QO‘SHTEPA TUMANIDA AMALIY ISHLAR BOSHLANDI

Prezidentimizning topshiriqlari ijrosini ta’minlash hamda elektr ta’minoti barqarorligini yanada oshirish maqsadida Qo‘shtepa tumanida amaliy ishlarga start berildi.

Tumandagi barcha 49 ta mahalla fuqarolar yig‘inini to‘liq xatlovdan o‘tkazish uchun tegishli ishchi guruhlar va tezkor brigadalar jalb etildi.

Xatlov jarayonida elektr tarmoqlari va transformator punktlarining texnik holati, mavjud muammolar hamda texnologik yo‘qotishlarga ta’sir etuvchi omillar o‘rganilib, aniqlangan kamchiliklarni bartaraf etish bo‘yicha amaliy choralar ko‘riladi.

⚡️ t.me/farhetk_admin

PREZIDENTIMIZ TOPSHIRIG‘I IJROSI DOIRASIDA FARG‘ONA TUMANIDAGI ISHLAR O‘RGANILDI

O‘zbekiston Respublikasi Prezidenti tomonidan yoqilg‘i-energetika sohasida belgilab berilgan ustuvor vazifalar ijrosini ta’minlash maqsadida Prezident Administratsiyasi vakillari, viloyat hokimi o‘rinbosari hamda Farg‘ona tumani hokimi tomonidan Farg‘ona tumanidagi amalga oshirilayotgan ishlar joyiga chiqqan holda o‘rganildi.

Xususan, Farg‘ona tumani Dilkusho mahalla fuqarolar yig‘inida joylashgan 10-sonli transformator punktida olib borilayotgan joriy ta’mirlash ishlari bilan tanishildi.

O‘rganish jarayonida transformator punktining texnik holati, ta’mirlash ishlarining sifati va belgilangan muddatlarda yakunlanishi yuzasidan mas’ullarga tegishli topshiriq va tavsiyalar berildi.

Mazkur ishlar elektr ta’minoti barqarorligi hamda iste’molchilarni sifatli va uzluksiz elektr energiyasi bilan ta’minlashni yanada yaxshilashga xizmat qiladi.

⚡️ t.me/farhetk_admin

#jarayon

Prezidentimiz topshiriqlari ijrosini taʼminlash maqsadida “Hududgaztaʼminot” AJ boshqaruv raisi M. Xodjayev boshchiligidagi ishchi guruh tomonidan Fargʻona tumanida gaz va elektr taʼminoti infratuzilmalarini oʻrganish hamda mavjud muammolarni bartaraf etish boʻyicha amaliy ishlar davom etmoqda. Mazkur ishlarni muvofiqlashtirish va nazorat qilish maqsadida tumanda tezkor shtab tashkil etildi.

Bugun tumanning “Beruniy” MFY hududidagi elektr transformatori hamda gaz tarmoqlari joyiga chiqqan holda koʻzdan kechirildi.

Mavjud texnik holat, aholini energiya resurslari bilan taʼminlash sifati va infratuzilma imkoniyatlari atroflicha oʻrganildi. Oʻrganishlar davomida aniqlangan kamchiliklarni qisqa muddatlarda bartaraf etish, elektr taʼminoti barqarorligini yanada oshirish, aholi va tadbirkorlarni energiya resurslari bilan barqaror taʼminlash yuzasidan masʼullarga qatʼiy topshiriqlar berildi.

Oʻrganish ishlari davom etmoqda. Prezidentimiz tomonidan belgilangan vazifalar ijrosini toʻliq taʼminlash va aniqlangan muammolarni bartaraf etish boʻyicha ishlar qatʼiy nazorat asosida davom ettirilmoqda.

⚡️ t.me/farhetk_admin

QO‘SHTEPA TUMANIDA ENERGIYA BALANSINI SHAKLLANTIRISH BO‘YICHA O‘RGANISHLAR DAVOM ETMOQDA

O‘zbekiston Respublikasi Prezidenti tomonidan yoqilg‘i-energetika sohasida belgilab berilgan ustuvor vazifalar ijrosini ta’minlash maqsadida Qo‘shtepa tumanida tashkil etilgan ishchi guruh tomonidan tizimli o‘rganishlar olib borilmoqda.

Kun davomida ishchi guruh a’zolari mahallalar kesimida hududlarni to‘liq o‘rganib, har bir transformator punkti hamda elektr uzatish liniyalari bo‘yicha energiya balansini shakllantirish ishlari bilan shug‘ullandi.

O‘rganishlar jarayonida transformator punktlariga ulangan iste’molchilar soni, elektr tarmoqlarining amaldagi holati, hisobga olish tizimi, texnologik yo‘qotishlar hamda mavjud muammolar tahlil qilinib, har bir hududning aniq energiya pasportini yaratish bo‘yicha zarur ma’lumotlar yig‘ildi.

Shuningdek, elektr energiyasi yo‘qotishlarini kamaytirish, noqonuniy ulanishlarning oldini olish, hisob-kitoblarning shaffofligini ta’minlash va tarmoqlarni yanada barqaror ishlashini ta’minlash yuzasidan tegishli chora-tadbirlar belgilab olindi.

Mazkur o‘rganishlar natijasida har bir mahalla, transformator punkti va elektr uzatish liniyasi kesimida to‘liq energiya balansi shakllantirilib, kelgusida amalga oshiriladigan texnik va tashkiliy ishlar uchun aniq manzilli reja ishlab chiqilishi ko‘zda tutilgan.

⚡️ t.me/farhetk_admin