#elektr_xavfsizligi_oyligi

BOLALAR O‘ZI ISHTIROK ETGAN, KULGAN VA FIKR YURITGAN SABOQNI UZOQ VAQT ESLAB QOLADI

Qovoqvoy bilan elektr xavfsizligi qoidalarini o‘rganamiz!

Oltiariq tumanidagi 31-sonli umumta’lim maktabida “Elektr xavfsizligi oyligi” doirasida o‘quvchilar ishtirokida qiziqarli targ‘ibot tadbiri tashkil etildi.

Tadbirda elektr xavfsizligi qoidalari bolalarga oddiy ma’ruza shaklida emas, balki teatr aktyori tomonidan gavdalantirilgan Qovoqvoy obrazi orqali, kulgili sahna ko‘rinishlari va qiziqarli savol-javoblar yordamida tushuntirildi.

Qovoqvoyning sho‘x harakatlari, kutilmagan savollari va bolalar bilan jonli muloqoti tadbirga o‘zgacha ruh bag‘ishladi. O‘quvchilar faol ishtirok etib, elektr toki bilan bog‘liq xavf-xatarlar, elektr jihozlaridan to‘g‘ri foydalanish, ochiq va shikastlangan simlardan uzoq turish, transformator punktlari hamda boshqa elektr qurilmalariga yaqinlashmaslik kabi muhim qoidalarni o‘rganishdi.

Ayniqsa, qahramonning kulgili chiqishlari orqali berilgan savollar bolalarni fikrlashga, to‘g‘ri javob topishga va xavfsizlik qoidalarini kundalik hayot bilan bog‘lashga undadi. Zero, bola o‘zi ishtirok etgan, kulgan va fikr yuritgan saboqni uzoq vaqt eslab qoladi.

Tadbir yakunida “Farg‘ona hududiy elektr tarmoqlari korxonasi” AJ tomonidan o‘quvchilarga ertak kitoblari sovg‘a qilindi. Bu esa bolajonlarga yana bir quvonch ulashib, ularning kitobxonlikka bo‘lgan qiziqishini oshirishga xizmat qildi.

Mazkur tadbir 1–31-oktabr kunlari o‘tkazilayotgan “Elektr xavfsizligi oyligi” doirasidagi targ‘ibot ishlarining bir qismi bo‘lib, bu kabi ma’rifiy uchrashuvlar belgilangan reja asosida davom ettirilmoqda.

⚡️ t.me/farhetk_admin

ELEKTR XAVFSIZLIGI — BILIM VA OGОHLIK BILAN!

“Elektr xavfsizligi oyligi” doirasida Oltiariq tumanidagi 31-sonli umumta’lim maktabining 6-sinf o‘quvchilari uchun sinf xonasida targ‘ibot tadbiri tashkil etildi.

Tadbir davomida o‘quvchilarga elektr energiyasidan foydalanishda xavfsizlik qoidalariga rioya qilish, elektr toki bilan bog‘liq xavf-xatarlarni anglash hamda baxtsiz hodisalarning oldini olish yuzasidan tushunchalar berildi.

Muloqot jarayonida elektr jihozlaridan to‘g‘ri foydalanish, ochiq va shikastlangan elektr simlariga tegmaslik, elektr ustunlari va transformator punktlari yaqinida o‘ynamaslik, elektr qurilmalaridagi nosozliklarni mustaqil bartaraf etishga urinmaslik kabi muhim qoidalarga alohida e’tibor qaratildi.

Tadbir o‘quvchilar bilan jonli muloqot va savol-javoblar asosida olib borildi. Ular o‘zlarini qiziqtirgan savollarga javob olib, kundalik hayotda uchrashi mumkin bo‘lgan xavfli vaziyatlarda qanday yo‘l tutish kerakligi haqida zarur bilimlarga ega bo‘ldilar.

⚡️ t.me/farhetk_admin

ELEKTR XAVFSIZLIGINI O‘RGATISH HAYOTGA MAS’ULIYAT BILAN MUNOSABATDA BO‘LISH MADANIYATINI SHAKLLANTIRISHDIR

Oltiariq tumanining 30-sonli umumta’lim maktabida “Elektr xavfsizligi oyligi” doirasida o‘quvchilar ishtirokida targ‘ibot tadbiri o‘tkazildi.

Tadbirda qiziqarli va ta’sirchan chiqishlar orqali bolalarga elektr toki bilan bog‘liq xavf-xatarlar, elektr jihozlaridan foydalanishda ehtiyotkorlik hamda xavfsizlik qoidalariga amal qilishning ahamiyati tushuntirildi.

Ayniqsa, uzilgan elektr simlariga yaqinlashmaslik, transformator punktlari atrofida o‘ynamaslik va xavfli vaziyatlarga duch kelganda kattalarga xabar berish zarurligi bolalarga sodda, tushunarli misollar orqali yetkazildi.

Zero, bolalarga xavfsizlikni o‘rgatish hayotga mas’uliyat bilan munosabatda bo‘lish madaniyatini shakllantirishdir. Qiziqarli qahramonlar ishtirokidagi bunday tadbirlar esa muhim saboqlarni bolalar xotirasida mustahkam saqlashga xizmat qiladi.

Chunki elektr xavfsizligi haqidagi bugungi saboq ertangi kunning eng muhim himoyasiga aylanishi mumkin!

⚡️ t.me/farhetk_admin