✅ BAG’DODDA TRANSFORMATOR VA TARMOQLARDA ORTIQCHA YUKLAMANI OLDINI OLISH QARATILGAN AMALIY ISHLAR BAJARILMOQDA

Elektr tarmoqlarining ishonchli ishlashini taʼminlash hamda yozning jazirama kunlarida yuzaga kelishi mumkin boʻlgan ortiqcha yuklamalarning oldini olish maqsadida Bagʻdod tuman hokimi oʻrinbosari hamda "Fargʻona hududiy elektr tarmoqlari korxonasi" AJ mutaxassislari ishtirokida hududdagi bir qator transformator punktlarida texnik oʻrganish ishlari olib borildi.

Oʻrganishlar davomida "Saidobod" mahalla fuqarolar yigʻini hududida joylashgan 492-sonli, "Samarqand" mahalla fuqarolar yigʻini hududidagi 1-sonli hamda "Muqumiy" mahalla fuqarolar yigʻini hududida joylashgan 414-sonli transformator punktlarining texnik holati atroflicha koʻzdan kechirildi.

Mutaxassislar tomonidan transformator punktlarining ekspluatatsiya holati, elektr uskunalarining ishlash samaradorligi, mavjud yuklamalar, kabellar va kommutatsion qurilmalarning texnik holati tahlil qilinib, aniqlangan kamchiliklarni bartaraf etish yuzasidan tegishli chora-tadbirlar belgilandi.

Ayniqsa, yozning eng issiq kunlarida elektr energiyasi isteʼmolining keskin ortishi inobatga olinib, yuklamalarni toʻgʻri taqsimlash, ortiqcha zoʻriqishlarning oldini olish, aniqlangan nosozliklarni zudlik bilan bartaraf etish hamda taʼmirlash ishlarini sifatli va belgilangan muddatlarda yakunlash boʻyicha masʼullarga zarur tavsiya va aniq koʻrsatmalar berildi.

Mazkur texnik oʻrganishlar elektr taʼminoti tizimining ishonchliligini yanada oshirish, avariya holatlarining oldini olish hamda isteʼmolchilarni barqaror va sifatli elektr energiyasi bilan taʼminlashga xizmat qiladi. Bu boradagi nazorat va amaliy ishlar "Fargʻona hududiy elektr tarmoqlari korxonasi" AJ tomonidan izchil davom ettirilmoqda.

⚡️ t.me/farhetk_admin

✅ SO‘X TUMANIDA TEZKOR CHORA-TADBIRLAR AMALGA OSHIRILDI

Iste’molchilarni sifatli elektr energiyasi bilan ta’minlash maqsadida So‘x tumanining elektr tarmoqlarida yuzaga kelishi mumkin bo‘lgan zo‘riqishlar va nosozliklarning oldini olishga qaratilgan tezkor texnik tadbirlar amalga oshirildi.

Jumladan, hududdagi 1-sonli transformator punktida elektr yuklamalarini me’yorida ushlab turish hamda iste’molchilarga barqaror elektr energiyasi yetkazib berishni ta’minlash maqsadida fazalararo yuklamani teng taqsimlash (fazalarni tenglashtirish) ishlari muvaffaqiyatli bajarildi.

Mazkur texnik tadbir natijasida transformator punktidagi yuklama muvozanatlashtirilib, elektr tarmog‘ining ishonchliligi oshirildi, kuchlanishdagi o‘zgarishlar kamaytirildi hamda avariyaviy uzilishlarning oldini olish uchun zarur sharoit yaratildi.

⚡️ t.me/farhetk_admin

BUVAYDADA TA’MIRLASH ISHLARI DAVOM ETMOQDA

“Farg’ona hududiy elektr tarmoqlari korxonasi” AJ tomonidan hududlarda elektr tarmoqlarini mukammal hamda joriy ta’mirlash ishlari izchil davom ettirilmoqda.

Jumladan, Buvayda tuman elektr ta’minoti korxonasi tomonidan tumanning "Ing‘irchoq" mahalla fuqarolar yig‘ini hududida joylashgan 695-sonli transformator punktida joriy ta’mirlash ishlari muvaffaqiyatli amalga oshirildi.
Ta’mirlash jarayonida transformatorning texnik holati ko‘zdan kechirilib, transformator moyi sathi me’yoriy holatga keltirildi.

Amalga oshirilgan mazkur texnik tadbir natijasida transformatorning ishonchli ishlashi ta’minlanib, elektr ta’minoti barqarorligini oshirish hamda avariyaviy holatlarning oldini olish uchun zarur sharoit yaratildi.

