Farkhod - AI PM
2.84K subscribers
288 photos
28 videos
1 file
196 links
Hi, I’m Farkhod Saydullaev, Product Manager at the UK fintech - Moneff.

Website: www.farkhod.com

Youtube: www.youtube.com/@farkhod

LinkedIn: linkedin.com/in/iamfarkhod

Insta: instagram.com/iamfarkhod/
Download Telegram
Forwarded from UXER (Sardor Muhammad)
Numeo'ga kelishimdan avval bu kompaniya tugul, uning founder'lari haqida ham yetarlicha ma'lumotga ega bo'lmaganman. Job interview vaqtida ham kompaniya haqida nimalarni bilasiz degan savolga javob bera olmagandim. (Lekin sizga bunday qilishni tavsiya qilmayman 😄)

Ish boshlaganimdan keyingi dastlabki 3–4 oy rosa qiyin o'tgan. Hatto o'sha paytlarda ishdan ketish fikri ham kelgandi.

Sababi men o'rgangan ish muhiti bu yerda yo'q edi. Gap ish soatlari ko'pligida emas, ishga yondashuvda. Bu yerda deyarli hamma narsa boshqacha bo'lgani sababli o'zimni xuddi sohani endi boshlagan odamdek his qilib yurdim.

Sal qolsa, ishga moslasha olmay haydalib ketardim 🙂 Haydalib ham ketgan bo'lardim, agar Samira opa bo'lmaganlarida. Bu haqida balki boshqa postda batafsilroq yozarman.

Mana, bugun Numeo'da ishlashni boshlaganimga ham 1 yil bo'libdi. Shu vaqt ichida avvalgi ishlarimdan olgan tajribamga qaraganda 3–4x ko'proq narsa oldim, deya olaman.

Eng qiyin va eng qiziq jarayon esa Akmal aka bilan ishlash bo'ldi.

Qiziq tarafi, yuqorida aytganimdek, ketish fikri ham Akmal aka sababli kelgan, keyinroq qolishga qaror qilganimning sababi ham Akmal aka bo'lgan.

Qiyin tarafi esa, biror g'oyani Akmal akaga pitch qilish.

Tasavvur qilishingiz uchun, bu xuddi o'z startup g'oyangizni investorlarga pitch qilishingizga o'xshaydi. Akmal akani nimagadir ishontirish juda qiyin.

Boshida taklif qilgan hech qaysi g'oyam qabul qilinmagan. Sababi menda bunaqa skill umuman bo'lmagan. Lekin har bir presentation'dan keyin o'zim uchun juda yaxshi feedback olganman. Bular haqida ham keyinchalik batafsilroq yozaman, nasib qilsa.

Aslida bu postni yozishni boshlaganimda maqsadim Numeo yoki Akmal aka haqida yozish emasdi. Lekin shu bir yilni eslab, bularni ham aytib o'tgim keldi.

Endi maqsadga qaytsak 🙂

Bugun 1-oktabr — Ustoz va murabbiylar kuni. Men Farhod aka va Nodir akani tabriklamoqchiman.

Bugun nimagadir erishgan bo'lsam, bunda sizlarning hissangiz ulkan. Mening hayotimga ta'siringiz qanchalik katta bo'lganini balki o'zingiz ham tasavvur qila olmassizlar 🙂

Shu sabab sizlarga cheksiz rahmat aytaman va juda minnatdorman. Bu post sizlargacha yetib boradi degan umiddaman. Men va menga o'xshagan yoshlarni qo'llab-quvvatlashdan charchamanglar deb qolaman.

Numeo'ga ham sizlar sababli kelib qolganman.

Shu bilan birga, Numeo'dagi barcha hamkasblarimni ham tabriklayman. Barchangizdan juda ko'p narsa o'rgandim va o'rganishda davom etyapman.

@uxeruz
👍23❤7
Siz “neyroslop” yozyapsiz

Hozirgi kunda sun’iy intellekt yozgan matnlarga ko‘milib ketganmiz. Sun’iy intellekt yaratgan sifatsiz, ortiqcha va keraksiz kontent neyroslop deyiladi. Siz ham shu xatoni qilyapsizmi?

Hozir biror kishiga vazifa berilsa, natijada 10 varoqli, SI yozgan matnni olib keladi. Prototip qil desa, 10 sahifalik prototip qiladi, lekin uning ichida nima bo‘layotgani, talablarga javob beradimi kabi narsalarni tushunmaydi.

Har doim ham ko‘p degani yaxshi emas. Kim o‘qiydi buncha matnni?

Oldinlari Slack’da hamkasblarimga savol bersam, “Ha” yoki “Yo‘q” deb javob berishar edi. Endi esa SI bergan "xamsa" shaklda javob berishadi.

