🤔 QO‘QONDA ELEKTR TA’MINOTI SAMARADORLIGI OSHIRILMOQDA

Qo‘qon shahrida elektr energiyasi ta’minotining barqarorligini ta’minlash, tarmoqdagi yo‘qotishlarni kamaytirish, ASKUE tizimining to‘liq va samarali ishlashini yo‘lga qo‘yish hamda mavjud qarzdorliklarni undirish bo‘yicha kompleks ishlar olib borilmoqda.

Mutaxassislar tomonidan elektr tarmoqlari va iste’molchilarning energiya sarfi holati chuqur o‘rganilib, aniqlangan kamchiliklarni bartaraf etish choralari ko‘rilmoqda. ASKUE tizimi orqali iste’mol ko‘rsatkichlari muntazam nazorat qilinib, ma’lumotlarning to‘g‘ri shakllanishi va tizimga uzatilishi ta’minlanmoqda.

Shuningdek, iste’molchilarning mavjud qarzdorliklarini kamaytirish va undirish bo‘yicha manzilli ishlar tashkil etilmoqda. Har bir yo‘nalishdagi natijalar kunlik tahlil qilinib, aniqlangan muammolar yuzasidan tezkor choralar ko‘rilmoqda.

⚡️ t.me/farhetk_admin

➡️ FARG‘ONA SHAHRIDA ELEKTR TARMOQLARI KUZ-QISH MAVSUMIGA TAYYORLANMOQDA

Farg‘ona shahridagi “To‘qimachi” podstansiyasidan chiquvchi 6 kVli “Birlik” elektr uzatish tarmog‘ida kuz-qish mavsumiga puxta tayyorgarlik ko‘rish maqsadida joriy ta’mirlash ishlari olib borilmoqda.

Amalga oshirilayotgan ishlar davomida elektr uzatish tarmoqlari daraxt shoxlaridan tozalanib, simlarning xavfsizligi va texnik holati yaxshilanmoqda. Shuningdek, salqilab qolgan elektr simlarining tarangligi rostlanib, tarmoqning barqaror va ishonchli ishlashi uchun zarur choralar ko‘rilmoqda.

Mazkur ishlar elektr tarmoqlarining texnik holatini yaxshilash, mavsumiy yuklamalarga tayyorlash hamda kuz-qish oylarida iste’molchilarni elektr energiyasi bilan barqaror ta’minlashga qaratilgan.

Mutaxassislar tomonidan tarmoqning har bir qismi ko‘zdan kechirilib, aniqlangan kamchiliklar joyida bartaraf etilmoqda.

⚡️ t.me/farhetk_admin

✅ MUROJAATLAR E’TIBORDA: YANGI TAYANCHLAR O‘RNATILMOQDA

Qo‘qon shahrining “Dilyor” ko‘chasida aholi murojaati asosida elektr tarmog‘ining texnik holatini yaxshilash va elektr ta’minoti ishonchliligini oshirish maqsadida yangi tayanchlar o‘rnatilmoqda.

Mutaxassislar tomonidan hududdagi mavjud elektr tarmoqlari o‘rganilib, murojaatda ko‘rsatilgan masalani amaliy hal etish choralari ko‘rilmoqda. Yangi tayanchlarning o‘rnatilishi elektr uzatish tarmog‘ining barqarorligini ta’minlash hamda iste’molchilarga sifatli elektr energiyasi yetkazib berishga xizmat qiladi.

Ta’kidlash joizki, fuqarolarning murojaatlari doimiy e’tiborda. Har bir murojaat belgilangan tartibda o‘rganilib, imkon qadar qisqa muddatlarda amaliy yechim topishga alohida e’tibor qaratilmoqda.

“Dilyor” ko‘chasi aholisi ham olib borilayotgan ishlardan mamnunligini bildirib, murojaatlari e’tiborsiz qoldirilmayotganidan minnatdor ekanini ta’kidladi.

⚡️ t.me/farhetk_admin

ENDI ULAR O‘RNINI YANGILARIGA BO‘SHATADI!

Eski tayanchlarga esa — rahmat!

Farg‘ona tumanining “Beruniy” mahallasidagi nosoz tayanchlar yangilanmoqda.

Yillar davomida xizmat qilgan, vaqt sinovidan o‘tgan eski tayanchlar endi o‘z o‘rnini zamonaviy va mustahkam tayanchlarga bo‘shatmoqda.

Fuqarolar murojaati asosida mahalladagi elektr tarmog‘i holati o‘rganilib, nosoz tayanchlarni yangilash ishlari boshlandi. Bu, avvalo, elektr ta’minoti xavfsizligi va ishonchliligini oshirishga qaratilgan muhim amaliy qadamdir.

Ayniqsa, Mustaqillik bayrami arafasida amalga oshirilayotgan ushbu ishlar “Beruniy” mahallasi aholisi uchun o‘ziga xos bayramona tuhfa bo‘ldi. Murojaatning e’tiborsiz qoldirilmay, amaliy natijaga aylangani fuqarolarni ham mamnun etdi.

