#jarayon

Prezidentimiz topshiriqlari ijrosini taʼminlash maqsadida “Hududgaztaʼminot” AJ boshqaruv raisi M. Xodjayev boshchiligidagi ishchi guruh tomonidan Fargʻona tumanida gaz va elektr taʼminoti infratuzilmalarini oʻrganish hamda mavjud muammolarni bartaraf etish boʻyicha amaliy ishlar davom etmoqda. Mazkur ishlarni muvofiqlashtirish va nazorat qilish maqsadida tumanda tezkor shtab tashkil etildi.

Bugun tumanning “Beruniy” MFY hududidagi elektr transformatori hamda gaz tarmoqlari joyiga chiqqan holda koʻzdan kechirildi.

Mavjud texnik holat, aholini energiya resurslari bilan taʼminlash sifati va infratuzilma imkoniyatlari atroflicha oʻrganildi. Oʻrganishlar davomida aniqlangan kamchiliklarni qisqa muddatlarda bartaraf etish, elektr taʼminoti barqarorligini yanada oshirish, aholi va tadbirkorlarni energiya resurslari bilan barqaror taʼminlash yuzasidan masʼullarga qatʼiy topshiriqlar berildi.

Oʻrganish ishlari davom etmoqda. Prezidentimiz tomonidan belgilangan vazifalar ijrosini toʻliq taʼminlash va aniqlangan muammolarni bartaraf etish boʻyicha ishlar qatʼiy nazorat asosida davom ettirilmoqda.

⚡️ t.me/farhetk_admin

QO‘SHTEPA TUMANIDA ENERGIYA BALANSINI SHAKLLANTIRISH BO‘YICHA O‘RGANISHLAR DAVOM ETMOQDA

O‘zbekiston Respublikasi Prezidenti tomonidan yoqilg‘i-energetika sohasida belgilab berilgan ustuvor vazifalar ijrosini ta’minlash maqsadida Qo‘shtepa tumanida tashkil etilgan ishchi guruh tomonidan tizimli o‘rganishlar olib borilmoqda.

Kun davomida ishchi guruh a’zolari mahallalar kesimida hududlarni to‘liq o‘rganib, har bir transformator punkti hamda elektr uzatish liniyalari bo‘yicha energiya balansini shakllantirish ishlari bilan shug‘ullandi.

O‘rganishlar jarayonida transformator punktlariga ulangan iste’molchilar soni, elektr tarmoqlarining amaldagi holati, hisobga olish tizimi, texnologik yo‘qotishlar hamda mavjud muammolar tahlil qilinib, har bir hududning aniq energiya pasportini yaratish bo‘yicha zarur ma’lumotlar yig‘ildi.

Shuningdek, elektr energiyasi yo‘qotishlarini kamaytirish, noqonuniy ulanishlarning oldini olish, hisob-kitoblarning shaffofligini ta’minlash va tarmoqlarni yanada barqaror ishlashini ta’minlash yuzasidan tegishli chora-tadbirlar belgilab olindi.

Mazkur o‘rganishlar natijasida har bir mahalla, transformator punkti va elektr uzatish liniyasi kesimida to‘liq energiya balansi shakllantirilib, kelgusida amalga oshiriladigan texnik va tashkiliy ishlar uchun aniq manzilli reja ishlab chiqilishi ko‘zda tutilgan.

⚡️ t.me/farhetk_admin

QO‘SHTEPA TUMANIDA KUNLIK O‘RGANISHLAR NATIJALARI TAHLIL QILINDI

Qo‘shtepa tumanida olib borilayotgan o‘rganishlarning kunlik natijalari tahlil qilindi.

Ishchi guruhlar tomonidan kun davomida amalga oshirilgan o‘rganishlar yakunlari atroflicha ko‘rib chiqildi. Xususan, mahallalar kesimida transformator punktlari va elektr uzatish liniyalarining texnik holati, iste’molchilar toifalari, elektr energiyasi sarfi hamda texnologik yo‘qotishlar bo‘yicha shakllantirilayotgan energiya balanslari tahlil qilindi.

