O‘zbekiston quruvchilariga bayram tabrigi
—
Праздничное поздравление строителям Узбекистана

⚡️ t.me/farhetk_admin

#seminar

Mahallalarda energiya ta’minotini samarali boshqarish bo‘yicha seminar o‘tkazildi

Prezidentimiz tomonidan yoqilg‘i-energetika sohasida belgilab berilgan ustuvor vazifalar ijrosini ta’minlash, shuningdek, Yangiyo‘l tajribasi asosida “Tumanbay” va “Mahallabay” ishlash tizimini Farg‘ona viloyatining shahar va tumanlarida keng joriy etish maqsadida Qo‘shtepa tumanida amalga oshirilgan ishlar yuzasidan o‘quv-seminari tashkil etildi.

Unda mahallalar kesimida energiya ta’minotini samarali boshqarish, mavjud muammolarni aniqlash va ularni tezkor hal etish bo‘yicha tajriba almashildi.

⚡️ t.me/farhetk_admin

Mahalla energetik pasporti — hudud energetikasini aniq baholash va samarali boshqarish uchun yagona ma’lumotlar asosi

Har bir mahalla bo‘yicha elektr va tabiiy gaz ta’minotiga oid asosiy ma’lumotlarni bir tizimda jamlaydigan energetik pasport shakllantiriladi.

Unda iste’molchilar soni va tarkibi, iste’mol hajmi, mavjud quvvat, elektr va gaz infratuzilmasining tarkibi va texnik holati, yangi iste’molchilarni ulash imkoniyatlari hamda modernizatsiya ehtiyoji aks ettiriladi.

Bu ma’lumotlar orqali mahallada energiya resurslari qanday taqsimlanayotgani va iste’mol qilinayotgani tahlil qilinadi. Qaysi hududlarda texnik va tijoriy yo‘qotishlar yuqori ekani, iste’mol hajmidagi keskin yoki odatdagidan farqli o‘zgarishlar, hisobga olinmagan iste’mol, shuningdek, noqonuniy yoki texnik talablarga mos bo‘lmagan ulanishlar mavjudligini aniqlash imkonini beradi.

Pasport tarmoqlarning yuklamasi, quvvat zaxirasi va texnik holatini ham bir nuqtada ko‘rish imkonini beradi. Bu avariyaviy holatlar xavfini oldindan baholash, ularning oldini olish va zarur holatda ta’minotni tezroq tiklash uchun muhim.
Masalan, tarmoqning rezerv imkoniyatlaridan foydalanib, quvvatni boshqa yo‘nalishga qayta taqsimlash orqali iste’molchilarni uzoq vaqt ta’minotsiz qoldirmaslik bo‘yicha tezkor qaror qabul qilish mumkin bo‘ladi.

Shu bilan birga, yangi ko‘p qavatli uylar, ijtimoiy obyektlar, tadbirkorlik va ishlab chiqarish obyektlari paydo bo‘lishi natijasida yuzaga keladigan qo‘shimcha yuklama ham oldindan hisobga olinadi. Mavjud quvvat yetarli bo‘lmagan holatlarda qaysi tarmoq yoki transformatorni kuchaytirish, qayerda qo‘shimcha infratuzilma zarurligi va buning uchun qancha resurs talab etilishi aniq belgilanadi.

Shuning uchun energetik pasport — faqat ma’lumotlarni jamlash vositasi emas. U mahallada energiyaning harakati, iste’moli, yo‘qotishlari, tarmoq holati va xavflarini bir-biri bilan bog‘liq holda ko‘rish, muammoning sababini aniqlash, tezkor qaror qabul qilish va keyingi rivojlanishni asoslash imkonini beradigan boshqaruv instrumentidir.

Bunda asosiy maqsad — muammo yuzaga kelgandan keyin chora ko‘rish emas, balki uning sabab va xavflarini oldindan ko‘rish, zarur holatda quvvatni tezkor qayta taqsimlash, ta’minotni tiklash va infratuzilmani o‘z vaqtida kuchaytirish.