Mayli, SI ishlatinglar, lekin promptingizga, skill’laringizga “Qisqa va lo‘nda yoz” degan talabni ham kiritinglar. Yana bir qo‘shimcha – “Xuddi g‘orda yashaydigan odamga tushuntirgandek tushuntir”, deb yozinglar, iltimos. Shunda qisqa va juda tushunarli yoza boshlaydi.

O‘zi ish tartibimiz “sening SI’ing bergan natijani mening sun’iy intellektim tekshiradi” degan holatga aylanib boryapti.

-------

@farkhod_com
1👍20😁15❤4
PRD yozasizmi?

Dasturchi hamkasblaringizdan yozgan PRD’ingizga yuqori baho olish juda yoqimli his.

Sun’iy intellekt davrida oldinlari bir haftada yoziladigan PRD (Product Requirement Document) endi 1–2 kunda tayyor bo‘ladi. Qolgan vaqt uni jamoaga taqdim etish, sharhlarni yig‘ish va tasdiqlashga ketadi.

O‘zi, shu PRD atrofida savollar rosa ko‘p:

1. Siz mahsulot menejeri sifatida PRD yozasizmi?

2. Uni qanday qilib aktual holatda saqlaysiz?

3. Startapga PRD kerakmi yoki bu ortiqcha byurokratik qadammi?

4. PRD'ni qaysi servisda saqlaysiz?

5. PRD’da nimalarni yoritib berasiz?

——

@farkhod_com
👍20❤6
Social injeneriya

“Social injeneriya” degan manipulyatsiya bor. Qisqa qilib aytsam, bu sizga nisbatan turli psixologik usullarni qo‘llab, maxfiy ma’lumotlaringizni bilib olishdir.

Misol uchun, biron kishiga telefon qilib: “Siz shu bankning mijozi ekansiz. Bizda pasport ma’lumotlaringiz o‘chib ketdi. Ularni yangilash uchun aytib yuborasizmi?” – deyishadi. Shunda qo‘shtirnoq ichidagi “xaker” sizning shaxsiy ma’lumotlaringizga ega bo‘ladi. Bularning hammasini yig‘ib, bank ilovangizga yoki boshqa servisga kirish imkoniyatini qo‘lga kiritishi mumkin.

Ayrim banklar bu borada bilib bilmasdan "social injeneriya"ga eshik qoldirishgan joyi bor.

Skrinshotlarga e’tibor bering. Turli raqamlarni terish orqali bu raqam egasi shu bankning mijozimi yoki yo‘qmi bilib oldim. Agar mijoz bo‘lsa parol so‘raydi, mijoz bo‘lmasa SMS yuboradi.

Xavfsiz yechim – telefon raqami yoziladi → SMS-kod kiritiladi → raqam bazada bor yoki yo‘qligiga qarab, kirish yoki ro‘yxatdan o‘tish jarayoni boshlanadi.

- - - -

@farkhod_com
1👍34❤7
Telegram Premium foydalanuvchilariga “agent”, “ai”, “app” va “game” bilan tugaydigan bot ismini ro’yxatga olishni ochibdi.

Nomlarni egallab qolishga shoshilamiz ☺️

———

@farkhod_com
👍18❤9
Bilaman tirikchilik, kuryerlarga qarshiligim yoq lekin shahar piyodalar uchun xavfli bo‘lib boryapti…

———-

@farkhod_com
1👍39❤3👎1
Shu hafta dam olish kunlari uzunroq tuyuldi. Sababini bilaman – voqealar ko‘p bo‘ldi.

Dam olish kunlari dam olish muhim.

Tushunaman, ish bor vaqtda ishlash kerak, lekin odam organizmi temirdan emas. Baribir dam olish kunlarini o‘tkazib yuborganingiz bir kun o‘zini sezdiradi.

O‘zim ham vaqti-vaqti bilan dam olish kunlari ishlayman, lekin aksariyat hollarda ishga bog‘liq bo‘lmagan ishlar bilan band bo‘laman.

Sababi oddiy – ishni sog‘inib, kuchga to‘lib ishga qaytish.

Bu hafta:

1. 12km piyoda yurdim
2. Baliq oviga chiqdim.
2. Oilaviy toqqa chiqib keldik.
3. Merkulning stendapiga bordik.
4. Ozroq ishlashga xam ulgurdim.

Sizda dam olish kunlari qanday o‘tdi? Dam oldingizmi yoki vayb-koding qildingizmi?

——

@farkhod_com
👍11❤7
Media is too big
VIEW IN TELEGRAM
Social Media Manager + Content Creator rolini eplay oladigan bir kishi qidirilmoqda.

