O‘zbekiston Respublikasi Prezidenti Shavkat Mirziyoyevning Koreya Respublikasiga davlat tashrifi munosabati bilan mamlakatning nufuzli nashrlari – “Chosun Ilbo”ning ingliz tilidagi platformasi “The Chosun Daily” hamda “The Korea Herald” gazetasida davlatimiz rahbarining “O‘zbekiston va Koreya Respublikasi: o‘zgarishlar davrida kelajak sari intilayotgan hamkorlik” maqolasi chop etildi.

Maqolada O‘zbekiston – Koreya do‘stligining tarixiy asoslari va yuksak ishonchga tayangan alohida strategik sheriklik istiqbollari yoritilgan. Mamlakatlarimiz nafaqat vaqt sinovidan o‘tgan hamkorlar, balki mushtarak qadriyatlar va insoniy rishtalar bog‘lab turgan yaqin do‘stlar ekani ta’kidlangan.

Koreya Respublikasining bir avlod davomida farovon, yuqori texnologiyali davlatga aylanishdek hayratlanarli taraqqiyot yo‘li alohida qayd etilgan. Seulning modernizatsiya va innovatsiyalar borasidagi boy tajribasi Yangi O‘zbekiston uchun muhim ahamiyatga ega.

So‘nggi yillarda o‘zaro savdo 5 barobar oshdi, Koreya investitsiyalari 8 milliard dollardan ortdi. 700 dan ziyod qo‘shma korxona va loyiha mavjud, KOICA, Koreya Eksimbanki va EDCF bilan dasturlar portfeli 3,5 milliard dollardan oshgan.

Yangi bosqichdagi hamkorlik sun’iy intellekt, yarim o‘tkazgichlar, robototexnika, elektr transporti, biofarmatsevtika, “aqlli” qishloq xo‘jaligi va “aqlli shaharlar”ni qamrab oladi.

“Hamkorligimizning yangi sahifasini ochishimiz – alohida sohalardagi muvaffaqiyatli aloqalardan umumiy ishlab chiqarish tizimlari, texnologik platformalar va yangi bozorlarni shakllantirishga o‘tishimiz mumkin”,

- deya ta’kidladi Prezidentimiz.

Maqolada 16-sentabr kuni Seulda o‘tadigan ilk “Markaziy Osiyo – Koreya Respublikasi” sammitiga alohida to‘xtalingan.

Davlatimiz rahbari sammitda O‘zbekiston siyosiy muloqotni chuqurlashtirish, amaliy hamkorlikni kengaytirish va sheriklikning yangi, samarali mexanizmlarini shakllantirishga qaratilgan qator dolzarb tashabbuslarni ilgari surish niyatida ekanini ta’kidladi. Ushbu takliflar “Markaziy Osiyo – Koreya Respublikasi” formatini sifat jihatidan yangi bosqichga olib chiqish, uni yanada tizimli, dinamik va uzoq muddatli mintaqaviy ustuvor vazifalarga yo‘naltirishga xizmat qiladi.

“Markaziy Osiyo va Koreya Respublikasi tinchlik, innovatsiyalar, o‘zaro ishonch va umumiy farovonlikka asoslangan hamkorlikning yangi makonini shakllantira olishiga chin dildan ishonaman”,

- deyiladi maqolada.

⚡️ t.me/farhetk_admin

🇺🇿🤝🇰🇷 Prezident Shavkat Mirziyoyev va rafiqasi Seuldagi Milliy yodgorlik majmuasida gulchambar qoʻydilar.
 
⚡️ t.me/farhetk_admin

🇺🇿🤝🇰🇷 Seuldagi “Chong Va De” saroyida Prezidentimizni rasmiy kutib olish marosimi boʻlib oʻtdi.
 
⚡️ t.me/farhetk_admin

#tezkor
#15_09_2026

HUDUDLARDA TA'MIRLASH ISHLARI OLIB BORILADI

📌 BAG‘DOD HAMDA RISHTON TUMANLARI

Bugun, soat 09:00dan 12:00ga qadar Bag‘dod hamda Rishton tumanlarining ayrim hududlarini elektr energiyasi bilan ta'minlovchi "Samandarak" podstansida joriy taʼmirlash ishlari bajariladi;

📌 DANG‘ARA TUMANI

Bugun, 13:00dan 17:00ga qadar Dang‘ara tumanining ayrim hududlarini elektr energiyasi bilan ta'minlovchi "Yangiyo‘l" podstansiyasida taʼmirlash ishlari bajariladi;

📌 O‘ZBEKISTON TUMANI

Bugun, 09:00dan 17:00ga qadar O‘zbekiston tumanining ayrim hududlarini elektr energiyasi bilan ta'minlovchi "Xotamtoy" podstansiyasida taʼmirlash ishlari bajariladi;

📌 QUVA TUMANI

Bugun, 09:00dan 17:00ga qadar Quva tumanining ayrim hududlarini elektr energiyasi bilan ta'minlovchi "Akbarobod" podstansiyasida joriy taʼmirlash ishlari bajariladi;

📌 SO‘X TUMANI

Bugun, 09:00dan 17:00ga qadar So‘x tumanining ayrim hududlarini elektr energiyasi bilan ta'minlovchi "So‘x" podstansiyasida joriy taʼmirlash ishlari bajariladi;

Yuqoridagi hududlarda olib boriladigan ta’mirlash ishlari jarayonining yuqorida belgilangan vaqtlarida elektr ta'minotida uzilishlar kuzatiladi.

Ta'mirlash vaqti elektr ta'minotidagi uzilishlar uchun uzr so'raymiz!

"Farg‘ona HETK" AJ
matbuot xizmati.