👍 O‘zbekiston uchun yangi investisiya eshiklari ochilmoqda

O‘zbekiston Respublikasi Prezidenti Administratsiyasi rahbari Saida Mirziyoyeva AQSHga tashrifi doirasida AQSH Xalqaro moliyaviy taraqqiyot korporatsiyasi (DFC) bosh direktori Ben Blek bilan uchrashdi.

❗️Ma’lumot uchun: DFC – AQSH hukumatining xalqaro investisiya instituti bo‘lib, xususiy kapitalni jalb etish, infratuzilma, energetika, texnologiya, sog‘liqni saqlash va boshqa strategik sohalarda investisiyalarni qo‘llab-quvvatlaydi.

Muloqot davomida transport va sog‘liqni saqlash sohalarida amalga oshirilishi boshlangan yirik qo‘shma loyihalarni muhokama qildik.

O‘zbekiston DFC bilan hamkorlikni bundan keyin ham kengaytirib borishga tayyor,- deydi Saida Mirziyoyeva.

⚡️ t.me/farhetk_admin

BARQAROR ELEKTR TA'MINOTI — HUDUDLAR TARAQQIYOTINING ASOSI

Hududlarda aholi turmush sharoitini yaxshilash, tadbirkorlikni rivojlantirish va muhandislik-kommunikatsiya infratuzilmasini mustahkamlash borasida izchil ishlar amalga oshirilmoqda.

Xususan, Prezidentimizning 2025-yil 8-oktabrdagi PQ–298-son qarori ijrosi doirasida elektr ta’minoti imkoniyatlarini kengaytirishga qaratilgan qator loyihalar hayotga tatbiq etilmoqda.

Shu maqsadda Yozyovon tumanidagi “Markaziy Farg‘ona suv ombori” atrofi hududida ekoturizm maskanini zarur infratuzilma bilan ta’minlash, xususan, elektr ta’minotini yaxshilash bo‘yicha qurilish-montaj ishlari jadal olib borilmoqda.

Loyiha doirasida 17 kilometr yangi elektr tarmog‘i tortilib, qariyb 300 dona temir-beton tayanch hamda 3 dona turli quvvatdagi transformator punkti o‘rnatiladi.

Mazkur infratuzilmaning barpo etilishi hududdagi yangi ekoturizm obyektlarining barqaror faoliyat yuritishi, xizmat ko‘rsatish sohasini rivojlantirish va tadbirkorlik uchun qo‘shimcha imkoniyatlar yaratishga xizmat qiladi.

Barqaror elektr — yangi imkoniyatlar, rivojlanayotgan hudud va farovon hayot garovidir.

Ayni vaqtda qurilish ishlari jadallik bilan davom etmoqda.

⚡️ t.me/farhetk_admin

O‘zbekiston Respublikasi Prezidenti Administratsiyasi rahbari Saida Mirziyoyeva Google vitse-prezidenti Karan Bhatiya bilan uchrashuvda O‘zbekistonda YouTube monetizatsiyasini ishga tushirish masalasini muhokama qildi.

⚡️ t.me/farhetk_admin

MAVSUMGA HOZIRDAN HOZIRLIK!
KO‘P QAVATLI UYLARDA ELEKTR TAQSIMLOVCHI QURILMALAR TA’MIRLANMOQDA

Kuz-qish mavsumida iste’molchilarni barqaror va ishonchli elektr energiyasi bilan ta’minlash maqsadida Farg‘ona shahrida amaliy ishlar izchil davom ettirilmoqda.

Xususan, Qirguli mavzesi Qo‘qon ko‘chasidagi 64-sonli ko‘p qavatli uyda joylashgan elektr taqsimlovchi qurilmalarda Qirguli elektr ta’minoti korxonasi mutaxassislari tomonidan ta’mirlash va texnik sozlash ishlari olib borilmoqda.

Ishlar davomida elektr taqsimlovchi qurilmalar texnik ko‘rikdan o‘tkazilib, eskirgan va talabga javob bermaydigan qismlar yangilanmoqda. Shuningdek, elektr energiyasi hisoblagichlarini markazlashgan joyga olib chiqish ishlari ham amalga oshirilmoqda.

Mazkur ishlar kuz-qish mavsumida elektr tarmoqlarida yuzaga kelishi mumkin bo‘lgan nosozliklarning oldini olish, avariya xavfini kamaytirish hamda ko‘p qavatli uylardagi iste’molchilar uchun yanada ishonchli elektr ta’minotini yaratishga xizmat qiladi.

Maqsad — kuz-qish mavsumini barqaror elektr ta’minoti bilan qarshi olish va iste’molchilar xotirjamligini ta’minlash.

⚡️ t.me/farhetk_admin