“ZAKOVAT” — BU TAFAKKUR, TOPQIRLIK VA JAMOAVIYLIK SINOVI!

Bugun, “Farg‘ona hududiy elektr tarmoqlari korxonasi” AJ ishchi xodimlari o‘rtasida “Zakovat” intellektual o‘yini ko‘tarinki ruhda va qizg‘in bahslar ostida o‘tkazildi.

Tadbir davomida 20 ta jamoa tarkibida 120 nafardan ortiq xodim o‘zaro bilim va zukkolik borasida bellashdi.

Bu safar maydonda kuchlanish, transformator quvvati, elektr tarmog‘ining uzunligi emas, balki asosiy “qurol” — bilim, mantiq, xotira, tezkor fikrlash va jamoaviylik bo‘ldi.

Savollar yangragan sayin zalda hayajon kuchaydi. Bir qarashda oddiydek tuyulgan savollar ayrim jamoalarni chuqur mushohadaga chorlagan bo‘lsa, topqirlik talab etgan savollarda esa soniyalar ichida to‘g‘ri javobni topish muhim bo‘ldi.

“Zakovat”ning o‘ziga xosligi ham shunda — bu o‘yinda bitta bilimning o‘zi yetarli emas. G‘alaba uchun jamoaviy fikr, bir-birini tinglash, to‘g‘ri xulosa chiqarish va eng qisqa fursatda aniq qaror qabul qilish kerak.

Bellashuv davomida jamoalar bor bilim va salohiyatini ishga soldi. Har bir ochko uchun kurash, har bir to‘g‘ri javobdan keyingi quvonch va so‘nggi natijalarni kutish jarayoni tadbirga o‘zgacha ruh bag‘ishladi.

Eng muhimi, “Zakovat” xodimlarning kundalik mehnat jarayonidan tashqari ularning intellektual salohiyati, dunyoqarashi va jamoaviy ishlash qobiliyatini namoyon etish uchun ajoyib maydon bo‘ldi.

⚡️ t.me/farhetk_admin

KORRUPSIYA, GIYOHVANDLIK VA XIZMAT INTIZOMIGA OID MASALALAR MUHOKAMA QILINDI

Marg‘ilon shahar elektr ta’minoti korxonasida korrupsiyaning oldini olish, giyohvandlik vositalari va psixotrop moddalar tarqalishiga qarshi kurashish, ijro intizomini mustahkamlash hamda xodimlarning xizmat vazifalariga mas’uliyat bilan yondashishini ta’minlashga bag‘ishlangan profilaktik yig‘ilish o‘tkazildi.

Tadbirda tegishli mutasaddi tashkilotlar vakillari ishtirok etib, jamoada qonuniylik, huquqiy madaniyat va sog‘lom turmush tarzini qaror toptirish masalalariga alohida e’tibor qaratildi.

Yig‘ilish davomida korrupsiyaning har qanday ko‘rinishiga nisbatan murosasiz munosabatda bo‘lish, xizmat faoliyatida shaffoflik va halollik tamoyillariga qat’iy amal qilish, ijro intizomini mustahkamlash hamda belgilangan vazifalarni o‘z vaqtida va sifatli bajarish zarurligi ta’kidlandi.

Shuningdek, giyohvandlikning inson salomatligi, oila farovonligi va jamiyat barqarorligiga jiddiy tahdid solishi haqida tushuntirishlar berildi. Xodimlar o‘rtasida giyohvandlikning oldini olish, uning salbiy oqibatlari va bunday illatga qarshi kurashishda har bir fuqaroning mas’uliyati haqida fikr almashildi.

Mutasaddilar tomonidan xodimlarni turli salbiy illatlardan asrash, xizmat vazifalarini bajarishda hushyorlik va mas’uliyatni oshirish, korrupsiyaviy xavflarning oldini olish hamda jamoada sog‘lom ma’naviy-ruhiy muhitni mustahkamlash bo‘yicha tavsiyalar berildi.

⚡️ t.me/farhetk_admin