FARG‘ONA TUMANIDA ELEKTR TA’MINOTI BARQARORLIGINI OSHIRISHGA QARATILGAN ISHLAR

Farg‘ona tumani “Afrasiyob” mahalla fuqarolar yig'ini hududida elektr ta’minotining ishonchliligini oshirish hamda mavjud tarmoqlardagi yuklamani kamaytirishga qaratilgan amaliy ishlar olib borilmoqda.

Xususan, mahalla hududidagi 268-sonli transformator punktiga tushayotgan yuklamani yengillashtirish maqsadida yangi KTP (komplekt transformator punkti) o‘rnatildi. Mazkur KTPni elektr energiyasi bilan ta’minlash uchun 6 kVli yangi elektr tarmog‘ini tortish ishlari amalga oshiriladi.

Mazkur loyiha natijasida elektr tarmog‘idagi yuklamalarni maqbullashtirish, iste’molchilarni barqaror elektr energiyasi bilan ta’minlash hamda tarmoqning texnik imkoniyatlarini oshirish ko‘zda tutilgan.

Asosiy maqsad — yuklamani to‘g‘ri taqsimlash, tarmoq barqarorligini oshirish va iste’molchilar uchun ishonchli elektr ta’minotini ta’minlash.

⚡️ t.me/farhetk_admin

📌📌📌📌📌📌

Prezident Shavkat Mirziyoyev “Yashil makon” umummilliy loyihasini yangi bosqichga olib chiqish, mahallalarda aholi uchun qulay ekologik muhit yaratish yuzasidan taqdimot bilan tanishdi.

⚡️ t.me/farhetk_admin

♟G‘ALABAAAAAAAAAAA!!!!

🇺🇿O‘zbekiston terma jamoasi 🇮🇳Hindiston ustidan g‘alaba qozondi va Shaxmat olimpiadasida yakkapeshqadam bo‘lib oldi!

Nodirbek Abdusattorov, Javohir Sindarov hamda Shamsiddin Vohidov durang o‘z partiyalarida o‘ynadi.

Barchasi Nodirbek Yakubbayev hamda Nihol Sarin o‘rtasidagi jangda hal bo‘ldi. Qiyin vaziyatda qolgan Nodirbek raqibiga tuzoq qo‘ydi va g‘alabani ilib ketdi! Nodirbek — qahramon!!!

⚡️ t.me/farhetk_admin

Bugun Nyu-Yorkda Birlashgan Millatlar Tashkiloti Bosh Assambleyasining 81-sessiyasi o‘z ishini boshladi. Sessiya doirasida tashkilot Bosh kotibi Antoniu Guterrish bilan uchrashdik.

O‘zbekiston va BMT birgalikda rivojlantirib kelayotgan barcha muhim hamkorlik yo‘nalishlarini muhokama qildik.

Xalqaro munosabatlar tizimi uchun murakkab bo‘lgan hozirgi davrda global miqyosda yetakchilik salohiyatini namoyon etayotgani hamda xavfsizlikning barcha asosiy jabhalarida mamlakatimizni qo‘llab-quvvatlayotgani uchun janob Guterrishga samimiy minnatdorlik bildiraman.

⚡️ t.me/farhetk_admin

➡️ KUZ-QISH MAVSUMIGA PUXTA TAYYORGARLIK: “ULUG‘BEK” MAHALLASIDA YANGI TRANSFORMATOR PUNKTI O‘RNATILDI

Farg‘ona tumani “Ulug‘bek” mahalla fuqarolar yig‘ini hududida aholi iste’molchilarini ishonchli va barqaror elektr energiyasi bilan ta’minlash, ayniqsa, kuz-qish mavsumida yuzaga kelishi mumkin bo‘lgan yuklamalarning oldini olish maqsadida muhim amaliy ishlar amalga oshirildi.

Hududdagi mavjud elektr tarmoqlarining texnik holati va iste’molchilarning elektr energiyasiga bo‘lgan ehtiyoji o‘rganilib, tarmoq quvvatini oshirish zarurati asosida yangi transformator punkti o‘rnatildi.

Mazkur ishlar natijasida hududdagi elektr ta’minoti tizimining barqarorligi oshirilib, iste’molchilarga sifatli elektr energiyasi yetkazib berish imkoniyatlari kengaytirildi.

Yangi transformator punkti, avvalo, kuz-qish mavsumida elektr yuklamalarining ortishi sharoitida tarmoqning ishonchli ishlashini ta’minlashga xizmat qiladi.

Ayni kunlarda Farg‘ona tumanida kuz-qish mavsumini betalafot o‘tkazish, elektr tarmoqlari va transformator punktlarini mavsumiy yuklamalarga tayyor holatga keltirish, aniqlangan kamchiliklarni bartaraf etish hamda aholi uchun elektr ta’minoti ishonchliligini oshirishga qaratilgan ishlar izchil davom ettirilmoqda.

Maqsad — har bir xonadon va ijtimoiy obyektni barqaror elektr energiyasi bilan ta’minlashdir.

⚡️ t.me/farhetk_admin

FAVQULODDA VAZIYATLARDA TEZKOR HARAKATLANISH KO‘NIKMALARI MUSTAHKAMLANDI

“Farg‘ona hududiy elektr tarmoqlari korxonasi” AJ tizimida xodimlarning favqulodda vaziyatlarda to‘g‘ri va tezkor harakatlanish ko‘nikmalarini mustahkamlash, mehnat xavfsizligi talablariga qat’iy rioya etish hamda yuzaga kelishi mumkin bo‘lgan xavfli holatlarning oldini olishga alohida e’tibor qaratilmoqda.

Shu maqsadda Farg‘ona viloyati Favqulodda vaziyatlar boshqarmasi bilan hamkorlikda Oltiariq tuman elektr ta’minoti korxonasida favqulodda vaziyatlarda harakatlanish bo‘yicha amaliy o‘quv mashg‘uloti o‘tkazildi.

Mashg‘ulot davomida xodimlarga favqulodda holat yuzaga kelganda vaziyatni to‘g‘ri baholash, tezkor choralar ko‘rish, xavfsizlik talablariga rioya qilish, yong‘in sodir bo‘lgan taqdirda dastlabki yong‘in o‘chirish vositalaridan to‘g‘ri foydalanish hamda jabrlanganlarga birinchi tibbiy yordam ko‘rsatish bo‘yicha amaliy ko‘nikmalar berildi.

Nazariy bilimlar bilan bir qatorda, amaliy mashqlar orqali xodimlarning favqulodda vaziyatlarda o‘zini tutishi, o‘zaro hamkorlikda harakat qilishi va tezkor brigadalar tarkibida belgilangan vazifalarni aniq bajarish qobiliyatlari sinovdan o‘tkazildi.

Shuningdek, tezkor brigadalarning maxsus himoya vositalari, yong‘inga qarshi jihozlari va boshqa zarur anjomlari ko‘rikdan o‘tkazilib, ularning sozligi hamda favqulodda vaziyatlarda foydalanishga shay holati baholandi.

Bunday amaliy mashg‘ulotlar xodimlarning favqulodda vaziyatlarga tayyorgarligini oshirish, yuzaga kelishi mumkin bo‘lgan xavflarning oldini olish va eng muhimi, inson hayoti hamda sog‘lig‘i xavfsizligini ta’minlashda muhim ahamiyat kasb etadi.

Xavfsizlik — faqat qoida emas, balki har bir xodimning kundalik mas’uliyatidir.

⚡️ t.me/farhetk_admin