ELEKTR TARMOQLARI YANGILANMOQDA: SŎXDA REKONSTRUKSIYA ISHLARI IZCHIL DAVOM ETMOQDA

O‘zbekiston Respublikasi Prezidentining 2026-yil 8-iyuldagi PQ–258-son qarori ijrosini ta’minlash doirasida Sŏx tumanida elektr ta’minoti infratuzilmasini modernizatsiya qilish, mavjud tarmoqlarning texnik holatini yaxshilash va ularning ishonchliligini oshirishga qaratilgan amaliy ishlar izchil olib borilmoqda.

Belgilangan vazifalar ijrosi doirasida Farg‘ona viloyatidan Sŏx tumaniga yangi temir-beton tayanch olib kelinib, elektr tarmoqlarini rekonstruksiya qilish rejalashtirilgan hududlarga yetkazildi.

Ayni paytda Chashma va Oftobro‘ mahallalarida elektr tarmoqlarini yangilash bo‘yicha qurilish-montaj ishlari olib borilmoqda. Xususan, yangi temir-beton tayanchlarni o‘rnatish, mavjud tarmoq infratuzilmasini rekonstruksiya qilish hamda elektr ta’minoti tizimining texnik barqarorligini oshirishga qaratilgan ishlar bosqichma-bosqich amalga oshirilmoqda.

Mazkur loyihaning muhim jihati — hududdagi mavjud elektr tarmoqlarining texnik imkoniyatlarini yaxshilash bilan birga, aholi xonadonlariga elektr energiyasini yanada barqaror va sifatli yetkazib berish, tarmoqdagi texnik nosozliklar xavfini kamaytirish hamda elektr ta’minoti ishonchliligini oshirishga xizmat qilishidir.

Ish jarayonlari mutaxassislar tomonidan belgilangan texnik talablar va loyiha yechimlari asosida tashkil etilib, rekonstruksiya ishlari tasdiqlangan reja-grafik asosida davom ettirilmoqda.

⚡️ t.me/farhetk_admin

MAS’ULIYAT, HALOLLIK VA INTIZOM — MUHIM TAMOYIL

“Farg‘ona hududiy elektr tarmoqlari korxonasi” AJ tizimidagi korxonalarda xodimlarning xizmat madaniyatini yuksaltirish, huquqiy savodxonligini oshirish, halollik va qonuniylik tamoyillariga qat’iy rioya etishini ta’minlashga qaratilgan targ‘ibot-tashviqot ishlari izchil davom ettirilmoqda.

Shu doiradagi navbatdagi targ‘ibot yig‘ilishi Quvasoy shahar elektr ta’minoti korxonasida o‘tkazildi.

Unda Quvasoy shahar prokuraturasining mas’ul xodimi ishtirok etib, xodimlarga xizmat vazifalarini vijdonan va mas’uliyat bilan bajarish, qonun talablariga qat’iy rioya qilish, korrupsiyaning har qanday ko‘rinishiga murosasiz munosabatda bo‘lish, fuqarolar murojaatlariga e’tiborli yondashish hamda xizmat intizomiga amal qilish yuzasidan tushuntirishlar berdi.

Shuningdek, tadbir davomida giyohvandlik vositalari va psixotrop moddalar bilan bog‘liq noqonuniy holatlarning oldini olish, yoshlar va xodimlar o‘rtasida sog‘lom turmush tarzini targ‘ib qilish, giyohvandlikning inson salomatligi, oilasi va jamiyat hayotiga salbiy ta’siri haqida ham fikr-mulohazalar bildirildi.

Xodimlarga bunday illatlarning oldini olishda hushyorlikni oshirish, shubhali holatlarga befarq bo‘lmaslik va qonunbuzarliklarning barvaqt oldini olish muhim ekani ta’kidlandi.

Yig‘ilishda, shuningdek, jamoatchilik bilan muloqotda odob-axloq me’yorlariga rioya qilish, xizmat madaniyatini yuksaltirish va har bir topshiriqqa mas’uliyat bilan yondashish zarurligi qayd etildi.

⚡️ t.me/farhetk_admin

📌📌📌📌📌📌

HALOLLIK VA QONUNIYLIK — HAR BIR XODIMNING MAS’ULIYATI

Korrupsiyaga qarshi kurashish, avvalo, huquqbuzarlik sodir etilgandan keyin choralar ko‘rish emas, balki unga olib kelishi mumkin bo‘lgan sabab va shart-sharoitlarni barvaqt aniqlash, oldini olish hamda har bir xodimda qonuniylik va halollik mas’uliyatini mustahkamlashdan boshlanadi.

Shu maqsadda “Farg‘ona hududiy elektr tarmoqlari korxonasi” AJ Qo‘qon shahar elektr ta’minoti korxonasida Farg‘ona viloyatidagi barcha tuman va shahar elektr ta’minoti korxonalari xodimlari ishtirokida korrupsiyaga qarshi kurashish bo‘yicha targ‘ibot-tushuntirish tadbiri o‘tkazildi.

Unda “Hududiy elektr tarmoqlari” AJ Korrupsiyaga qarshi kurashish va komplayens nazorat xizmati rahbari, “Farg‘ona HETK” AJ rahbariyati, Qo‘qon shahar prokuraturasi vakillari hamda elektr ta’minoti korxonalari xodimlari ishtirok etdi.

Tadbir davomida korrupsiyaviy xavf-xatarlarni barvaqt aniqlash va bartaraf etish, manfaatlar to‘qnashuviga yo‘l qo‘ymaslik, xizmat vakolatlaridan qonuniy va vijdonan foydalanish, poraxo‘rlikning huquqiy oqibatlari hamda korrupsiyaning oldini olishda har bir xodimning shaxsiy mas’uliyati yuzasidan tushuntirishlar berildi.

Ochiq muloqot davomida xodimlarga xizmat faoliyatida qonuniylik, xolislik va halollik tamoyillariga qat’iy amal qilish, korrupsiyaviy holatlarga befarq bo‘lmaslik va mavjud xavflarni o‘z vaqtida bartaraf etish muhimligi ta’kidlandi.

Korrupsiyaga qarshi kurashish — faqat nazorat yoki javobgarlik chorasi emas. Bu, eng avvalo, har bir xodimning kundalik faoliyatida halollikni tanlashi, o‘z vakolatiga mas’uliyat bilan yondashishi va qonun talablariga qat’iy amal qilishi bilan bog‘liq.

Zero, halollik — talab qilinadigan fazilat emas, xizmat faoliyatining kundalik mezoniga aylanishi kerak.

Ana shundagina korrupsiyaga qarshi kurashishning eng muhim natijasi — huquqbuzarlik sodir bo‘lgandan keyin unga javob berish emas, balki uning oldini olishga erishiladi.

⚡️ t.me/farhetk_admin