FARG‘ONA TUMANIDA AMALIY ISHLAR O‘ZENERGOINSPEKSIYA MUTAXASSISLARI BILAN HAMKORLIKDA NAZORAT QILINMOQDA

Prezidentimiz tomonidan yoqilg‘i-energetika sohasida belgilab berilgan ustuvor vazifalar ijrosini ta’minlash maqsadida Farg‘ona tumanida olib borilayotgan amaliy ishlar tizimli ravishda davom ettirilmoqda.

Jarayonlarning sifatli va belgilangan talablar asosida bajarilishini ta’minlash maqsadida amalga oshirilayotgan ishlar O‘zenergoinspeksiya mutaxassislari ishtirokida joyiga chiqib o‘rganilmoqda hamda tahlil qilinmoqda.

Xususan, Vodil mahalla fuqarolar yig‘ini hududida joylashgan 395-sonli transformator punktida olib borilayotgan ta’mirlash va modernizatsiya ishlari ko‘zdan kechirildi.

O‘rganish davomida bajarilgan ishlarning sifati, texnik talablarga muvofiqligi hamda elektr ta’minoti ishonchliligini oshirishga qaratilgan chora-tadbirlar yuzasidan tegishli tavsiya va ko‘rsatmalar berildi.

⚡️ t.me/farhetk_admin

TOSHLOQ TUMANIDA 51 TA MAHALLA KESIMIDA ELEKTR TARMOQLARI VA TRANSFORMATOR PUNKTLARI O‘RGANILMOQDA

Prezidentimiz tomonidan belgilab berilgan vazifalar ijrosini ta’minlash maqsadida Toshloq tumanida elektr ta’minoti tizimini takomillashtirishga qaratilgan amaliy ishlar izchil davom etmoqda.

Jumladan, tumandagi 51 ta mahalla fuqarolar yig‘ini kesimida 6–10 kVli elektr uzatish tarmoqlari hamda transformator punktlari to‘liq xatlovdan o‘tkazilib, ularning texnik holati batafsil o‘rganilmoqda.

O‘rganishlar davomida aniqlangan kamchilik va nosozliklar tahlil qilinib, ularni bartaraf etish, elektr ta’minoti ishonchliligi va sifatini yanada oshirish bo‘yicha manzilli chora-tadbirlar belgilanmoqda.

Mazkur ishlar hududlarda elektr ta’minoti barqarorligini mustahkamlash, texnik yo‘qotishlarni kamaytirish ko‘zda tutilgan.

⚡️ t.me/farhetk_admin

QUVASOY SHAHRIDA ELEKTR TA'MINOTI ISHONCHLILIGINI OSHIRISH ISHLARI DAVOM ETMOQDA

Quvasoy shahridagi "Yuqori Muyan" mahalla fuqarolar yig‘ini hududida joylashgan 57-sonli transformator punktida elektr energiyasi yo‘qotishlarining oldini olish hamda iste'molchilarni barqaror elektr energiyasi bilan ta'minlash maqsadida joriy ta'mirlash ishlari olib borilmoqda.

Ta'mirlash jarayonida transformator punkti va unga tutash elektr tarmoqlarining texnik holati ko‘zdan kechirilib, aniqlangan kamchiliklar bartaraf etilmoqda.

Amalga oshirilayotgan texnik tadbirlar elektr tarmoqlarining ishonchli ishlashini ta'minlash, avariyaviy holatlar ehtimolini kamaytirish hamda elektr energiyasi yo‘qotishlarini qisqartirishga qaratilgan.

⚡️ t.me/farhetk_admin

421-SONLI TRANSFORMATOR PUNKTIDA YUKLAMALARNI TENG TAQSIMLASH ISHLARI BAJARILMOQDA

O‘zbekiston tumanidagi "Qaynar" mahalla fuqarolar yig‘ini hududida joylashgan 421-sonli transformator punktida elektr tarmoqlarining ishonchli ishlashini ta’minlash hamda iste’molchilarga sifatli elektr energiyasi yetkazib berish maqsadida yuklamalarni teng taqsimlash ishlari amalga oshirilmoqda.

Mazkur texnik tadbir davomida transformator punktidagi elektr yuklamalari fazalar bo‘yicha muvozanatlashtirilib, tarmoqdagi nomutanosibliklar bartaraf etilmoqda.

Natijada kuchlanishning me’yorida saqlanishi, elektr energiyasi yo‘qotishlarining kamayishi hamda elektr qurilmalarining barqaror va samarali ishlashi ta’minlanadi.

⚡️ t.me/farhetk_admin

ELEKTR ENERGIYASI YO‘QOTISHLARINI KAMAYTIRISH BO‘YICHA XODIMLARGA AMALIY KO‘RSATMALAR BERILDI

Uchko‘prik tuman elektr ta’minoti korxonasida elektr energiyasi yo‘qotishlarini qisqartirish, energiya balansini to‘g‘ri shakllantirish hamda iste’molchilarni barqaror va sifatli elektr energiyasi bilan ta’minlash maqsadida mas’ul xodimlar ishtirokida navbatdagi o‘quv-amaliy yig‘ilishi tashkil etildi.

