#rasmiy_munosabat

Ijtimoiy tarmoqlar orqali Oltiariq tumani “Yangichek” mahalla fuqarolar yig‘inidan elektr ta’minotiga oid kelib tushgan murojaat asosida ayni vaqtga qadar hududga kerakli yangi temir-beton tayanchlari o’rnatildi.

Belgilangan tartibda tez orada tarmoq tortish uchun amaliy ishlar boshlanadi.
 
Bundan tashqari, Qo’shtepa tumani “Shakar”mahalla fuqarola yig’ini hududidan elektr tarmoqlarini yangilash bo’yicha kelib tushgan murojaatga asosan quyidagilarni ma’lum qilamiz.

Mazkur mahalla hududida tegishli qarorga muvofiq jahon banki mablag’lari hisobidan elektr tarmoqlarini yangilash ishlari loyiha asosid bajarilgan va mazkur ko’chaga yangi tayanchlar o’rnatilgan lekin tarmoq kabel tarmog’i uchun sa ajratilgan mablag’ yetmagan.

Mazkur amaliy ishlarni yakuniga etkazish uchun Qo’shtepa tuman elektr ta’minoti korxonasi tomondan kelgusidagi qaror, loyihalari asosida bajarilishi rejalashtirilgan.
 
Bundan tashqari Quva tumani “Paxtakor” mahalla fuqarolar yig’ini hududidan elektr uzatish tarmog’iga yetib qolgan daraxt shoxlari masalasi yo’llangan murojaat tegishlili bo’yicha mutaxassislarga yetkazildi va tez orada mazkur murojaat o’zining ijobiy yechimini topadi.
 
⚡️ t.me/farhetk_admin

✅ YOZYOVONDA TADBIRKORLIK UCHUN YANGI ENERGIYA IMKONIYATLARI YARATILMOQDA

O‘zbekiston Respublikasi Prezidentining 2025-yil 8-oktabrdagi “Alohida tuman (shahar) va mahallalarni aholining yashashi va tadbirkorlik faoliyati bilan shug‘ullanishi uchun namunali hududga aylantirish chora-tadbirlari to‘g‘risida”gi PQ-298-son qarori ijrosi doirasida Yozyovon tumanida hududni kompleks rivojlantirish va tadbirkorlik uchun zarur infratuzilmani shakllantirishga qaratilgan ishlar izchil davom ettirilmoqda.

Xususan, tumanning “Ijodkor” va “Qoratepa” mahallalari hududida 52 gektar maydonda tashkil etilayotgan maxsus sanoat zonasini zarur muhandislik-kommunikatsiya infratuzilmasi bilan ta’minlash bo‘yicha amaliy ishlar olib borilmoqda.

Ayni jarayonda sanoat zonasini elektr energiyasi bilan ta’minlash uchun yangi elektr tarmoqlarini tortish va tayanch ustunlarini o‘rnatish ishlari bajarilmoqda.

Mazkur ishlar yakunlangach, hududda yangi ishlab chiqarish obyektlarini elektr energiyasi bilan ta’minlash imkoniyati kengayib, tadbirkorlik subyektlari uchun zarur infratuzilma yanada mustahkamlanadi.

Hududda amalga oshirilayotgan bunday bunyodkorlik va infratuzilmaviy loyihalar aholi farovonligini oshirish, tadbirkorlik muhitini yaxshilash hamda yangi ishlab chiqarish quvvatlarini yaratishga xizmat qiladi.
 
⚡️ t.me/farhetk_admin

ELEKTR TA’MINOTI BARQARORLIGI MUSTAHKAMLANMOQDA

Aholi va tadbirkorlik subyektlarini ishonchli, sifatli va barqaror elektr energiyasi bilan ta’minlash — hududlarni ijtimoiy-iqtisodiy rivojlantirishning muhim shartlaridan biridir.

Shu maqsadda Prezidentimizning 2026-yil 5-fevraldagi “Mahalliy budjet mablag‘lari hisobidan amalga oshiriladigan ayrim loyihalarni moliyalashtirishni takomillashtirish chora-tadbirlari to‘g‘risida”gi PQ-49-son qarori ijrosi doirasida Farg‘ona shahrida ham salmoqli amaliy ishlar amalga oshirilmoqda.

Jumladan, Nafosat mahalla fuqaolar yig’ini hududidagi elektr ta’minotida yuklamasi yuqori bo‘lgan 247-sonli hamda 201-sonli transformator punktlarining yuklamasini kamaytirish, tarmoqlarning ishonchliligini oshirish maqsadida hududga uzunligi 4,5 kilometr bo’lgan 6 kVli hamda umumiy uzunligi 7,8 kilometr bo’lgan 0,4 kVli yangi elektr uzatish tarmoqlari tortildi.

Shuningdek, hududda elektr energiyasini barqaror taqsimlash imkoniyatini kengaytiruvchi 250 kVA va 400 kVA quvvatga ega 2 ta yangi transformator punkti o‘rnatildi.

Amalga oshirilgan ishlarning samarasi bevosita iste’molchilarda namoyon bo‘lmoqda. Natijada 980 ta aholi iste’molchisi hamda 19 ta xo‘jalik yurituvchi subyektning elektr ta’minoti yaxshilandi.

Bu kabi loyihalar elektr tarmoqlaridagi mavjud yuklamani kamaytirish, ta’minotdagi barqarorlikni mustahkamlash va iste’molchilarga ko‘rsatilayotgan xizmatlar sifatini oshirishga xizmat qilmoqda.

Prezident qarorlari ijrosi — amaliy natijalar, barqaror elektr ta’minoti va xalq farovonligiga xizmat qiladigan bunyodkorlik ishlarida o‘z ifodasini topmoqda.
 
⚡️ t.me/farhetk_admin