Mening Katie ismli hamkasbim bor. U ingliz va O‘zbekistonga 2 yil oldin ko‘chib kelgan.
O‘z xohishi bilan ko‘chib kelgan va O‘zbekistonni juda yaxshi ko‘radi. Samarqand zig’ir osh muxlisi 😊

U o‘zining ijtimoiy tarmoqlarini rivojlantirish maqsadida video kontent tayyorlaydigan insonni qidiryapti.

Nima qilish kerak:
– Montaj, tasvirga olish va ijtimoiy tarmoqlarga joylash;
– Video kontent uchun g‘oyalar taklif qilish;
– Oyiga kamida 6–8 ta video chiqarish kerak bo’ladi.

Qo‘shimcha ma’lumot:
– Kontent asosan ko‘ngilochar mavzularda bo‘ladi;
– Katie boshqa madaniyat va din vakili. Ariza qoldirishdan oldin buni inobatga olishingizni so‘rayman;
– Katie faqat ingliz tilida gapiradi. O’zbekcha to’rtta so’z o’rgatganman lekin muloqot qilish uchun yetarli emas.

Kimni qidiryapmiz:
– Kunduzgi yoki kechki vaqtda kontent olish imkoniyati bo‘lishi kerak;
– Mas’uliyatli, aytdimi bajaradigan inson;
– Albatta, kreativ va hozirgi trendlarni yaxshi biladigan bo‘lishi kerak;
– Ingliz tilida ozroq gapira oladigan bo‘lishi kerak. Xavotir olmang, Katie sizga ingliz tilini o‘rgatib oladi.

Nima taklif qilamiz:
– Oylik yoki video soniga qarab kelishilgan to‘lov;
– Ingliz tilingizni yaxshilab olish imkoniyati.

👉 Ariza qoldirish https://forms.gle/WyBoCFSjpWU2CbPJ8

———

@farkhod_com
👍16❤3
UX dizaynerni AI ishsiz qoldirmaydi

O‘tgan hafta Figma’da dizayn qilishga to‘g‘ri keldi. Dizayn tizimi bor, Figma MCP’ni Claude’ga uladim. Yaxshi ishladik birga.

Oldinlari bitta ekranning 2–3 ta variantini tayyorlash soatlab vaqt olgan bo‘lsa, hozir 2–3 daqiqada tayyor bo‘ladi. Qo'yil, sun'iy intellekt UI chizishda ancha oldinlabdi.

Xullas, taxminan 30 ta mobil ilova ekranini chizdik. Lekin bundan oldin, lof emas 100 ta ekran variantini yaratdik.

Shuni tushundimki, u taklif qiladigan yechimlarda UX yaxshi o‘ylanmagan. Qanchalik to‘g‘rilashga harakat qilmay, baribir o‘sha-o‘sha UX xatolariga yo‘l qo‘ydi.

Agar siz hozir Product Designer bo‘lsangiz, UX’ni yaxshiroq o‘rganishga harakat qiling. Mana shu jihatdan siz sun’iy intellektdan ustun kelasiz. Sun’iy intellektda hissiyot yo‘q, foydalanuvchining og‘riq darajasini tushuna olmaydi.

UX’ni qayerdan o‘rganaman desangiz, marhamat, ro‘yxat:

1. UX asoschilaridan biri Don Norman'ning ajoyib kitobi bor – The Design of Everyday Things;

2. O‘zbek tilida UX haqida video darsim bor: https://youtu.be/7MwzFs9V5jc?si=ewt56E9jzu2GpEyQ

3. Dizayn qilasizmi yoki boshqa ish bilan shug‘ullanasizmi, ko‘proq reference ko‘ring va nima uchun u yoki bu yechim yaxshi yoki yomonligi haqida yozing. Mana shu sizni tajribali qiladi;

4. O‘zbekiston mahsulotlaridagi UX muammolari haqida bu yerda o‘qishingiz mumkin https://t.me/uzbekux Birovning xatosidan xulosa chiqarish – eng og‘riqsiz yo‘l;

5. UX qonunlari https://lawsofux.com/

6. Growth.design bu haqida ham yozganman https://t.me/farkhod_com/60

——

@farkhod_com
❤17👍8😁1
Lenny (mashhur tech bloger) Amerika bozoridagi ish o‘rinlari bo‘yicha hisobotini chiqaribdi.

Nuruddinning postidan keyin Lenny nima yozganini chuqurroq o‘rgandim.

Xisobot Live Data Technologies va TrueUp ma’lumotlariga asoslanib tuzilgan.

🔹 PMlarga talab oshib bormoqda.

🔹 Dasturchilarga talab platoga kelmoqda. Bu degani, talab kamaymagan ham, ko‘paymagan ham, deyarli bir xil darajada qolgan.

