KUNLIK ISH JARAYONI: HAR BIR ISTE’MOLCHI — NAZORATDA

Bag‘dod tumanida elektr energiyasini hisobga olish tizimini takomillashtirish va ASKUE tizimining barqaror ishlashini ta’minlash maqsadida amaliy ishlar izchil davom ettirilmoqda.

Ishlar har bir iste’molchi kesimida tashkil etilib, mutaxassislar tomonidan elektr hisoblagichlarning texnik holati, ASKUE tizimiga ulanishi va ma’lumotlarni uzatish jarayoni tekshirilmoqda.

Aniqlangan nosoz yoki aloqa uzilishlari mavjud hisoblagichlar “Smart UP” qilinmoqda, texnik talablarga javob bermaydigan qurilmalar esa zamonaviy hisoblagichlarga almashtirilmoqda.

Bajarilgan ishlar mutaxassislar tomonidan joyiga chiqqan holda ko‘zdan kechirilib, natijalar nazorat va qabul qilib olish jarayonidan o‘tkazilmoqda.

Asosiy maqsad — har bir kilovatt-soatni aniq hisobga olish, mavjud muammolarni manzilida bartaraf etish va ASKUE tizimining samarali ishlashini ta’minlash.

Ishlar Bag‘dod tumanining belgilangan hududlarida izchil davom ettirilmoqda.

⚡️ t.me/farhetk_admin

➡️ KO‘P QAVATLI UYLARDA ELEKTR TA’MINOTI TIZIMI YANGILANMOQDA

Aholiga sifatli va barqaror elektr energiyasi yetkazib berish, mavjud tarmoqlarning ishonchliligini oshirish hamda iste’molchilarga ko‘rsatilayotgan xizmatlar sifatini yaxshilash maqsadida hududlarda elektr ta’minoti infratuzilmasini modernizatsiya qilish ishlari izchil davom ettirilmoqda.

Xususan, Oltiariq tumani “A.Navoiy” hamda “Yangi hayot” mahalla fuqarolar yig’inlari hududlaridagi  13, 19, 24 hamda 26-sonli ko‘p qavatli uylarda elektr hisoblagichlari joylashgan taqsimlash qurilmalarining holati o‘rganilib, ularni zamonaviy talablarga moslashtirish va tartibga keltirish bo‘yicha ishlar amalga oshirilmoqda.

Jarayon davomida ko‘p xonadonli uylarning elektr ta’minoti shkaflari texnik ko‘rikdan o‘tkazilib, hisobga olish vositalarining joylashuvi, elektr ulanishlari, avtomatik himoya qurilmalari hamda ichki montaj ishlari nazorat qilinmoqda.

Eskirgan va tartibsiz holatdagi qismlar yangilanib, elektr hisobini aniq yuritish va tarmoq xavfsizligini ta’minlashga alohida e’tibor qaratilmoqda.

Mazkur ishlarning yana bir muhim jihati — ASKUE tizimi bilan uyg‘un ishlaydigan zamonaviy elektr hisoblagichlardan foydalanish orqali iste’mol qilingan elektr energiyasini aniq hisobga olish, ortiqcha yo‘qotishlarning oldini olish va iste’molchilar uchun qulaylik yaratishdir.

Mutaxassislar tomonidan bajarilayotgan ishlar nafaqat elektr ta’minotining barqarorligini oshiradi, balki ko‘p qavatli uylardagi umumiy elektr tarmoqlarining texnik holatini yaxshilash, avariya holatlarining oldini olish va elektr energiyasidan xavfsiz foydalanish imkoniyatlarini kengaytiradi.

⚡️ t.me/farhetk_admin

ELEKTR HISOBLAGICHLAR MANSUBLIK CHEGARASIGA OLIB CHIQILMOQDA

Farg‘ona shahrining “O‘rtasho‘ra” mahalla fuqarolar yig‘ini hududida iste’molchilarning elektr energiyasi hisoblagichlarini mansublik chegarasiga olib chiqish bo‘yicha amaliy ishlar olib borilmoqda.

Mazkur ishlar Farg‘ona tuman elektr ta’minoti korxonasi mutaxassislari tomonidan amalga oshirilib, elektr energiyasi hisobini yuritishning shaffofligini ta’minlash, hisoblagichlar ko‘rsatkichlarini o‘z vaqtida va aniq qayd etish, iste’molchilar uchun qulaylik yaratish hamda elektr energiyasidan noqonuniy foydalanish holatlarining oldini olishga qaratilgan.

⚡️ t.me/farhetk_admin

So‘xdagi yirik GES qurilishi jadal davom etmoqda

So‘x tumanida 15 megavatt quvvatga ega yirik GES barpo etilmoqda. Qiymati 41 million dollar bo‘lgan mazkur loyiha ishga tushirilgach, tumanning elektr energiyasiga bo‘lgan ehtiyojining qariyb 70 foizini qoplash imkonini beradi.

Bugun viloyat hokimi Xayrullo Bozorov So‘x tumanida bo‘lib, ushbu yirik energetika loyihasida amalga oshirilayotgan qurilish ishlari bilan tanishdi.
—
Сохская крупная ГЭС строится ускоренными темпами
—
Construction of the Large Hydroelectric Power Plant in Sokh Is Progressing at a Rapid Pace

⚡️ t.me/farhetk_admin