MUSTAQILLIK BAYRAMI ARAFASIDA BAG‘DODDA YANGI QUVVAT — YANGI IMKONIYAT

Mustaqillik bayramining 35 yilligi arafasida viloyatimizning barcha hududlarida bunyodkorlik va yangilanish ishlari izchil davom etmoqda. Bu jarayon elektr energetikasi tizimida ham muhim amaliy loyihalar bilan namoyon bo‘lmoqda.

Xususan, Bag‘dod tumanidagi “Naʼmuna” podstansiyasining quvvati oshirildi. “Farg‘ona hududiy elektr tarmoqlari korxonasi” AJ mutaxassislari tomonidan amalga oshirilgan ishlar natijasida podstansiyada avval foydalanib kelingan 6 300 kVA quvvatli kuch transformatori o‘rniga 10 000 kVA quvvatga ega yangi kuch transformatori o‘rnatildi.

Natijada podstansiyaning quvvati 3 700 kVA ga oshirilib, Bag‘dod tumanining ayrim hududlarida elektr ta’minoti imkoniyatlari sezilarli darajada kengaytirildi.

Mazkur yangilanish, avvalo, iste’molchilarning ortib borayotgan elektr energiyasiga bo‘lgan ehtiyojini ishonchli qoplash, tarmoqdagi yuklamalarni maqbullashtirish va elektr ta’minoti barqarorligini yanada mustahkamlashga xizmat qiladi. Ayniqsa, yozning jazirama kunlarida elektr energiyasiga talab keskin oshadigan bir paytda podstansiyaning qo‘shimcha quvvatga ega bo‘lishi tizim uchun muhim ahamiyat kasb etadi.

Yangi transformatorning o‘rnatilishi bilan “Naʼmuna” podstansiyasining kelgusidagi yuklamalarni qabul qilish imkoniyati ham kengaydi. Bu esa hududdagi aholi xonadonlari, ijtimoiy soha obyektlari hamda tadbirkorlik subyektlarini elektr energiyasi bilan ta’minlashda qo‘shimcha imkoniyatlar yaratadi.

Eng muhimi, mazkur ishlar bir martalik texnik tadbir emas, balki elektr tarmoqlarini bosqichma-bosqich modernizatsiya qilish, mavjud infratuzilmani mustahkamlash va iste’molchilarga yanada sifatli xizmat ko‘rsatish yo‘lidagi izchil ishlarning bir qismidir.

Mustaqillik bayramining 35 yilligi arafasida Bag‘dod tumanida ishga tushirilgan yangi quvvat — hududning bugungi ehtiyojiga javob berish bilan birga, uning ertangi taraqqiyoti uchun ham mustahkam zamin yaratadi.

Zero, ishonchli elektr ta’minoti — farovon hayot, barqaror iqtisodiyot va taraqqiyotning muhim poydevoridir.

⚡️ t.me/farhetk_admin

📌📌📌📌📌📌

HURMATLI ELEKTR ENERGIYASI ISTE’MOLCHILARI!

“Hududiy elektr tarmoqlari” AJ tomonidan yangi “HET BILLING” dasturiy kompleksi joriy etilishi doirasida mobil ilova ham ishga tushirilgan edi.

Mazkur ilova orqali iste’molchilar bevosita iste’mol qilingan elektr energiyasi hisobi, xususan, to‘lov ma’lumotlari, kunlik elektr energiya iste’moli va boshqa ma’lumotlarni onlayn tarzda kuzatib borish imkoniyatiga ega bo'ldilar.

“Hududiy elektr tarmoqlari” AJ iste’molchilardan kelib tushgan taklif va murojaatlarni inobatga olgan holda, mobil ilovani yuklab olish, tizimga kirish, ro‘yxatdan o‘tish hamda undan foydalanish tartibi bo‘yicha tayyorlangan videoqo‘llanmani e’tiboringizga havola etadi.

Iste’molchilar mazkur ilovani Android hamda IOS  operatsion tizimi qurilmalari orqali bepul yuklab olishlari mumkin. Mobil ilova dasturi avtomatlashtirilgan holda yangilab boriladi.

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

➡️ QARZDORLIKNI UNDIRISH BO‘YICHA NAZORAT REYD TADBIRLARI O’TKAZILMOQDA

Viloyatimizda elektr energiyasidan noqonuniy foydalanishni oldini olish va iste’molchilarning mavjud qarzdorligini undirish maqsadida monitoring reyd tadbirlari amalga oshirilmoqda. Bu tadbirlar orqali mutaxassislar tomonidan tarmoqdan o‘zboshimchalik bilan ulanishlarni aniqlash va bu ulanishlarga qarshi kurashish ishlari olib borilmoqda.

Ushbu reyd tadbirlari davomida foydalangan energiya uchun qarzdor bo‘lgan iste’molchilar dast avval ASKUE tizimidan o’chirilganligiga qaramay tarmoqqa o’zboshimchalik bilan ulanib olganlik holatlariga barham berilmoqda. O’z navbatida to‘lovlarni o‘z vaqtida amalga oshirish zarurligi tushuntirib o’tilmoqda.

Hurmatli iste’molchilar, elektr tarmoqlariga o‘zboshimchalik bilan ulanib olish, hisoblagichlarga tashqi ta’sir ko‘rsatish yoki boshqa noqonuniy faoliyatlar belgilangan tartibda javobgarlikka sabab bo’lishi mumkin. Shuning uchun barcha iste’molchilarga qonuniy va samarali tarzda elektr energiyasidan foydalanishni so’rab qolamiz.

⚡️ t.me/farhetk_admin