📌📌📌📌📌📌

Oʻzbekiston oʻqituvchi va murabbiylariga tabrik

Muhtaram ustoz va murabbiylar!

Avvalo, oʻz hayotini dunyodagi eng ulugʻ va sharafli ishga – yosh avlod tarbiyasiga bagʻishlab kelayotgan sizdek moʻtabar zotlarni, yurtimizdagi barcha pedagog xodimlarni 1-oktabr – Oʻqituvchi va murabbiylar kuni bilan chin yurakdan muborakbod etaman.

⚡️ t.me/farhetk_admin

Prezident Shavkat Mirziyoyev:

"O‘qituvchining qadri ulug‘langan yurtda ilmga intilish, qonunga hurmat, mehnatga munosabat va Vatanga sadoqat hamisha yuksak bo‘ladi. Chunki ustozni e’zozlash butun bir millat kelajagini e’zozlash demakdir".

⚡️ t.me/farhetk_admin

#tezkor

DEVAYRONNI TAʼMIRLASH ISHLARI YAKUNLANMOQDA

Ayni vaqtda So‘x tumanini elektr energiyasi bilan taʼminlovchi yuqori kuchlanishli "L-Devayron" elektr uzatish tarmog‘idagi taʼmirlash ishlari yakuniga yetkazilmoqda.

Taʼmirlash ishlari vaqtida elektr taʼminotidagi uzilish uchun uzr so‘raymiz!

⚡️ t.me/farhetk_admin

🚨🚨🚨🚨 DIQQAT! MUHIM OGOHLANTIRISH!

Firibgarlar fuqarolarga “mablag‘laringizni himoya qiluvchi dastur” niqobi ostida QORIQCHI.APK nomli zararli faylni ommaviy ravishda yubormoqda.

⚠️ Siz ham pulingizdan ayrilib qolishni istamasangiz, quyidagi qoidalarga qat’iy rioya qiling!

❌ Notanish shaxslar tomonidan yuborilgan .APK formatidagi fayllarni ASLO ochmang va o‘rnatmang!
❌ “Kartangizdagi mablag‘ni himoya qiladi”, “hisobingizni xavfsizlantiradi” kabi xabarlarga ishonmang.
⚠️ Bunday zararli dastur hisobingizni himoya qilmaydi. Aksincha, u bank kartangizdagi mablag‘larni yashirin ravishda yechib olishga imkon berishi mumkin.

✅ 🕹 Ilovalarni faqat rasmiy Google Play Market orqali yoki profilaktika inspektorlari tavsiyasiga muvofiq yuklab oling.

⚡️ t.me/farhetk_admin

#38_son

Hurmatli davlat xizmatchilari, siyosiy ma'rifat soatining navbatdagi sonini taqdim etmoqdamiz.

Unda siyosiy-ijtimoiy xabarlar, qonunchilikdagi yangiliklar, davlat xizmatchisining ma’naviy-ma’rifiy dunyoqarashini boyitishga xizmat qiladigan ma’lumotlar o‘rin olgan.

⚡️ t.me/farhetk_admin

#rasmiy_munosabat

ZAXIRA ELEKTR TARMOĞI VA MANBALARI MAVJUD

Ijtimoiy tarmoqlarda Marg‘ilon shahridagi markaziy shifoxonalardan birida elektr energiyasi uzilishi oqibatida bemorlarga tibbiy xizmat ko‘rsatishda qiyinchiliklar yuzaga kelayotgani haqida bildirilgan murojaat yuzasidan quyidagilarni ma’lum qilamiz.

Avvalo, Farg‘ona viloyatidagi ijtimoiy soha obyektlari, jumladan, tibbiyot muassasalarining elektr ta’minoti barqarorligini ta’minlash masalasiga alohida e’tibor qaratiladi.

Viloyatdagi shifoxonalarning elektr ta’minoti qo‘shimcha zaxira tarmoqlari orqali ta’minlangan bo‘lib, tibbiyot muassasalarida elektr ta’minotida uzilishlar yuzaga kelgan holatlarda foydalanish uchun dizel generator qurilmalari ham mavjud.

Shuningdek, kuz-qish mavsumi oldidan barcha ijtimoiy soha obyektlarining elektr ta’minoti holati mas’ul xodimlar ishtirokida o‘rganilib, mavjud zaxira manbalari, elektr qurilmalari va tarmoqlarning texnik holati bo‘yicha tegishli tushuntirish hamda profilaktik ishlar amalga oshirilgan.

