✅ “SHODIYONA” MAHALLASIDA TRANSFORMATOR QUVVATI OSHIRILDI

Elektr ta’minoti tizimining barqarorligi va iste’molchilarni sifatli elektr energiyasi bilan ta’minlash maqsadida Oltiariq tumani “Shodiyona” mahalla fuqarolar yig‘ini hududida amaliy ishlar olib borilmoqda.

Xususan, mahallaning “Qadamjo” ko‘chasida joylashgan 339-sonli transformator punktida texnik ishlar amalga oshirilib, uning quvvati 100 kVA dan 160 kVA ga oshirildi.

Mazkur yangilanish natijasida transformatorning yuklamani ko‘tarish imkoniyati kengayib, hududdagi iste’molchilarning elektr ta’minoti yanada barqarorlashadi. Shuningdek, ayniqsa elektr energiyasiga talab yuqori bo‘lgan davrlarda tarmoqdagi yuklamani me’yorlashtirish va ta’minot ishonchliligini oshirishga xizmat qiladi.

Bunday amaliy ishlar elektr tarmoqlarini bosqichma-bosqich modernizatsiya qilish, mavjud quvvatlarni oshirish hamda aholi uchun sifatli va ishonchli elektr ta’minotini ta’minlashga qaratilgan.

⚡️ t.me/farhetk_admin

BESHARIQDA ELEKTR QURILMALARI TERMOGRAFIK NAZORATDAN O‘TKAZILMOQDA

Beshariq tumanida elektr ta’minoti tizimining ishonchliligini oshirish va yuzaga kelishi mumkin bo‘lgan nosozliklarning oldini olish maqsadida elektr qurilmalari maxsus termografik nazorat qurilmasi (teplovizor) yordamida tekshirilmoqda.

Nazorat jarayonida elektr qurilmalaridagi me’yoridan yuqori qizishlar, kontakt va ulanish joylaridagi kamchiliklar aniqlanib, ularni o‘z vaqtida bartaraf etish choralari ko‘rilmoqda.

Mazkur profilaktik ishlar elektr tarmoqlarining barqaror ishlashini ta’minlash, avariyaviy holatlarning oldini olish hamda iste’molchilarga ishonchli elektr energiyasi yetkazib berishga xizmat qilmoqda.

⚡️ t.me/farhetk_admin

➡️ELEKTR ENERGIYASIDAN NOQONUNIY FOYDALANISH VA QARZDORLIKNI UNDIRISH BO‘YICHA NAZORAT REYD TADBIRLARI O’TKAZILMOQDA

Viloyatimizda elektr energiyasidan noqonuniy foydalanishni oldini olish va iste’molchilarning mavjud qarzdorligini undirish maqsadida monitoring reyd tadbirlari amalga oshirilmoqda. Bu tadbirlar orqali mutaxassislar tomonidan tarmoqdan o‘zboshimchalik bilan ulanishlarni aniqlash va bu ulanishlarga qarshi kurashish ishlari olib borilmoqda.

Ushbu reyd tadbirlari davomida foydalangan energiya uchun qarzdor bo‘lgan iste’molchilar dast avval ASKUE tizimidan o’chirilganligiga qaramay tarmoqqa o’zboshimchalik bilan ulanib olganlik holatlariga barham berilmoqda. O’z navbatida to‘lovlarni o‘z vaqtida amalga oshirish zarurligi tushuntirib o’tilmoqda.

Hurmatli iste’molchilar, elektr tarmoqlariga o‘zboshimchalik bilan ulanib olish, hisoblagichlarga tashqi ta’sir ko‘rsatish yoki boshqa noqonuniy faoliyatlar belgilangan tartibda javobgarlikka sabab bo’lishi mumkin. Shuning uchun barcha iste’molchilarga qonuniy va samarali tarzda elektr energiyasidan foydalanishni so’rab qolamiz.

⚡️ t.me/farhetk_admin

Elekr energiyasidan mavjud qarzdorliklarni to'liq undirishga qaratilgan nazorat tadbirlari davom etmoqda

Elektr energiyasi uchun to‘lovlar o‘z vaqtida amalga oshirilishini ta’minlash hamda debitor qarzdorlikni kamaytirish maqsadida Quva tumanida mas’ul xodimlar ishtirokida nazorat-reyd tadbirlari tashkil etilmoqda.

Tadbirlar davomida elektr energiyasi uchun muddati o‘tgan qarzdorligi mavjud iste’molchilar xonadonlari va obyektlari o‘rganilib, ularga qarzdorlikni qisqa muddatlarda bartaraf etish yuzasidan ogohlantirishlar berilmoqda. Belgilangan muddatda to‘lov amalga oshirilmagan hollarda esa amaldagi tartibga muvofiq elektr ta’minotini vaqtincha cheklash hamda qarzdorlikni undirish bo‘yicha qonuniy choralar ko‘rilmoqda.

