➡️ KUCHLI SHAMOLDAN KEYINGI ELEKTR TA’MINOTI TIKLANMOQDA

Hududlarda kuzatilgan kuchli shamol natijasida elektr tarmoqlarida yuzaga kelgan ayrim nosozlik va uzilishlarni bartaraf etish ishlari tezkorlik bilan olib borilmoqda.

“Farg‘ona hududiy elektr tarmoqlari korxonasi” AJning hududlardagi barcha shahar, tuman elektr ta'minoti korxonalarida tashkil etilgan tezkor chiqish brigadalari yuzaga kelgan nosozliklarni aniqlash va bartaraf etish uchun joylarga safarbar etilgan.

✍️ Ayni paytda brigadalar tomonidan elektr uzatish tarmoqlari, tayanchlar hamda boshqa elektr qurilmalarining holati ko‘zdan kechirilib, aniqlangan nosozliklar bosqichma-bosqich bartaraf etilmoqda.

🚓 Tezkor chiqish brigadalar barcha zarur vositalar bilan ta’minlangan. Jumladan, xodimlar maxsus himoya vositalari, zarur asbob-uskunalar hamda nosozliklarni bartaraf etishda foydalaniladigan birlamchi elektr qurilmalari bilan jihozlangan.

⚡️ Hududlardagi elektr ta’minotidagi uzilishlarni imkon qadar qisqa muddatda bartaraf etish va iste’molchilarni elektr energiyasi bilan barqaror ta’minlash choralari ko'rilmoqda.

❗️ Iste'molchilardan kuchli shamol oqibatida elektr tarmoqlariga zarar yetgan yoki uzilgan simlar aniqlangan hollarda ularga yaqinlashmaslik, xavfsizlikni ta’minlash va bu haqda elektr ta’minoti korxonasiga zudlik bilan xabar berish so‘raladi.

⚡️ t.me/farhetk_admin

#onlayn

Rossiya hududlari delegatsiyalari Farg‘onadagi yirik ishlab chiqarish korxonalari bilan tanishmoqda

Bugun Farg‘ona viloyatida O‘zbekiston Respublikasi va Rossiya Federatsiyasi hududlari Kengashining III yig‘ilishi doirasidagi tadbirlar boshlandi.

Tashrif dasturiga muvofiq, Rossiya hududlaridan kelgan delegatsiyalar viloyatdagi yirik sanoat korxonalari, istiqbolli investitsiya loyihalari hamda ishlab chiqarish salohiyati bilan yaqindan tanishmoqda.

Tadbirlarda Novosibirsk viloyati gubernatori Andrey Travnikov, Krasnoyarsk o‘lkasi gubernatori Mixail Kotyukov boshchiligidagi delegatsiyalar, Rossiyaning boshqa hududlari rahbar va mas’ullari, vazirlik va idoralar, tarmoq tashkilotlari, savdo-sanoat palatalari hamda ishbilarmon doiralar vakillari ishtirok etmoqda.
—
Делегации российских регионов знакомятся с крупными производственными предприятиями Ферганской области
—
Delegations from Russian Regions Visit Major Manufacturing Enterprises in the Fergana Region

⚡️ t.me/farhetk_admin