Beshariq tumanining “Telov” mahalla fuqarolar yig‘ini hududida aholini barqaror va sifatli elektr energiyasi bilan ta’minlash, mavjud tarmoqlarning ishonchliligini oshirish maqsadida 428-sonli transformator punktida amaliy ishlar olib borilmoqda.

Mazkur transformator punkti hududdagi iste’molchilar yuklamasini ta’minlab kelayotgan bo‘lib, elektr energiyasiga bo‘lgan talabning ortishi natijasida yuqori yuklama bilan ishlamoqda. Shu bois mutaxassislar tomonidan transformator punkti va uning elektr jihozlari texnik ko‘rikdan o‘tkazilib, aniqlangan kamchiliklarni bartaraf etish hamda qurilmaning barqaror ishlashini ta’minlashga qaratilgan ishlar amalga oshirilmoqda.

Jarayon davomida transformatorning texnik holati, ulanish qismlari, himoya va kommutatsiya qurilmalari ko‘zdan kechirilmoqda. Shuningdek, elektr jihozlarining sozligi tekshirilib, zarur texnik xizmat va ta’mirlash ishlari bajarilmoqda.

Asosiy maqsad — yuqori yuklama sharoitida transformatorning ishonchli ishlashini ta’minlash, avariyaviy holatlarning oldini olish hamda “Telov” MFY hududidagi aholi va boshqa iste’molchilarga elektr energiyasini barqaror yetkazib berishdir.

Bu kabi amaliy ishlar hududdagi elektr tarmoqlarining texnik holatini yaxshilash, elektr ta’minoti sifatini oshirish va kelgusidagi yuklamalarga tizimni tayyorlash yo‘lidagi izchil choralarning muhim qismidir.

O‘zbekiston tumanida elektr ta’minoti barqarorligini ta’minlash, tarmoqning texnik holatini yaxshilash hamda yuzaga kelishi mumkin bo‘lgan nosozliklarning oldini olish maqsadida 10 kVli “Bo‘ston” elektr uzatish tarmog‘ida mukammal ta’mirlash ishlari amalga oshirildi.

Ta’mirlash jarayonida salqib qolgan simlarning tarangligi me’yoriga keltirildi, elektr uzatish tarmog‘ining nosoz qismlaridagi simlar yangisiga almashtirildi. Shuningdek, nosoz izolyatorlar yangilanib, tarmoqning texnik xavfsizligi va ishonchliligi oshirildi.

Amalga oshirilgan ishlar natijasida elektr uzatish tarmog‘ining barqaror ishlashi uchun zarur sharoit yaratilib, iste’molchilarni sifatli va uzluksiz elektr energiyasi bilan ta’minlash imkoniyati yanada yaxshilandi.

Bunday amaliy ishlar elektr tarmoqlarini mavsumiy yuklamalarga tayyorlash va elektr ta’minotidagi uzilishlarning oldini olishga xizmat qiladi.

O‘zbekiston tumanidagi 869-sonli transformator punktida elektr ta’minoti barqarorligini oshirish maqsadida mukammal ta’mirlash ishlari olib borilmoqda.

Ta’mirlash jarayonida transformator punktining elektr ulanish qismlari, avtomatik himoya qurilmalari va kabel tarmoqlari texnik ko‘rikdan o‘tkazilib, aniqlangan nosozliklar bartaraf etilmoqda.

Eskirgan va talabga javob bermaydigan qismlar yangilanib, ulanishlar tartibga keltirilmoqda.

Mazkur ishlar natijasida transformator punktining ishonchliligi oshirilib, iste’molchilarni elektr energiyasi bilan barqaror ta’minlash imkoniyati yanada yaxshilanadi.