Buvayda tuman elektr ta’minoti korxonasi tomonidan elektr tarmoqlari va transformator punktlarining barqaror faoliyatini ta’minlash, mavjud uskunalarni muntazam nazorat qilish hamda profilaktik ta’mirlash ishlari belgilangan reja asosida davom ettirilmoqda.

⚡️ t.me/farhetk_admin

🟢 NAZORAT VA TA’MIRLASH ISHLARI OLIB BORILMOQDA

Uchko‘prikda elektr ta’minoti barqarorligini ta’minlash maqsadida tuman elektr ta’minoti korxonasi tomonidan transformator punktlarida texnik ko‘rik va ta’mirlash ishlari izchil davom ettirilmoqda.

Jumladan, "Uchko‘prik" mahalla fuqarolar yig‘ini hududida joylashgan 247-sonli transformator punktida navbatdagi texnik ko‘rik va joriy ta’mirlash ishlari amalga oshirildi.

Ta’mirlash jarayonida transformator punktidagi barcha elektr qurilmalarining texnik holati batafsil ko‘rikdan o‘tkazilib, aniqlangan nosozliklarni bartaraf etish ishlari boshlab yuborildi.

Amalga oshirilayotgan texnik tadbirlar uskunalarning ishonchli ishlashini ta’minlash, elektr tarmoqlaridagi nosozliklar va avariyaviy holatlarning oldini olish hamda iste’molchilarga sifatli elektr energiyasi yetkazib berishga xizmat qiladi.

Uchko‘prik tuman elektr ta’minoti korxonasi tomonidan elektr tarmoqlari va transformator punktlarining texnik holatini yaxshilash, mavjud uskunalarni muntazam nazorat qilish hamda profilaktik ta’mirlash ishlari belgilangan reja asosida davom ettirilmoqda.

⚡️ t.me/farhetk_admin

✨ FURQAT TUMANIDA HUKUMAT QARORI IJROSIGA BAG‘ISHLANGAN YIG‘ILISH O‘TKAZILDI

O‘zbekiston Respublikasi Prezidentining 2026-yil 10-iyundagi PF–110-son Farmoni hamda O‘zbekiston Respublikasi Vazirlar Mahkamasining 2026-yil 30-iyundagi 355-son qarori ijrosini ta’minlash maqsadida Furqat tuman elektr ta’minoti korxonasida "Farg‘ona hududiy elektr tarmoqlari korxonasi" AJ mas’ul rahbariyati ishtirokida yig‘ilish o‘tkazildi.

Yig‘ilish davomida elektr energetikasi tarmog‘ida nazorat mexanizmlarini yanada takomillashtirish, elektr energiyasini yetkazib berishdagi texnik va tijorat yo‘qotishlarini kamaytirish, elektr energiyasidan noqonuniy foydalanish holatlarining oldini olish hamda iste’molchilarni sifatli va uzluksiz elektr energiyasi bilan ta’minlash bo‘yicha amalga oshirilayotgan ishlar muhokama qilindi.

Shuningdek, Vazirlar Mahkamasining 355-son qarorida belgilangan vazifalar mazmun-mohiyati xodimlarga batafsil tushuntirilib, elektr energiyasidan foydalanish qoidalariga qat’iy rioya etilishi, nazorat tadbirlarini amaldagi qonunchilik talablari asosida tashkil etish, xizmat faoliyatida shaffoflik va qonuniylik tamoyillariga amal qilish yuzasidan tegishli ko‘rsatmalar berildi.

Yig‘ilishda soha xodimlarining mas’uliyatini yanada oshirish, elektr tarmoqlari va transformator punktlarining texnik holatini muntazam nazorat qilib borish, profilaktik hamda ta’mirlash ishlarini o‘z vaqtida sifatli bajarish, iste’molchilar bilan ishlash madaniyatini yuksaltirish masalalariga alohida e’tibor qaratildi.

Tadbir yakunida barcha xodimlarga xizmat faoliyati davomida korrupsiyaga qarshi murosasizlik muhitini shakllantirish, har qanday korrupsion holatlarga yo‘l qo‘ymaslik, ijro intizomiga qat’iy rioya etish, rahbariyat tomonidan berilgan topshiriqlarni o‘z vaqtida va sifatli bajarish har bir xodimning ustuvor vazifasi ekani yana bir bor ta’kidlandi. Shu bilan birga, qonunchilik talablariga og‘ishmay amal qilish, xizmat vazifalarini vijdonan bajarish hamda elektr ta’minoti tizimining barqaror faoliyatini ta’minlash borasidagi mas’uliyatni yanada kuchaytirish yuzasidan tegishli tavsiya va ko‘rsatmalar berildi.

⚡️ t.me/farhetk_admin