Endi uzoq yillar xizmat qilgan eski tayanchlar o‘rniga yangi, mustahkam tayanchlar qad rostlaydi.

Eski tayanchlarga esa — uzoq yillik xizmati uchun rahmat!

⚡️ t.me/farhetk_admin

✍️ KO‘P QAVATLI UYLAR ELEKTR TA’MINOTI MAVSUMGA TAYYORLANMOQDA

Rishton tumanida ko‘p qavatli uylarning elektr ta’minotini barqaror va ishonchli tashkil etish maqsadida tizimli tayyorgarlik ishlari olib borilmoqda.

Rishton tuman elektr ta’minoti korxonasining ko‘p qavatli uylarga xizmat ko‘rsatish guruhi tomonidan hududdagi ko‘p qavatli uylarning elektr ta’minoti tarmoqlari to‘liq ko‘rikdan o‘tkazilmoqda. Aniqlangan kamchiliklar bosqichma-bosqich bartaraf etilib, mavjud elektr qurilmalari va tarmoqlarining texnik holati yaxshilanmoqda.

Ish jarayonlarida, avvalo, xavfsizlik texnikasi talablariga qat’iy rioya etilishiga alohida e’tibor qaratilmoqda. Xodimlar belgilangan tartibda yo‘riqnomadan o‘tkazilib, zarur himoya vositalari bilan ta’minlangan holda ta’mirlash va texnik xizmat ko‘rsatish ishlarini amalga oshirmoqda.

Ko‘rik va ta’mirlash ishlari yakunida ko‘p qavatli uylarning ichki va tashqi elektr tarmoqlarining ishonchliligi oshirilib, iste’molchilarga elektr energiyasini barqaror va xavfsiz yetkazib berish uchun zarur sharoitlar yaratiladi.

Bu kabi amaliy ishlar mavsum davomida elektr ta’minotida yuzaga kelishi mumkin bo‘lgan nosozliklarning oldini olish, tarmoqlarning barqaror ishlashini ta’minlash hamda ko‘p qavatli uylarda istiqomat qiluvchi fuqarolarga sifatli xizmat ko‘rsatishga qaratilgan.

⚡️ t.me/farhetk_admin

“XAMZA” PODSTANSIYASIDAN CHIQUVCHI TARMOQLAR MAVSUMGA TAYYORLANMOQDA

Qo‘qon shahrining ayrim hududlarini elektr energiyasi bilan ta’minlovchi “Xamza” podstansiyasidan chiquvchi 6 kV kuchlanishli elektr uzatish tarmoqlarining boshlang‘ich qismlari to‘liq texnik ko‘rikdan o‘tkazilmoqda.

Mavsumga puxta tayyorgarlik ko‘rish maqsadida mutaxassislar tomonidan elektr tarmoqlari va tegishli qurilmalarning texnik holati sinchiklab tekshirilib, aniqlangan kamchiliklarni bartaraf etish hamda mavjud uskunalarning ishonchli ishlashini ta’minlash bo‘yicha zarur ishlar amalga oshirilmoqda.

⚡️ t.me/farhetk_admin

❗️ ELEKTR TA’MINOTINI YAXSHILASH YO‘LIDA AMALIY ISHLAR DAVOM ETMOQDA

Hududlarda elektr ta’minotining barqarorligini ta’minlash, mavjud tarmoqlarning imkoniyatlarini kengaytirish hamda mavsumiy yuklamalarga puxta tayyorgarlik ko‘rish borasidagi amaliy ishlar izchil davom etmoqda.

Ana shunday navbatdagi ishlar Farg‘ona tumanining “Marg‘ilon” mahalla fuqarolar yig‘ini hududida amalga oshirildi.

Mahalladagi 1295-sonli transformator punktining quvvati 100 kVA dan 400 kVA ga oshirildi. Buning uchun mavjud transformator yuqori quvvatli zamonaviy transformatorga almashtirildi.

Natijada transformator punktining elektr yuklamasini ko‘tarish imkoniyati 4 barobarga oshdi. Bu esa hududdagi iste’molchilarning elektr energiyasiga bo‘lgan ehtiyojini yanada ishonchli qondirish, tarmoqdagi yuklamani kamaytirish va elektr ta’minotining barqarorligini ta’minlashga xizmat qiladi.

Ayniqsa, mavsumiy yuklamalar ortib borayotgan bir paytda amalga oshirilgan mazkur ish mahalla aholisi uchun muhim ahamiyat kasb etadi.

Bunday amaliy ishlar viloyatimizning boshqa hududlarida ham izchil davom ettirilib, elektr tarmoqlarining imkoniyatlarini kengaytirish va iste’molchilarga yanada sifatli xizmat ko‘rsatish choralari ko‘rilmoqda.

⚡️ t.me/farhetk_admin