#tabrik

BILIMLAR KUNI — BUYUK MAQSADLAR SARI ILK QADAM

AZIZ O‘QUVCHILAR!
QADRLI USTOZ VA MURABBIYLAR!
HURMATLI OTA-ONALAR!

Barchangizni yurtimiz mustaqilligining 35 yillik qutlug‘ ayyomi bilan uyg‘un holda kirib kelayotgan yangi o‘quv yili va Bilimlar kuni bilan chin qalbimdan samimiy muborakbod etaman.

Bugun yurtimizning barcha hududlarida maktab ostonalarida quvonchli va hayajonli lahzalar hukm surmoqda. Ayniqsa, ilk bor maktabga qadam qo‘yayotgan minglab o‘g‘il-qizlarimiz uchun bu kun hayotidagi eng unutilmas sanalardan biri bo‘lib qolishi shubhasiz.

AZIZ O‘QUVCHILAR!

Sizlarning har biringizda yurtimizning ertangi kuniga daxldor ulkan orzu va maqsadlar bor. Bugun qo‘lingizga olayotgan kitoblaringiz, sinf xonalarida egallaydigan bilimlaringiz va ustozlaringizdan oladigan saboqlaringiz kelajakdagi buyuk marralaringiz uchun mustahkam poydevor bo‘lib xizmat qilsin.

MUHTARAM USTOZLAR!

Yosh avlodga ta’lim va tarbiya berishdek sharafli vazifada sizlarga ulkan kuch-g‘ayrat, sabr-toqat va muvaffaqiyat tilayman.

Sizlarning mehringiz, bilimingiz va fidoyiligingiz ortida yurtimizning kelajagi, uning taraqqiyoti va ravnaqi mujassam.

HURMATLI OTA-ONALAR!

Farzandlaringizning har bir yutug‘i — sizlarning quvonchingiz, har bir muvaffaqiyati — oilaviy baxtingizning yana bir ko‘rinishidir. Ularning bilim olishi va komil inson bo‘lib ulg‘ayishi yo‘lidagi ezgu harakatlaringiz samarali bo‘lishini tilayman.

Yangi o‘quv yili mamlakatimiz ta’lim tizimida yangi imkoniyatlar, yangi yutuqlar va yangi zafarlar yili bo‘lsin!

Barcha o‘quvchilarimizga mustahkam sog‘liq, zukkolik va yuksak marralar, ustozlarimizga sharafli mehnatlarida omad, ota-onalarga esa farzandlarining kamolini ko‘rish baxtini tilayman.

Bilimlar kuni va yangi o‘quv yili barchamizga muborak bo‘lsin!

Hurmat bilan,
"Farg‘ona HETK" AJ Bosh direktori
AZIZBEK RASULJONOVICH SAYDALIYEV