⚡️ t.me/farhetk_admin

#tezkor
#10_08_2026

HUDUDLARDA TA'MIRLASH ISHLARI OLIB BORILADI

📌 TOSHLOQ HAMDA QO‘SHTEPA TUMANLARI

Bugun, soat 09:00dan 17:00ga qadar Toshloq hamda Qo‘shtepa tumanlarining ayrim hududlarini elektr energiyasi bilan ta'minlovchi "Dexqonobod" podstansiyasida joriy taʼmirlash ishlari bajariladi;

📌 QO‘SHTEPA TUMANI

Bugun, 10:00dan 12:00ga qadar Qo‘shtepa tumanining ayrim hududlarini elektr energiyasi bilan ta'minlovchi yuqori kuchlanishli "L-Do‘rmon-35" elektr uzatish tarmog‘ida qisqa muddatli taʼmirlash ishlari bajariladi;

📌 YOZYOVON TUMANI

Bugun, 09:00dan 17:00ga qadar Yozyovon tumanining ayrim hududlarini elektr energiyasi bilan ta'minlovchi "Xonobod" podstansiyasida hamda yuqori kuchlanishli "L-Qoraqushchi" elektr uzatish tarmog‘ida joriy taʼmirlash ishlari bajariladi;

Hududlarda olib boriladigan ta’mirlash ishlari jarayonining yuqorida belgilangan vaqtlarida elektr ta'minotida uzilishlar kuzatiladi.

Ta'mirlash vaqti elektr ta'minotidagi uzilishlar uchun uzr so'raymiz!

"Farg‘ona HETK" AJ
matbuot xizmati.

🤔 "Ruxsor news" informatsion dasturi

QO‘SHTEPADA “TUMANBAY” VA “MAHALLABAY” ISHLASH TIZIMI: ILK NATIJALAR VA YANGI BOSQICH
 
⚡️ t.me/farhetk_admin

#rasmiy_munosabat

UYLAR QURILDI, KEYIN SIMLAR “AYBDOR” BO‘LIB QOLDI...
 

Muhofaza zonasi — shunchaki chiziq emas

 
Ijtimoiy tarmoqlar orqali Farg‘ona shahri, “Chek Sho‘ra” MFY, Bag‘rikenglik ko‘chasi hududidan o‘tgan elektr tarmoqlarining aholi xonadonlariga yaqin joylashgani hamda mazkur holat aholi xavfsizligiga daxldor ekani haqida yo‘llangan murojaat yuzasidan quyidagilarni ma’lum qilamiz.

Avvalo, aholi xavfsizligi, elektr tarmoqlaridan foydalanishda belgilangan talablarga rioya etilishi hamda elektr ta’minoti obyektlarining ishonchli holatda saqlanishi “Farg‘ona hududiy elektr tarmoqlari korxonasi” AJning ustuvor vazifalaridan biri hisoblanadi.

Shu bilan birga, elektr tarmoqlarining muhofaza zonalarida bino va inshootlarni joylashtirish hamda qurilish ishlarini amalga oshirishda amaldagi tartib va xavfsizlik talablariga qat’iy rioya qilinishi lozim.

Xususan, O‘zbekiston Respublikasi Vazirlar Mahkamasining 2018-yil 26-dekabrdagi 1050-son qarori talablariga muvofiq, mavjud elektr tarmoqlari va ularning muhofaza zonalariga daxldor qurilish yoki boshqa ishlar natijasida elektr tarmog‘ini boshqa hududga ko‘chirish zarurati yuzaga kelgan hollarda, bunday ko‘chirish bilan bog‘liq xarajatlarni ishlarni amalga oshirish tashabbuskori tomonidan qoplash tartibi belgilangan.

Shu sababli, mavjud elektr tarmog‘ini boshqa hududga ko‘chirish masalasini hal etishda, avvalo, tarmoqning mavjud holati, uning muhofaza zonasi, xonadonlar va qurilmalarning joylashuvi hamda elektr xavfsizligi talablariga muvofiqligi mutaxassislar tomonidan joyiga chiqqan holda atroflicha o‘rganiladi.

O‘rganish natijalariga ko‘ra, aholi xavfsizligini ta’minlash nuqtayi nazaridan zarur choralar belgilanib, mavjud imkoniyatlar doirasida masalani ijobiy hal etish bo‘yicha amaliy choralar ko‘riladi.

Shuningdek, murojaatda ko‘rsatilgan elektr simlarining eskirgani, shamolli ob-havoda nosozliklar kuzatilishi kabi holatlar ham mutaxassislar tomonidan alohida nazoratga olinib, ularning texnik holati baholanadi.

“Farg‘ona hududiy elektr tarmoqlari korxonasi” AJ murojaatda ko‘tarilgan masalani e’tiborsiz qoldirmaydi. Joyida o‘rganish ishlari yakunlangach, uning natijalari va ko‘rilgan choralar bo‘yicha qo‘shimcha ma’lumot beriladi.

Aholi xavfsizligi bilan bog‘liq har qanday holatga mas’uliyat bilan yondashilib, masalani amaldagi qonunchilik talablari asosida hal etish choralari ko‘riladi.

LEKIN....

⚡️ t.me/farhetk_admin

#rasmiy_munosabat

Ijtimoiy tarmoqlarda Qo‘shtepa tumani Shahartepa yo‘nalishi bo‘ylab yo‘l chetida joylashgan elektr tarmoqlari simlari daraxt shoxlari orasida qolib ketgani haqida bildirilgan murojaat yuzasidan quyidagilarni ma’lum qilamiz.

