➡️ ELEKTR TA’MINOTIDA YANGI TALAB: TAHLIL, TANQID VA ANIQ VAZIFALAR

Bugun “Farg‘ona hududiy elektr tarmoqlari korxonasi” AJda “Hududiy elektr tarmoqlari” AJ Boshqaruvi raisining birinchi o‘rinbosari B. Islomov boshchiligida Farg‘ona viloyatining elektr ta’minoti tizimidagi barcha yo‘nalishlarni qamrab olgan kengaytirilgan tahliliy-tanqidiy yig‘ilish bo‘lib o‘tdi.

Yig‘ilish kun tartibi hududlar elektr ta’minotining bugungi holati, mavjud muammolar, yo‘l qo‘yilayotgan kamchiliklar, iste’molchilar murojaatlari, elektr tarmoqlarining texnik holati, yo‘qotishlar, hisob-kitoblar, kuz-qish mavsumiga tayyorgarlik, avariyaviy holatlarning oldini olish hamda xizmat ko‘rsatish sifatiga oid masalalar raqamlar va aniq ko‘rsatkichlar asosida atroflicha tahlil qilindi.

Yig‘ilish davomida har bir yo‘nalish bo‘yicha mavjud holatga tanqidiy baho berilib, aniqlangan kamchiliklarni shunchaki qayd etish emas, balki ularning sabablarini chuqur o‘rganish va aniq yechimlar asosida bartaraf etish zarurligi alohida ta’kidlandi.

Eng avvalo, elektr ta’minotida barqarorlikni ta’minlash, tarmoqlarning texnik holatini yaxshilash, iste’molchilarga ko‘rsatilayotgan xizmatlar sifatini oshirish, avariyaviy uzilishlarga yo‘l qo‘ymaslik va yuzaga kelayotgan muammolarga tezkor munosabat bildirish masalalariga e’tibor qaratildi.

“Muammoni bilish — yetarli emas. Uni bartaraf etish uchun mas’ul, muddat va aniq natija bo‘lishi kerak”, degan yondashuv yig‘ilishning asosiy mezonlaridan biri bo‘ldi.

Hududiy bo‘linmalar faoliyati ham alohida ko‘rib chiqilib, har bir rahbar oldiga mavjud kamchiliklarni qisqa muddatlarda bartaraf etish, ijro intizomini kuchaytirish va ish samaradorligini oshirish bo‘yicha aniq topshiriqlar qo‘yildi.

Har bir yo‘nalishda natija uchun ishlash, mavjud muammolarga befarq bo‘lmaslik va iste’molchi oldidagi mas’uliyatni yanada oshirish asosiy vazifa etib belgilandi.

Yig‘ilish yakunida barcha topshiriqlar ijrosini qat’iy nazoratga olish, belgilangan vazifalarni o‘z vaqtida va sifatli bajarish hamda Farg‘ona viloyatida ishonchli, barqaror va sifatli elektr ta’minotini ta’minlash bo‘yicha mas’ullarga tegishli ko‘rsatmalar berildi.

⚡️ t.me/farhetk_admin

O‘zbekiston va Rossiya hududlari hamkorligi yangi bosqichga ko‘tarilmoqda

“Farg‘ona ekspo” markazida O‘zbekiston va Rossiya hududlari Kengashining III yig‘ilishi doirasida ikki mamlakat hududlari o‘rtasida hamkorlikni rivojlantirishga qaratilgan qator memorandumlarni imzolash marosimi bo‘lib o‘tdi.

Farg‘ona viloyati hokimi Xayrullo Bozorov Krasnoyarsk o‘lkasi gubernatori Mixail Kotyukov bilan, shuningdek, Dog‘iston Respublikasi Hukumati raisi o‘rinbosari vazifasini vaqtincha bajaruvchi Rizvan Gazimagomedov bilan o‘zaro hamkorlik va anglashuv to‘g‘risida memorandum imzolandi.
—
Сотрудничество между регионами Узбекистана и России выходит на новый уровень
—
Cooperation Between the Regions of Uzbekistan and Russia Reaches a New Level

⚡️ t.me/farhetk_admin

📌📌📌📌📌📌

Prezident Shavkat Mirziyoyev kuz-qish mavsumida aholini, ayniqsa, ehtiyojmand oilalarni ijtimoiy himoya qilish boʻyicha takliflar taqdimoti bilan tanishdi.

Taqdimotda elektr energiyasi, gaz, koʻmir va kommunal xizmatlar uchun toʻlovlar boʻyicha amaldagi qoʻllab-quvvatlash mexanizmlarini kengaytirish masalalari koʻrib chiqildi.

Xususan, isitish mavsumida gazlashmagan hamda gaz yetib bormagan hududlarda elektr energiyasi boʻyicha bazaviy meʼyorni 200 kilovatt-soatdan 350 kilovatt-soatga oshirish taklifi maʼqullandi.

Dekabr oyida ehtiyojmand oilalarga bir martalik moddiy yordam ajratish masalasini ko‘rib chiqish taklif qilindi.

Shuningdek, Ijtimoiy reyestrga kirmagan ehtiyojmand oilalarning elektr energiyasi, gaz, koʻmir va kommunal xizmatlar xarajatlarini qoplashda oilaning har bir aʼzosiga qoʻllaniladigan daromad mezonini 1 million 430 ming soʻmgacha oshirish taklifi ko‘rib chiqildi. Natijada qoʻllab-quvvatlash qamrovi yana 166 ming oilaga kengayadi.

Elektr energiyasi va gaz boʻyicha bazaviy meʼyordan ortiq isteʼmoli xarajatlarining bir qismini qoplash muddatini 2028-yil 1-aprelgacha uzaytirish taklif qilindi. Bu chora bilan bir yilda 470 ming oilani qamrab olish nazarda tutilmoqda. Sharoiti ogʻir mahallalardagi 3 mingta xonadonni issiqlik jihatidan himoyalash va energiya tejovchi uskunalar bilan taʼminlash ishlari ham davom ettiriladi.

Davlatimiz rahbari Hukumatga belgilangan yordam uchun mablagʻlarni oʻz vaqtida yoʻnaltirish, ehtiyojmand oilalarni aniqlashda manzillilikni taʼminlash va yordam har bir oilaga yetib borishi ustidan nazoratni kuchaytirishni topshirdi.

Shuningdek, energiya resurslarini ishlab chiqaruvchi hamda yetkazib beruvchi korxonalar faoliyatini transformatsiya qilish, boshqaruv samaradorligini oshirish, ortiqcha xarajatlar va tarmoqlardagi yoʻqotishlarni qisqartirish boʻyicha ham qator koʻrsatmalar berildi.

⚡️ t.me/farhetk_admin