ELEKTR HISOBLAGICHLARI MANSUBLIK CHEGARASIGA OLIB CHIQILMOQDA

Farg‘ona tumanida elektr energiyasidan foydalanish samaradorligini oshirish, hisob-kitoblarning shaffofligini ta’minlash hamda noqonuniy foydalanish holatlarining oldini olishga qaratilgan amaliy ishlar davom etmoqda.

Xususan, tuman hududidagi “Dehqonobod” mahalla fuqarolar yig‘inida iste’molchilarning elektr hisoblagichlarini mansublik chegarasiga olib chiqish ishlari amalga oshirilmoqda.

Mazkur ishlar natijasida elektr energiyasi hisobini yuritish yanada qulay va shaffof bo‘lib, iste’mol qilingan elektr energiyasini nazorat qilish imkoniyati oshadi. Eng muhimi, elektr tarmoqlariga noqonuniy ulanish va elektr energiyasidan noqonuniy foydalanish holatlarining oldini olishga xizmat qiladi.

Farg‘ona tumanida bu kabi amaliy ishlar boshqa hududlarda ham izchil davom ettirilmoqda.

⚡️ t.me/farhetk_admin

➡️ SHODLIKKA SHODLIK ULASHIB...

Mustaqillik bayrami arafasida Dang‘ara tumanining “Shodlik” mahalla fuqarolar yig‘inida aholi uchun yana bir muhim yangilanish amalga oshirilmoqda.

Hududda elektr ta’minotidagi mavjud muammolarni bartaraf etish, tarmoq ishonchliligini oshirish va kelgusidagi yuklamalarga tayyorgarlik ko‘rish maqsadida yangi elektr uzatish tarmoqlari uchun temir-beton tayanchlar o‘rnatilmoqda.

Bu kabi amaliy ishlar — yurtimizdagi bunyodkorlik va yangilanishlarning mahallalardagi ifodasi. Eng muhimi, aholi xonadonlarida barqaror elektr ta’minoti uchun sharoitlar yanada yaxshilanmoqda.

Mustaqillik — shukronalik, yangilanish va xalq farovonligi yo‘lidagi ezgu ishlar demakdir. Shodlikka shodlik ulashib, bunyodkorlik ishlari davom etmoqda!

⚡️ t.me/farhetk_admin

📌📌📌📌📌📌

“HUDUDIY ELEKTR TARMOQLARI” AJDA FIDOYI XODIMLAR MUNOSIB TAQDIRLANDI

Bugun, 26-avgust kuni “Hududiy elektr tarmoqlari” AJ majlislar zalida Vatanimiz mustaqilligining 35 yilligi munosabati bilan tantanali taqdirlash marosimi bo‘lib o‘tdi.

Tadbirda Prezidentimiz farmoniga muvofiq davlatimizning yuksak orden va medallari, shuningdek, mamlakatimiz taraqqiyoti, iqtisodiy salohiyati va aholi farovonligini yuksaltirishga munosib hissa qo‘shib kelayotgan, elektr energetikasi sohasini rivojlantirishda fidoyilik va tashabbuskorlik ko‘rsatayotgan Jamiyat xodimlariga “O‘zbekiston Respublikasi mustaqilligining 35 yilligi” esdalik nishoni tantanali ravishda topshirildi.

Marosimni Boshqaruv raisi Sardor Isakulov kirish so‘zi bilan ochib, yurtimizning o‘ttiz besh yillik taraqqiyot yo‘li, bu davrda erishilgan ulkan natijalar va sohada amalga oshirilayotgan keng ko‘lamli islohotlar haqida to‘xtalib o‘tdi.

Batafsil

⚡️ t.me/farhetk_admin

📌📌📌📌📌📌

Prezident Shavkat Mirziyoyev ishtirokida mamlakatimiz mustaqilligining 35 yilligi munosabati bilan yuksak davlat mukofotlariga sazovor boʻlgan bir guruh vatandoshlarimizni taqdirlash marosimi boʻlib oʻtdi.

⚡️ t.me/farhetk_admin