MARG‘ILONDA ELEKTR TA’MINOTI YAXSHILANMOQDA

Marg‘ilon shahridagi “Turon”, “Istiqlol”, “Mustaqillik”, “Navbahor”, “Navro‘z” va “Yangiobod” mahallalari hududidagi axoli hamda 280 ga yaqin tadbirkorlik subyektlarini elektr ta’minotini yaxshilashga qaratilgan amaliy ishlar olib borilmoqda.

Mazkur ishlar O‘zbekiston Respublikasi Prezidentining 2025-yil 8-oktabrdagi “Alohida tuman (shahar) va mahallalarni aholining yashashi va tadbirkorlik faoliyati bilan shug‘ullanishi uchun namunali hududga aylantirish chora-tadbirlari to‘g‘risida”gi PQ-298-son qarori ijrosi doirasida amalga oshirilmoqda.

Loyiha doirasida 10 kilometr uzunlikdagi 6 kV kuchlanishli yangi elektr uzatish kabel tarmoqlarini tortish ishlari bajarilmoqda.

Yangi elektr tarmoqlarining barpo etilishi hududdagi tadbirkorlik subyektlarini ishonchli va barqaror elektr energiyasi bilan ta’minlash, mavjud tarmoqlardagi yuklamani kamaytirish hamda elektr ta’minoti sifatini yaxshilashga xizmat qiladi.

Ayni paytda qurilish-montaj ishlari belgilangan loyiha asosida davom ettirilmoqda.

⚡️ t.me/farhetk_admin

➡️ KO‘P QAVATLI UYLARNING ELEKTR TA’MINOTI YAXSHILANMOQDA

Farg‘ona shahrining Qirguli mavzesi, Nizomiy ko‘chasi 1A-sonli ko‘p qavatli uyda elektr ta’minoti barqarorligini oshirishga qaratilgan keng ko‘lamli ishlar olib borilmoqda.

Ayni paytda hududdagi 117-sonli transformator punktidan mazkur ko‘p qavatli uyga qadar bo‘lgan 0,4 kV kabel tarmog‘ini to‘liq yangilash ishlari amalga oshirilmoqda.

Ishlar davomida elektr energiyasini yetkazib beruvchi oraliq kabel tarmog‘i zamonaviy talablarga mos ravishda yangilanib, elektr ta’minotining ishonchliligini oshirishga alohida e’tibor qaratilmoqda.

Mazkur yangilanishlar, avvalo, ko‘p qavatli uyda istiqomat qiluvchi aholi uchun barqaror va sifatli elektr ta’minotini ta’minlash, tarmoqdagi mavjud yuklamalarni kamaytirish hamda kelgusida yuzaga kelishi mumkin bo‘lgan nosozliklarning oldini olishga xizmat qiladi.

Kuz-qish mavsumiga tayyorgarlik doirasida elektr tarmoqlarini yangilash va mavjud quvvatlarni mustahkamlash ishlari bosqichma-bosqich davom ettirilmoqda.

⚡️ t.me/farhetk_admin

MUHIM NUQTA YANGILANDI

Farg‘ona tumanining qator hududlarini elektr energiyasi bilan ta’minlab kelayotgan “Vodil” podstansiyasidan chiquvchi 10 kVli elektr uzatish tarmoqlarining boshlanish qismlarida muhim yangilash ishlari amalga oshirildi.

Tarmoqning boshlanish qismidagi kabellar to‘liq yangilandi.

Bu elektr energiyasini uzoq masofaga uzatadigan tarmoqning eng muhim bo‘g‘inlaridan birini mustahkamlash demakdir. Ayniqsa, kuz-qish mavsumida elektr energiyasiga bo‘lgan talab ortishi, tarmoqlarga tushadigan yuklamaning ko‘payishi hisobga olinib, mavsumni betalofat va barqaror o‘tkazish uchun zarur choralar oldindan ko‘rilmoqda.

Yangilangan kabellar orqali tarmoqning ishonchliligi oshiriladi, ehtimoliy nosozliklarning oldini olish va iste’molchilarga elektr energiyasini barqaror yetkazib berish imkoniyatlari kengayadi.

Bugun bajarilgan bu ish — ertangi kunning barqaror elektr ta’minoti uchun mustahkam zamin.

Kuz-qish mavsumiga tayyorgarlik — faqat muammo yuzaga kelganda emas, muammoning oldini olishdan boshlanadi.

⚡️ t.me/farhetk_admin

✍️ QO‘SHTEPADA ELEKTR TARMOQLARI MAVSUMGA TAYYORLANMOQDA

Qo‘shtepa tumanida kuz-qish mavsumini barqaror va betalofat o‘tkazish maqsadida elektr tarmoqlarida mavsum oldi ta’mirlash ishlari izchil davom ettirilmoqda.

Amalga oshirilgan ishlar doirasida tumandagi 10 kVli “Loyson” hamda “Pissoq” elektr uzatish tarmoqlari mukammal ta’mirdan chiqarildi.

Ta’mirlash jarayonida elektr uzatish tarmoqlarining texnik holati yaxshilanib, ularning ishonchli ishlashi uchun zarur choralar ko‘rildi.

Mazkur ishlarning asosiy maqsadi — elektr tarmoqlarining kuz-qish mavsumidagi yuklamalarga tayyorgarligini kuchaytirish, yuzaga kelishi mumkin bo‘lgan nosozliklarning oldini olish va iste’molchilarni barqaror elektr energiyasi bilan ta’minlash.

Mavsum oldidan amalga oshirilayotgan bunday ta’mirlash ishlari kelgusi davrda elektr ta’minotining ishonchliligini oshirishga xizmat qiladi.

⚡️ t.me/farhetk_admin

➡️ Prezident Shavkat Mirziyoyev shaxmat va parashaxmat bo‘yicha O‘zbekiston terma jamoalari a’zolari hamda ularning yaqinlari bilan uchrashuv o‘tkazmoqda.
 
➡️ Prezidentimiz o‘zi ham hal qiluvchi partiyalarni katta qiziqish bilan ko‘rganini aytdi.
 
➡️ Prezidentimiz Javohir Sindorovga murojaat qilib, bir necha oy avval uning Nomzodlar turniridagi tarixiy g‘alabasi nishonlanganini esladi. Olimpiadada Javohir yana sovuqqonlik va barqarorlik ko‘rsatdi, kuchli raqiblar oldida ortga chekinmadi.
 
➡️ Prezidentimiz O‘zbekiston Olimpiadada erkaklar va ayollar o‘rtasida jami oltita terma jamoa bilan qatnashganiga e’tibor qaratdi. Barcha tarkiblarning natijalari va o‘yin uslubi jahon shaxmat olamining qiziqishini uyg‘otdi.
 
➡️ Davlatimiz rahbari ayollar terma jamoalarimiz ham Olimpiadada katta iroda va matonat ko‘rsatganini ta’kidladi. Birinchi jamoa 11 turning yettitasida g‘alaba qozonib, dunyoning kuchli shaxmat mamlakatlari vakillari bilan tengma-teng kurashdi.
 
⚡️ t.me/farhetk_admin