Murojaatda tilga olingan tibbiyot muassasasida ham qo‘shimcha elektr ta’minoti tarmog‘i mavjud. O‘rganish davomida elektr ta’minotida yuzaga kelgan holat bo‘yicha muassasaning mas’ul xodimi tomonidan mavjud zaxira imkoniyatlarini o‘z vaqtida ishga tushirish va zarur tezkor choralarni ko‘rishda kamchilikka yo‘l qo‘yilgani aniqlandi. Bu esa, o‘z navbatida, muassasada vaqtinchalik noqulayliklar yuzaga kelishiga sabab bo‘lgan.

Shu o‘rinda ta’kidlash joizki, elektr energiyasi ta’minotida uzilish yuzaga kelgan taqdirda, ayniqsa, tibbiyot muassasalari kabi ijtimoiy ahamiyatga ega obyektlarda zaxira elektr manbalarini o‘z vaqtida ishga tushirish va elektr ta’minotini tiklash bo‘yicha mas’ul xodimlarning tezkor harakati muhim ahamiyat kasb etadi.

«Farg‘ona hududiy elektr tarmoqlari korxonasi» AJ tomonidan hududlarda iste’molchilar, xususan, ijtimoiy soha obyektlarini barqaror elektr energiyasi bilan ta’minlash, mavjud tarmoqlarni texnik jihatdan mustahkamlash va favqulodda holatlarning oldini olish borasida muntazam amaliy ishlar olib borilmoqda.

Shu bilan birga, ijtimoiy soha muassasalarida elektr ta’minoti uchun mas’ul xodimlardan mavjud zaxira manbalari va qurilmalarini doimo shay holatda saqlash, ularning ishlash qobiliyatini muntazam nazorat qilish hamda elektr ta’minotida uzilishlar yuzaga kelganda tezkor va mas’uliyatli harakat qilishlarini so‘raymiz.

Eng muhimi, aholiga, ayniqsa, tibbiyot muassasalarida davolanayotgan bemorlarga zarur sharoitlarni ta’minlash maqsadida elektr ta’minoti barqarorligi doimiy nazoratda bo‘ladi.

⚡️ t.me/farhetk_admin

💛💛💛💚💚💚

ELEKTR QURILMALARI SO‘ZLAGANDA…

🤔Xonadoningizdagi ajratgich (avtomat)lar qanday vazifa bajaradi?

🤔Ular o‘zi nima uchun kerak?

⚡️ t.me/farhetk_admin

Ogohlik, bu — sizning himoyangiz!

Telegram orqali kelgan «APK» fayllarini tasodifan bosib qo‘ygandingiz. Xo‘sh, endi nima qilish kerak.

⚡️ t.me/farhetk_admin

#rasmiy_munosabat

“ELEKTR TARMOĞI KO‘TARMAYDI” EMAS — YANGI UYLAR UCHUN ALOHIDA TRANSFORMATOR PUNKTI ZARUR

Ijtimoiy tarmoqlarda Farg‘ona shahri, «Al-Farg‘oniy» MFY hududida yashovchi Raximova Zumradxonning elektr tarmog‘iga qonuniy ulanish masalasidagi murojaati yuzasidan quyidagilarni ma’lum qilamiz.

Murojaatda go‘yoki mavjud elektr tarmoqlari yangi xonadonning elektr yuklamasini ko‘tara olmayotgani, shu sababli fuqaroning elektr tarmog‘iga qonuniy ulanish imkoniyati cheklanayotgani haqida fikr bildirilgan.

Masalaga oydinlik kiritadigan asosiy jihat shundaki, muammo mavjud tarmoqning “xalqning elektr sarfini ko‘tara olmasligi”da emas.

Farg‘ona shahar elektr ta’minoti korxonasi mutaxassislari tomonidan hudud o‘rganilganda, «Al-Farg‘oniy» MFY, «Yangi Bahor» ko‘chasida QURUVCHI TADBIRKOR tomonidan 9 ta ikki qavatli kottej uy qurilgani, har bir xonadonning o‘rtacha elektr iste’moli 15 kVtni tashkil etishi, natijada qo‘shimcha 135 kVt elektr yuklamasi yuzaga kelishi aniqlangan.

