#rasmiy_munosabat

Ijtimoiy tarmoqlar orqali Farg‘ona viloyati, Yozyovon tumani, Yuqori Soybo‘yi mahalla fuqarolar yig‘ini, To‘raqo‘rg‘on qishlog‘i, "Do‘stlik" ko‘chasidagi elektr ta’minoti holati yuzasidan kelib tushgan videomurojaat mutaxassislar tomonidan joyiga chiqqan holda o‘rganildi.

O‘rganishlar davomida mazkur hududda elektr ta’minoti sifatini yaxshilash maqsadida mavjud elektr uzatish tarmog‘ini rekonstruksiya qilish zarurligi aniqlandi. Shundan so‘ng tezkor ravishda maxsus texnika va malakali mutaxassislar jalb etilib, amaliy ishlar boshlandi.

Hozirgi kunda hududda:

eski tayanchlarni almashtirish;

yangi temir-beton tayanchlarni o‘rnatish;

elektr uzatish tarmoqlarini yangilash hamda me’yoriy holatga keltirish ishlari bosqichma-bosqich olib borilmoqda.

Mazkur ishlar yakunlangach, "Do‘stlik" ko‘chasi iste’molchilarining elektr ta’minoti sifati va ishonchliligi sezilarli darajada yaxshilanadi.

"Farg‘ona hududiy elektr tarmoqlari korxonasi" AJ tomonidan aholi murojaatlari doimiy nazoratga olinib, aniqlangan muammolarni qisqa muddatlarda bartaraf etish yuzasidan zarur choralar ko‘rilmoqda.

⚡️ t.me/farhetk_admin

❗️ MAVJUD QARZDORLIKLARNI TO'LIQ UNDIRISHGA QARATILGAN NAZORAT TADBIRLARI DAVOM ETMOQDA

Elektr energiyasi uchun to‘lovlar o‘z vaqtida amalga oshirilishini ta’minlash hamda debitor qarzdorlikni kamaytirish maqsadida Furqat tumanida mas’ul xodimlar ishtirokida nazorat-reyd tadbirlari tashkil etilmoqda.

Tadbirlar davomida elektr energiyasi uchun muddati o‘tgan qarzdorligi mavjud iste’molchilar xonadonlari va obyektlari o‘rganilib, ularga qarzdorlikni qisqa muddatlarda bartaraf etish yuzasidan ogohlantirishlar berilmoqda. Belgilangan muddatda to‘lov amalga oshirilmagan hollarda esa amaldagi tartibga muvofiq elektr ta’minotini vaqtincha cheklash hamda qarzdorlikni undirish bo‘yicha qonuniy choralar ko‘rilmoqda.

Elektr ta’minoti korxonasi iste’molchilardan elektr energiyasi uchun to‘lovlarni o‘z vaqtida amalga oshirishni so‘raydi. O‘z vaqtida to‘langan to‘lovlar elektr tarmoqlarini modernizatsiya qilish, sifatli xizmat ko‘rsatish va iste’molchilarni uzluksiz elektr energiyasi bilan ta’minlashda muhim ahamiyat kasb etadi.

⚡️ t.me/farhetk_admin

Prezident Shavkat Mirziyoyevga energetika tarmogʻi oldiga qoʻyilgan vazifalarni amalga oshirish chora-tadbirlari yuzasidan axborot berildi.
—
Президенту Шавкату Мирзиёеву доложено о мерах по реализации задач, поставленных перед энергетической отраслью.

⚡️ t.me/farhetk_admin