Elektr ta’minoti korxonasi iste’molchilardan elektr energiyasi uchun to‘lovlarni o‘z vaqtida amalga oshirishni so‘raydi. O‘z vaqtida to‘langan to‘lovlar elektr tarmoqlarini modernizatsiya qilish, sifatli xizmat ko‘rsatish va iste’molchilarni uzluksiz elektr energiyasi bilan ta’minlashda muhim ahamiyat kasb etadi.

⚡️ t.me/farhetk_admin

🤔 Uchko‘prik tumanida elektr tarmoqlaridagi ishlar izchil davom etmoqda

Uchko‘prik tumanida energiya resurslarini tejash, elektr energiyasi yo‘qotishlarini kamaytirish, debitor qarzdorlikni qisqartirish hamda tarmoqlarning barqarorligini ta’minlash borasida amaliy ishlar olib borilmoqda.

Xususan, hududdagi “qizil” va “sariq” toifaga kiritilgan transformator punktlarining texnik holati o‘rganilib, aniqlangan kamchiliklarni bartaraf etish va ta’mirlash ishlarini jadallashtirishga alohida e’tibor qaratilmoqda.

Shuningdek, transformator punktlaridagi yuklamalarni me’yorlashtirish, elektr energiyasi yo‘qotishlarini kamaytirish hamda iste’molchilar bilan hisob-kitoblarni yaxshilash bo‘yicha tegishli choralar ko‘rilmoqda.

Mazkur yo‘nalishdagi ishlar, jumladan, energiya resurslarini iqtisod qilish, yo‘qotishlarni kamaytirish va elektr tarmoqlarining texnik holatini yaxshilash jarayonlari tuman prokuraturasi tomonidan doimiy nazorat qilib kelinmoqda.
 
⚡️ t.me/farhetk_admin

MUSTAQILLIK BAYRAMI ARAFASIDA MARG‘ILONDA YIRIK ENERGETIKA LOYIHASI AMALGA OSHIRILMOQDA

8 mingga yaqin xonadon va 280 ta tadbirkorlik subyektining elektr ta’minoti yaxshilanadi

 
Yurtimiz mustaqilligining 35 yilligi arafasida Marg‘ilon shahrida bunyodkorlik va yangilanish ishlari yangi bosqichga ko‘tarilmoqda. Shahar elektr ta’minoti tizimini modernizatsiya qilish, mavjud tarmoqlar quvvatini oshirish va aholiga yanada ishonchli elektr energiyasi yetkazib berish maqsadida yirik energetika loyihasi amalga oshirilmoqda.

Prezidentimizning PQ-298-son Qarori asosida Marg’ilon shaharning “Turon”, “Istiqlol”, “Mustaqillik”, “Navbahor”, “Navro‘z” hamda “Yangiobod” mahallalarida keng ko‘lamli ishlar olib borilmoqda.

Mazkur loyiha natijasida 8 mingga yaqin xonadon va 280 ta tadbirkorlik subyektining elektr ta’minoti quvvati oshiriladi. Bu esa mustaqillik yillarida inson qadri va xalq farovonligini ta’minlash yo‘lida amalga oshirilayotgan bunyodkorlik ishlarining amaliy ifodasidir.

Elektr energiyasiga bo‘lgan talabning yil sayin ortib borayotgani inobatga olinib, mavjud infratuzilmani yangilash, tarmoqlar quvvatini oshirish va yuklamalarni maqbullashtirish bo‘yicha kompleks ishlar bajarilmoqda.

Loyiha doirasida “Cho‘lquvar” elektr taqsimlash punkti yuklamasini kamaytirish maqsadida “Satkak” podstansiyasidan 2 ta 4,5 kilometr uzunlikdagi yangi 10 kV elektr tarmog‘i barpo etiladi.

Shuningdek, yangi taqsimlash tizimiga umumiy quvvati 23 ming kVA bo‘lgan 67 ta transformator punkti ulanishi rejalashtirilgan. Natijada elektr yuklamalari muvozanatlashtirilib, tarmoqlarning ishonchliligi va barqarorligi yanada oshiriladi.

Ayni paytda “Navro‘z” mahallasining “Oltin meros” ko‘chasida elektr kabel tarmoqlarini tortish ishlari jadal davom ettirilmoqda.
Loyihani amalga oshirish uchun 12,5 milliard so‘m mablag‘ yo‘naltirilishi rejalashtirilgan.

Mustaqillik — bu nafaqat bayram, balki bunyodkorlik, yangilanish va farovon kelajak sari dadil qadamlar timsolidir.

Marg‘ilonda amalga oshirilayotgan mazkur loyiha ham ana shu ezgu maqsadlarning amaliy ifodasi bo‘lib, minglab xonadonlar va yuzlab tadbirkorlik subyektlari uchun yangi imkoniyatlar yaratadi.

Eng muhimi, loyiha yakunlangach, aholining elektr ta’minoti yanada yaxshilanib, tadbirkorlik va ishlab chiqarish faoliyatini kengaytirish uchun mustahkam infratuzilmaviy zamin yaratiladi.

⚡️ t.me/farhetk_admin