TINCHLIK QADRI — ENG ULUG‘ NE’MAT!

“Farg‘ona hududiy elektr tarmoqlari korxonasi” AJda Farg‘ona viloyati Din ishlari bo‘yicha qo‘mitasi mutaxassislari ishtirokida “Jaholatga qarshi ma’rifat bilan” tamoyili asosida “Tinchlik qadri” mavzusida ma’naviy-ma’rifiy uchrashuv o‘tkazildi.

Unda tinchlik va osoyishtalikning inson hayotidagi beqiyos o‘rni, farzand tarbiyasi, yoshlarni turli yot g‘oyalardan asrash, ekstremizm va terrorizmning oldini olish, korrupsiyaga qarshi murosasiz munosabat, shuningdek, jamiyatda yurish-turish va muomala madaniyati haqida fikr almashildi.

Tinchlik — bu urushning yo‘qligi emas.
U oilalar xotirjamligi, farzandlar kelajagi, mehnat qilish va bunyodkorlik uchun yaratilgan imkoniyatdir. Shu bois uni asrash har bir insonning fuqarolik va ma’naviy mas’uliyatidir.

Ayniqsa, farzand tarbiyasi jamiyat kelajagini belgilovchi muhim omildir. Bolaga bilim bilan bir qatorda halollik, vatanparvarlik, kattaga hurmat, kichikka izzat, sabr va shukronalik kabi qadriyatlarni singdirish — eng katta tarbiyadir.

Uchrashuvda ta’kidlanganidek, jaholatga qarshi eng kuchli qurol — ma’rifat va mustaqil fikr. Korrupsiyaga qarshi kurash esa faqat qonun talabi emas, balki har bir insonning vijdon va halollik oldidagi mas’uliyatidir.

Tinchlikning qadriga yetish — uning borligiga befarq bo‘lmaslik. Uni asrash esa har birimizning kundalik xatti-harakatimizdan boshlanadi.

Shukrki, biz tinch va osoyishta yurtda mehnat qilib, farzandlarimiz kelajagi uchun ezgu rejalar tuzib yashayapmiz. Bu ne’matni qadrlash va asrash — barchamizning muqaddas burchimizdir.
 
⚡️ t.me/farhetk_admin

📌📌📌📌📌📌

Byurokratiyaga qarshi kurashda sizning ovozingiz muhim

“Byurokratiyani bartaraf etish – 2030” dasturi doirasida Strategik rivojlanish va islohotlar agentligi tomonidan “Byurokratiyasiz O‘zbekiston” ommaviy tashabbusi amalga oshirilmoqda.

Maqsad — fuqarolar va tadbirkorlarning fikr-mulohazalari asosida ortiqcha byurokratik jarayonlarni qisqartirish va davlat xizmatlarini soddalashtirish.

Sizni charchatgan ortiqcha hujjat yoki cho‘zilgan jarayon bormi? Bu haqda xabar bering — har bir muammo o‘zgarish uchun imkoniyatdir.

O‘z takliflaringiz bilan islohotlarga hissa qo‘shing: murojaat.byurokratiyasiz2030.uz

⚡️ t.me/farhetk_admin

📌📌📌📌📌📌

#live

Ayni daqiqalarda O‘zbekiston Milliy matbuot markazida “Hududiy elektr tarmoqlari” AJ tomonidan 2026–2027-yil kuz-qish mavsumiga tayyorgarlik ishlari va kelgusidagi ustuvor vazifalarga bag‘ishlangan matbuot anjumani o‘tkazilmoqda

⚡️ t.me/farhetk_admin