Xitoyning “China Energy” kompaniyasi 8 ta energiya saqlash stansiyasi qurilishida qariyb 40 foiz mahalliy mahsulotlardan foydalandi. Ularning qiymati 200 million dollarga yaqin bo‘ldi. O‘tgan yili esa energetikadagi barcha investitsiya loyihalarida mahalliy tovar va xizmatlar qiymati 740 million dollarga yetdi.

Prezidentimiz ushbu ko‘rsatkichni 3-4 barobar oshirish mumkinligini ta’kidladi. Sanoat kooperatsiyasi agentligi va mahalliy uyushmalar investorlarga zarur mahsulotning sifati va hajmini aniqlab, uni yetkazib berishda korxonalar bilan ishlaydi.

Hozir yuqori kuchlanishli uskunalar, energiya saqlash tizimlarining boshqaruv modullari va shamol generatorlari butlovchi qismlari katta hajmda import qilinmoqda. Ularni mahalliylashtirish bo‘yicha 850 million dollarlik 12 ta istiqbolli loyiha tayyorlangan.

Jizzax viloyati Forish tumanida qurilayotgan atom elektr stansiyasiga zarur yangi mahsulotlarni ishlab chiqarish maqsadida shu yerda soliq va bojxona imtiyozlariga ega maxsus sanoat zonasi tashkil etiladi. Davlatimiz rahbari investorlarni bu loyihalarda ham hamkorlikka chaqirdi.

⚡️ t.me/farhetk_admin

Neft-gaz sohasida geologiya-qidiruv ishlari, konlar samaradorligini oshirish va xomashyoni chuqur qayta ishlash bo‘yicha hamkorlik kengaytiriladi.

Hozir Ozarbayjonning “SOCAR” va Buyuk Britaniyaning “British Petroleum” kompaniyalari bilan Ustyurt mintaqasidagi 6 ta investitsiya blokida qidiruv ishlari olib borilmoqda. Xorijlik hamkorlarga taklif qilish uchun boshqa hududlarda yana 128 ta blok tayyorlangan.

Dastlabki hisob-kitoblarga ko‘ra, ularda 5 trillion 800 milliard kub metr gaz va 560 million tonna suyuq uglevodorod resurslari mavjud. Ushbu imkoniyatlarni o‘zlashtirishda raqobat, shaffoflik va iqtisodiy samaradorlik asosiy mezon bo‘ladi.

⚡️ t.me/farhetk_admin

Prezidentimiz gazdan faqat elektr olish emas, uni chuqur qayta ishlab, ko‘proq qo‘shilgan qiymat yaratish muhimligini ta’kidladi.

Qashqadaryodagi sintetik suyuq yoqilg‘i majmuasida yiliga 1,5 million tonnagacha yoqilg‘i va boshqa mahsulotlar ishlab chiqarilmoqda.

Buxoro viloyatida polietilen, polipropilen va PET mahsulotlari ishlab chiqarishga qaratilgan MTO loyihasi albatta amalga oshirilishi qayd etildi. Buxoro va Farg‘ona neftni qayta ishlash zavodlarini modernizatsiya qilish ham ko‘zda tutilgan.

Davlatimiz rahbari yangi texnologiyalarga tayangan, ekologik talablarga javob beradigan va iqtisodiy asoslangan loyihalar bo‘yicha investorlarning takliflarini kutayotganini bildirdi.

⚡️ t.me/farhetk_admin

Mamlakatimizda 3 million 800 ming xonadon suyultirilgan gazdan foydalanadi.

Ilgari davlat monopoliyasida bo‘lgan mazkur ta’minot tizimiga bosqichma-bosqich bozor mexanizmlari joriy qilinmoqda.

Tadbirkorlar ishtirokidagi pilot loyiha Andijon viloyatida boshlandi. Kelasi yil suyultirilgan gaz yetkazib berish sohasini respublika bo‘ylab xususiy sektorga berish maqsad qilingan.

Prezidentimiz bu jarayonda ta’minot uzluksizligi, xavfsizlik va aholiga xizmat ko‘rsatish sifati eng muhim mezon bo‘lishini ta’kidladi.

⚡️ t.me/farhetk_admin

🔴🟦🟦

Prezidentimiz Shavkat Mirziyoyev yoqilg‘i-energetika sohasidagi investorlar bilan ochiq muloqot o‘tkazmoqda.

⚡️ t.me/farhetk_admin

Yangi energiya obyektlarining samarali ishlashi malakali kadrlarga bog‘liq.