Shuningdek, aniqlangan kamchiliklar, mavjud muammolar va ularni bartaraf etish bo‘yicha takliflar muhokama etilib, har bir yo‘nalish bo‘yicha mas’ullarga aniq vazifalar belgilab berildi. Energiya balansini to‘liq va haqqoniy shakllantirish, noqonuniy ulanishlarni bartaraf etish, hisobga olish tizimini takomillashtirish hamda elektr ta’minoti barqarorligini oshirishga qaratilgan chora-tadbirlarni jadallashtirish zarurligi alohida ta’kidlandi.

Kunlik tahlillar natijasida har bir mahalla, transformator punkti va elektr uzatish liniyasi kesimida amalga oshiriladigan keyingi ishlar rejasi ishlab chiqilib, belgilangan vazifalarning ijrosi doimiy nazoratga olindi.

⚡️ t.me/farhetk_admin

QO‘SHTEPA TUMANIDA BELGILANGAN VAZIFALAR IJROSINI TA’MINLASH BO‘YICHA ISHLAR TASHKIL ETILDI

"Farg‘ona hududiy elektr tarmoqlari korxonasi" AJ tomonidan Qo‘shtepa tuman elektr ta’minoti korxonasida mas’ul rahbar va mutaxassislar ishtirokida kunlik amalga ishirilishi lozim bo‘lgan ishlar tashkil etildi.

Unda Prezidentimiz tomonidan yoqilg‘i-energetika sohasida belgilab berilgan ustuvor vazifalar, elektr energiyasi yo‘qotishlarini kamaytirish, energiya balansini shakllantirish, iste’molchilarni uzluksiz va sifatli elektr energiyasi bilan ta’minlash hamda kuz-qish mavsumiga puxta tayyorgarlik ko‘rish masalalari muhokama qilindi.

Yig‘ilish davomida har bir yo‘nalish bo‘yicha aniq vazifalar belgilab berilib, mas’ullarga ijro intizomini kuchaytirish, transformator punktlari va elektr uzatish tarmoqlarini doimiy nazoratda saqlash, joylarda amaliy ishlarni jadallashtirish yuzasidan tegishli topshiriqlar berildi.

Shuningdek, xodimlarga mehnat muhofazasi va texnika xavfsizligi qoidalariga qat’iy rioya etish zarurligi yana bir bor eslatilib, belgilangan vazifalarning o‘z vaqtida va sifatli bajarilishi yuzasidan mas’uliyat kuchaytirilishi ta’kidlandi.

⚡️ t.me/farhetk_admin

FARG‘ONA TUMANIDA AMALIY ISHLAR O‘ZENERGOINSPEKSIYA MUTAXASSISLARI BILAN HAMKORLIKDA NAZORAT QILINMOQDA

Prezidentimiz tomonidan yoqilg‘i-energetika sohasida belgilab berilgan ustuvor vazifalar ijrosini ta’minlash maqsadida Farg‘ona tumanida olib borilayotgan amaliy ishlar tizimli ravishda davom ettirilmoqda.

Jarayonlarning sifatli va belgilangan talablar asosida bajarilishini ta’minlash maqsadida amalga oshirilayotgan ishlar O‘zenergoinspeksiya mutaxassislari ishtirokida joyiga chiqib o‘rganilmoqda hamda tahlil qilinmoqda.

Xususan, Vodil mahalla fuqarolar yig‘ini hududida joylashgan 395-sonli transformator punktida olib borilayotgan ta’mirlash va modernizatsiya ishlari ko‘zdan kechirildi.

O‘rganish davomida bajarilgan ishlarning sifati, texnik talablarga muvofiqligi hamda elektr ta’minoti ishonchliligini oshirishga qaratilgan chora-tadbirlar yuzasidan tegishli tavsiya va ko‘rsatmalar berildi.

⚡️ t.me/farhetk_admin