolar yigʻini hududida joylashgan 414-sonli transformator punktlarining texnik holati atroflicha koʻzdan kechirildi.

Mutaxassislar tomonidan transformator punktlarining ekspluatatsiya holati, elektr uskunalarining ishlash samaradorligi, mavjud yuklamalar, kabellar va kommutatsion qurilmalarning texnik holati tahlil qilinib, aniqlangan kamchiliklarni bartaraf etish yuzasidan tegishli chora-tadbirlar belgilandi.

Ayniqsa, yozning eng issiq kunlarida elektr energiyasi isteʼmolining keskin ortishi inobatga olinib, yuklamalarni toʻgʻri taqsimlash, ortiqcha zoʻriqishlarning oldini olish, aniqlangan nosozliklarni zudlik bilan bartaraf etish hamda taʼmirlash ishlarini sifatli va belgilangan muddatlarda yakunlash boʻyicha masʼullarga zarur tavsiya va aniq koʻrsatmalar berildi.

Mazkur texnik oʻrganishlar elektr taʼminoti tizimining ishonchliligini yanada oshirish, avariya holatlarining oldini olish hamda isteʼmolchilarni barqaror va sifatli elektr energiyasi bilan taʼminlashga xizmat qiladi. Bu boradagi nazorat va amaliy ishlar "Fargʻona hududiy elektr tarmoqlari korxonasi" AJ tomonidan izchil davom ettirilmoqda.

⚡️ t.me/farhetk_admin

✅ SO‘X TUMANIDA TEZKOR CHORA-TADBIRLAR AMALGA OSHIRILDI

Iste’molchilarni sifatli elektr energiyasi bilan ta’minlash maqsadida So‘x tumanining elektr tarmoqlarida yuzaga kelishi mumkin bo‘lgan zo‘riqishlar va nosozliklarning oldini olishga qaratilgan tezkor texnik tadbirlar amalga oshirildi.

Jumladan, hududdagi 1-sonli transformator punktida elektr yuklamalarini me’yorida ushlab turish hamda iste’molchilarga barqaror elektr energiyasi yetkazib berishni ta’minlash maqsadida fazalararo yuklamani teng taqsimlash (fazalarni tenglashtirish) ishlari muvaffaqiyatli bajarildi.

Mazkur texnik tadbir natijasida transformator punktidagi yuklama muvozanatlashtirilib, elektr tarmog‘ining ishonchliligi oshirildi, kuchlanishdagi o‘zgarishlar kamaytirildi hamda avariyaviy uzilishlarning oldini olish uchun zarur sharoit yaratildi.

⚡️ t.me/farhetk_admin

BUVAYDADA TA’MIRLASH ISHLARI DAVOM ETMOQDA

“Farg’ona hududiy elektr tarmoqlari korxonasi” AJ tomonidan hududlarda elektr tarmoqlarini mukammal hamda joriy ta’mirlash ishlari izchil davom ettirilmoqda.

Jumladan, Buvayda tuman elektr ta’minoti korxonasi tomonidan tumanning "Ing‘irchoq" mahalla fuqarolar yig‘ini hududida joylashgan 695-sonli transformator punktida joriy ta’mirlash ishlari muvaffaqiyatli amalga oshirildi.
Ta’mirlash jarayonida transformatorning texnik holati ko‘zdan kechirilib, transformator moyi sathi me’yoriy holatga keltirildi.

Amalga oshirilgan mazkur texnik tadbir natijasida transformatorning ishonchli ishlashi ta’minlanib, elektr ta’minoti barqarorligini oshirish hamda avariyaviy holatlarning oldini olish uchun zarur sharoit yaratildi.

Buvayda tuman elektr ta’minoti korxonasi tomonidan elektr tarmoqlari va transformator punktlarining barqaror faoliyatini ta’minlash, mavjud uskunalarni muntazam nazorat qilish hamda profilaktik ta’mirlash ishlari belgilangan reja asosida davom ettirilmoqda.

⚡️ t.me/farhetk_admin