Saudiya Arabistonining “ACWA” kompaniyasi Qoraqalpog‘iston, Buxoro va Sirdaryodagi texnikumlarni jihozlab, har yili yuzlab yoshlarni energetikaning yangi yo‘nalishlariga o‘qitishni boshlamoqda.

Prezidentimiz boshqa investorlarni ham o‘z loyihalari uchun xalqaro talablarga mos mutaxassislar tayyorlashda ishtirok etishga chaqirdi. Bunday tashabbuslar uchun investorlarga joylardagi texnikumlarni boshqaruvga berishga tayyorlik bildirildi.

Kelasi o‘quv yilidan mahalliy oliygohlarda energetika yo‘nalishlari bo‘yicha qabul kvotalari oshiriladi. Dunyoning yetakchi universitetlarida o‘qish uchun har yili 50 nafar yoshga davlat granti ajratiladi.

⚡️ t.me/farhetk_admin

Elektr stansiyasini qurishning o‘zi yetarli emas. Muhimi, ishlab chiqarilgan elektr energiyasini aholiga va korxonalarga uzluksiz yetkazib berish.

Prezident Shavkat Mirziyoyev energetika sohasidagi asosiy muammolardan biriga e’tibor qaratdi. Milliardlab dollar sarflab yangi elektr stansiyalari qurilgan taqdirda ham, tarmoqlar bunga tayyor bo‘lmasa, kutilgan natijaga erishib bo‘lmaydi.

Shu bois endi elektr energiyasini ishlab chiqarish bilan birga, uni saqlash va iste’molchilarga yetkazib berish tizimlari ham rivojlantiriladi.

2030-yilgacha 5 ming kilometr yangi elektr tarmog‘i, 16 ta yirik podstansiya qurish va energiya saqlash quvvatlarini 4,5 gigavattga yetkazish rejalashtirilgan.

Maqsad — ishlab chiqarilgan elektr energiyasini isrof qilmasdan, aholi va biznesga barqaror yetkazib berish.

⚡️ t.me/farhetk_admin

Energetika loyihalari katta sarmoya va murakkab infratuzilmani talab qiladi.

Yer ajratish, tarmoqqa ulanish yoki texnik shart olishdagi birgina kechikish ham butun loyihaga ta’sir qiladi.

“ACWA”, “Vision Invest”, “DataVolt”, “Voltalia” va “EDF” kabi kompaniyalar bu masalalarni doimiy muloqot orqali hal qilishni taklif etdi.

Buni hisobga olib, Prezidentimiz Yoqilg‘i-energetika sohasida investorlar kengashini tashkil etishga qaror qilganini ta’kidladi. Kengashga Prezident Administratsiyasi Rahbari Saida Mirziyoyeva boshchilik qiladi.

Kengash yer ajratishdan obyekt ishga tushguniga qadar sarmoyadorlar duch keladigan masalalarga tezkor yechim topish bilan shug‘ullanadi.

⚡️ t.me/farhetk_admin

Suyultirilgan gaz yetkazib berishda davlat monopoliyasi tugatiladi

Prezidentimiz Shavkat Mirziyoyev ilgari davlat monopoliyasida bo‘lgan suyultirilgan gaz yetkazib berish sohasida bosqichma-bosqich bozor mexanizmlari joriy etilayotganini ma’lum qildi.

⚡️ t.me/farhetk_admin

– Biz energetikaga iqtisodiyotning shunchaki bir tarmog‘i sifatida qaramayapmiz. Bu – o‘z kelajagimiz va farovonligimizning mustahkam tayanchi. Bizga quruq sarmoya emas, qalban bog‘langan o‘zaro ishonch va chin sheriklik kerak. Bugungi muloqotimizning bosh mazmuni ham shunda.

Har bir yangi loyiha hududlarimizdagi chinakam o‘zgarish, odamlarimizning o‘z hayoti, o‘z ishi va o‘z taraqqiyoti uchun mustahkam zamin degani. Shu bois, hamkorligimizdagi bosh tamoyil bitta: sizning investitsiyangiz mamlakatimiz taraqqiyotiga qanchalik nur olib kirsa, yurtimizdagi yuksalish sizning o‘z muvaffaqiyatingizga shunchalik keng yo‘l ochadi.

Chin ma’nodagi sheriklik bu – o‘zaro ishonch, o‘zaro mas’uliyat va o‘zaro manfaatdir,

– dedi Prezidentimiz.

Davlatimiz rahbari investorlarning asosli takliflarini eshitish, muammolarini hal qilish va yangi tashabbuslarini qo‘llab-quvvatlashga tayyorligini bildirdi. Shundan so‘ng sarmoyadorlar bilan bevosita muloqot qilindi.

⚡️ t.me/farhetk_admin