Unda elektr energiyasi yo‘qotishlarini kamaytirishga qaratilgan aniq chora-tadbirlar rejasi atroflicha muhokama qilinib, belgilangan vazifalarni bosqichma-bosqich amalga oshirish mexanizmlari yuzasidan mas’ul xodimlarga batafsil tushuntirishlar berildi.

Xususan, transformator punktlari va elektr tarmoqlaridagi yuklamalarni muvozanatlashtirish, energiya hisobini yuritish tizimini takomillashtirish, iste’molchilar bilan manzilli ishlash, texnik nosozliklarni o‘z vaqtida aniqlash va bartaraf etish hamda elektr energiyasi yo‘qotishlarini kamaytirishga qaratilgan amaliy choralar yuzasidan zarur tavsiyalar bildirildi.

Shuningdek, har bir xodim o‘ziga biriktirilgan hududda belgilangan vazifalarni sifatli va o‘z vaqtida bajarishi, energiya resurslaridan oqilona foydalanishni ta’minlashi hamda iste’molchilarga uzluksiz va ishonchli elektr energiyasi yetkazib berish borasidagi mas’uliyati alohida ta’kidlandi.

⚡️ t.me/farhetk_admin

FURQAT TUMANIDA ELEKTR TARMOQLARINI MODERNIZATSIYA QILISH ISHLARI O‘RGANILDI

Furqat tumanida elektr energiyasi yo‘qotishlarini kamaytirish, energiya resurslaridan oqilona foydalanish, debitor qarzdorlikni qisqartirish hamda iste’molchilarni sifatli va barqaror elektr energiyasi bilan ta’minlash borasida amalga oshirilayotgan ishlar yuzasidan o‘rganish olib borildi.

O‘rganish davomida tumanda mukammal ta’mirtalab hamda "qizil toifa"ga kiritilgan 31 ta transformator punktidan 30 tasida ta’mirlash ishlari yakunlangani, shuningdek, 26 ta transformator punkti "O‘zenergoinspeksiya" mutaxassislari tomonidan texnik ko‘rikdan o‘tkazilgani ma’lum qilindi.

Shuningdek, tumanning Jangketmon, Ingichka va Yangi mahalla fuqarolar yig‘inlari hududlarida joylashgan transformator punktlarini yuklama markazlariga ko‘chirish, elektr yuklamalarini teng taqsimlash hamda eskirgan ochiq elektr uzatish tarmoqlarini zamonaviy SIP kabellarga almashtirish ishlari ko‘zdan kechirildi.

Mutasaddilar tomonidan mavjud ishlarni belgilangan muddatlarda sifatli yakunlash, elektr energiyasi yo‘qotishlarini yanada qisqartirish hamda iste’molchilarni uzluksiz va ishonchli elektr energiyasi bilan ta’minlash yuzasidan tegishli tavsiya va ko‘rsatmalar berildi.

Shuningdek, belgilangan vazifalarning ijrosi tuman prokuraturasi tomonidan doimiy nazoratga olinib, monitoring qilib borilmoqda.

⚡️ t.me/farhetk_admin

ELEKTR TA’MINOTI BARQARORLIGI – DOIMIY E’TIBORDA

Aholini uzluksiz va sifatli elektr energiyasi bilan ta’minlash, elektr tarmoqlarining ishonchli ishlashini ta’minlash hamda kuz-qish mavsumiga puxta tayyorgarlik ko‘rish maqsadida hududlarda transformator punktlari va elektr uzatish tarmoqlarida profilaktik hamda ta’mirlash ishlari izchil davom ettirilmoqda.

Shu munosabat bilan tuman mutasaddilari tomonidan hududdagi yuqori yuklama bilan ishlayotgan transformator punktlarida olib borilayotgan ishlar joyiga chiqib o‘rganildi.

O‘rganish davomida transformatorlarning texnik holati, elektr tarmoqlaridagi yuklamalar, amalga oshirilayotgan ta’mirlash ishlari sifati hamda belgilangan vazifalarning ijrosi atroflicha ko‘rib chiqildi.

Mas’ullarga elektr yuklamalarini muvozanatlashtirish, aniqlangan kamchiliklarni qisqa muddatlarda bartaraf etish, profilaktik tadbirlarni jadallashtirish hamda iste’molchilarni barqaror va sifatli elektr energiyasi bilan ta’minlash yuzasidan tegishli topshiriq va tavsiyalar berildi. Bu boradagi ishlar belgilangan reja asosida doimiy nazorat ostida davom ettirilmoqda.

⚡️ t.me/farhetk_admin