Mazkur hududdagi mavjud transformator punkti esa amaldagi iste’molchilar yuklamasini ham me’yoridan ortiq darajada ko‘tarmoqda. Shu bois yangi qurilgan uy-joylarni mavjud transformator punktiga qo‘shimcha yuklama bilan ulash texnik jihatdan maqsadga muvofiq emas.
Ya’ni, bu yerda masala “elektr tarmoqlari ulashni xohlamayapti” degan yondashuvda emas. Aksincha, yangi qurilgan uy-joylar uchun elektr ta’minoti infratuzilmasini ham shunga mos ravishda yaratish talab etiladi.
O‘rganish natijasiga ko‘ra, mazkur yangi qurilgan kottej uylarni barqaror va xavfsiz elektr energiyasi bilan ta’minlash uchun alohida transformator punkti qurilishi zarur. Bu haqda Farg‘ona shahar elektr ta’minoti korxonasining 2026-yil 30-sentyabrdagi rasmiy javobida ham aniq ko‘rsatilgan.

Shuning uchun fuqaroning elektr energiyasiga qonuniy ulanish masalasidagi murojaatini “elektr tarmoqlari ko‘tarmayapti” degan birgina sabab bilan izohlash to‘g‘ri emas. Gap yangi qurilgan uy-joylar uchun zarur bo‘lgan elektr ta’minoti infratuzilmasi, xususan, alohida transformator punktini tashkil etish zarurati haqida bormoqda.

Shu o‘rinda ta’kidlash joizki, elektr tarmoqlariga o‘zboshimchalik bilan, belgilangan tartibni buzgan holda ulanishga yo‘l qo‘yilmaydi. Bu nafaqat qonunchilik talablariga zid, balki mavjud tarmoqlarning ortiqcha yuklanishi, avariyaviy holatlar va boshqa iste’molchilar elektr ta’minoti barqarorligiga salbiy ta’sir ko‘rsatishi mumkin.

Farg‘ona shahar elektr ta’minoti korxonasi tomonidan fuqaroning murojaati inkor etilmayapti. Aksincha, muammoni qonuniy va texnik jihatdan to‘g‘ri hal etish uchun aniq yechim — yangi qurilgan uy-joylar uchun alohida transformator punkti barpo etish zarurligi ko‘rsatilmoqda.

«Farg‘ona hududiy elektr tarmoqlari korxonasi» AJ tomonidan aholi va iste’molchilarni elektr energiyasi bilan barqaror ta’minlash, elektr tarmoqlarining texnik imkoniyatlarini oshirish hamda yangi iste’molchilarni belgilangan tartibda elektr tarmoqlariga ulash bo‘yicha amaliy ishlar izchil davom ettirilmoqda.

Xulosa shuki: mavjud tarmoqqa qo‘shimcha yuklamani shunchaki ulab qo‘yish emas, balki yangi qurilgan uy-joylar uchun zarur elektr infratuzilmasini yaratish — masalaning to‘g‘ri va xavfsiz yechimidir.

⚡️ t.me/farhetk_admin

🔴 Bolalarni zo‘ravonlikdan himoya qilish: 14 yoshga to‘lmagan bolalarga nisbatan jinsiy jinoyatlar uchun jazo kuchaytiriladi

Bugun Oliy Majlis Senatining 20-yalpi majlisida "Bolalarni zo‘ravonlikning barcha shakllaridan himoya qilish tizimi takomillashtirilishi munosabati bilan O‘zbekiston Respublikasining ayrim qonun hujjatlariga o‘zgartirish va qo‘shimchalar kiritish to‘g‘risida"gi Qonun ko‘rib chiqilmoqda.

Senator Malika Qodirxonova qonun bilan kiritilayotgan eng muhim o‘zgarishlarga to‘xtalib, 14 yoshga to‘lmagan shaxslarga nisbatan jinsiy zo‘ravonlik sodir etganlar uchun jazo 25 yilgacha yoki umrbod ozodlikdan mahrum qilishgacha kuchaytirilayotganini ma’lum qildi.

Shuningdek, bunday jinoyatlarni sodir etgan shaxslarga nisbatan insonparvarlik aktlari, shartli ozod qilish, jazoni muddatidan oldin tugatish va boshqa yengillashtiruvchi choralarni qo‘llash imkoniyatlarini cheklash nazarda tutilmoqda.

"Bu, avvalo, bolalarning huquqlarini kafolatlash va ularning kelajagi uchun davlat tomonidan qo‘yilayotgan eng muhim qadamlardan biri, deb hisoblayman", - dedi senator Malika Qodirxonova.

⚡️ t.me/farhetk_admin