Mazkur holat mutaxassislar tomonidan o‘rganilib, elektr tarmoqlarining xavfsiz va barqaror ishlashini ta’minlash maqsadida daraxt shoxlari bilan to‘qnash kelgan elektr tarmoqlarini daraxt shoxlaridan tozalash va tartibga keltirish va zarur texnik choralarni ko‘rish ishlari tez orada amalga oshiriladi.

Elektr tarmoqlaridagi bunday holatlarga befarq bo‘lmay, o‘z vaqtida mutasaddi tashkilotlar e’tiboriga havola etayotgan fuqarolarga minnatdorlik bildiramiz.

⚡️ t.me/farhetk_admin

ILK NATIJALAR VA YANGI BOSQICH!

QO‘SHTEPADA “TUMANBAY” VA “MAHALLABAY” ISHLASH TIZIMI

⚡️ t.me/farhetk_admin

#Uzb_35

YAGONA VATAN, YAGONA XALQ BO‘LIB, YANGI HAYOT VA KELAJAK YARATAYLIK!

🇺🇿 Mustaqilligining 35 yilligi yurtimiz hayotidagi ulug‘ va qutlug‘ sana sifatida keng nishonlanmoqda. Ayni kunlarda mamlakatimizning barcha hududlarida ushbu tarixiy ayyomni ko‘tarinki kayfiyatda kutib olish, bayramona muhit yaratishga alohida e’tibor qaratilmoqda.

🇺🇿 Shu munosabat bilan “Farg‘ona hududiy elektr tarmoqlari korxonasi” AJ ma’muriy binosi ham bayramona qiyofa kasb etdi. Bino atrofi va fasadi O‘zbekiston davlat bayrog‘i, milliy ramzlar hamda bayramona bezaklar bilan ziynatlanib, yurtimizning bosh ayyomi — Mustaqillik bayramiga munosib ruh yaratildi.

🇺🇿 Bayramona bezaklarda mujassam bo‘lgan Vatanga muhabbat, milliy g‘urur, xalqimizning birdamligi va istiqlolga bo‘lgan yuksak ehtirom har birimizga mustaqillikning bebaho ne’mat ekanini yana bir bor eslatadi.

🇺🇿 “Farg‘ona hududiy elektr tarmoqlari korxonasi” AJ jamoasi ham Vatan ravnaqi va xalq farovonligiga munosib hissa qo‘shish, elektr ta’minoti barqarorligini ta’minlash hamda el-yurtimizga sifatli xizmat ko‘rsatish yo‘lida o‘zining fidokorona mehnati bilan ushbu ezgu maqsadlarga xizmat qilib kelmoqda.

🇺🇿 Yurtimiz tinch, osmonimiz musaffo, xalqimiz birdam bo‘lsin!

🇺🇿 35 yillik Mustaqillik ayyomi muborak bo‘lsin!

🇺🇿 Yagona Vatan, yagona xalq bo‘lib, yangi hayot va yangi kelajak sari birgalikda dadil qadam tashlaylik!
 
⚡️ t.me/farhetk_admin

#tezkor
#11_08_2026

HUDUDLARDA TA'MIRLASH ISHLARI OLIB BORILADI

📌 BUVAYDA, BAG‘DOD, OLTIARIQ HAMDA RISHTON TUMANLARI

Bugun, soat 09:00dan 17:00ga qadar Buvayda, Bag‘dod, Oltiariq hamda Rishton tumanlarining ayrim hududlarini elektr energiyasi bilan ta'minlovchi yuqori kuchlanishli "L-RK" elektr uzatish tarmog‘ida joriy taʼmirlash ishlari bajariladi;

📌 BESHARIQ TUMANI

Bugun, 09:00dan 17:00ga qadar Beshariq tumanining ayrim hududlarini elektr energiyasi bilan ta'minlovchi "Beshariq" podstansiyasida joriy taʼmirlash ishlari bajariladi;

📌 BUVAYDA TUMANI

Bugun, 09:00dan 15:00ga qadar Buvayda tumanining ayrim hududlarini elektr energiyasi bilan ta'minlovchi "Sanobod" podstansiyasida joriy taʼmirlash ishlari bajariladi;

Hududlarda olib boriladigan ta’mirlash ishlari jarayonining yuqorida belgilangan vaqtlarida elektr ta'minotida uzilishlar kuzatiladi.

Ta'mirlash vaqti elektr ta'minotidagi uzilishlar uchun uzr so'raymiz!

"Farg‘ona HETK" AJ
matbuot xizmati.