🔹 FDElarga talab juda oshgan. O‘zimga ham qiziq bo‘lib qoldi bular kim ekan?

Forward Deployed Engineer (FDE) – ya’ni Software Engineer + Product Engineer + Solutions Architect + Customer Engineer.

Qisqacha aytganda, mijozning oldiga boradi, muammoni o‘rganadi va texnik jihatdan yechim beradi. Bunday olib qarasangiz, PM + Engineer. Bir kishining o‘zi muammoni boshidan oxirigacha hal qiladi.

🔹 Afsuski, dizaynerlarga talab tushib ketmoqda. Nimaga ekanini tushunaman. Sun'iy intellekt afsuski, dizaynerlarning ishini olib qo‘ymoqda. Lekin AI qilayotgan dizaynlar hali ham AI slop. Buni bir qarashda sezasiz. Balki vaqt kelib, dizaynerlarga talab yana oshar.

Oldingi postimda UX dizaynerlarga talab bo‘ladi deb yozgan edim. Mana, shu tarafga ham qarang.

🔹 UX tadqiqotchilariga talab juda pasaygan. Boyagi dizayn jarayonida "Double Diamond" modelini o‘rganganimizda, UX Researcher roli alohida edi. Endi esa ko‘rib turibmizki, AI yordamida hamma UX tadqiqotini qila oladi. Prototip yaratamiz, foydalanuvchiga ko‘rsatamiz, interview savollarini tuza olamiz.

🔹 Bozor ko‘rsatayotgan tendensiya shuki, hamma universal PMga aylanayotgandek. U o‘z ichiga dizayn, UX, biznes muammolarini o‘rganish va prototip yaratish qobiliyatlarini oladi.

Lenny maqolasi https://www.lennysnewsletter.com/p/state-of-the-tech-job-market-late

———

@farkhod_com
👍10❤6😁1
Bugun ertalab yugurishga chiqqandim. Shu payt kechadan qolgan bir nechta shoshilinch vazifalarni hal qilishim kerak edi.

Kecha kechgacha ishladim, lekin Londondan javob kutayotgan edim. Bizda 5 soat vaqt farqi bor. Javob kelguncha uxlab qolibman. Tunda esa javob kelgan.

Endi nima qilish kerak? Odatda bunday vaziyatda kompyuterni ochish, ishga kirishish va kerakli ishlarni bajarish uchun vaqt ajratish kerak bo‘lardi.

Lekin AI bilan hammasi boshqacha.

Men shunchaki yugurish paytida Claude bilan ovozli muloqot orqali ishlashni boshladim. Natijada barcha vazifalarimni hal qildim.

Bizda korporativ Claude, Google Workspace, Slack va Confluence ishlatiladi. Claude korporativ akkauntim orqali shu vositalardagi ma’lumotlar bilan ishlay oladi.

U kerakli ma’lumotlarni o‘rgandi, hujjatlarni tayyorladi, Slack va email uchun xabarlar yozdi. Hatto to‘ldirishim kerak bo‘lgan hujjat va jadvallarni ham yaratdi.

Eng qizig‘i, ayrim ishlarni mening nomimdan bajarishi ham mumkin. Menga esa natijalarni qayta o‘qib chiqish, hammasi to‘g‘ri ekanini tekshirish va tasdiqlash qoladi.

Tasavvur qiling, qancha vaqt tejaldi. Bularning barchasini yugurish paytida, kompyuterni ham ochmasdan bajardim.

Bir tomondan, bu biroz qo‘rqitadi. Boshqa tomondan esa, bunday imkoniyatlar juda katta yordam beradi.

Bundan qanday xulosa qilish mumkin?

Kompaniyalar o‘z bilim bazasini bir joyga jamlashi kerak. Bu GitHub, Confluence, Obsidian yoki shunchaki Google Drive’dagi Markdown fayllari bo‘lishi mumkin. Muhimi, barcha bilim va ma’lumotlar tartibli, AI uchun ochiq va foydalanish mumkin bo‘lsin.

Shunda AI kompaniya ichidagi jarayonlarni ancha samarali bajarishga yordam beradi.

Albatta, shu yerda boshqa bir savol ham paydo bo‘ladi: ertaga AI sizning ishingizni ham bajara olsa, kompaniyaga qanday qiymat bera olasiz?

Qanday bilim, tajriba va ko‘nikmalar sizni kompaniya uchun kerakli mutaxassis qilib qoladi?

O‘ylashga arziydigan savollar.

Aytgancha, ushbu post yugurish paytida ingliz tilida ovozli diktovka qilindi va ChatGPT yordamida tahrirlandi.

Barchangizga samarali kun tilayman!

——-

@farkhod_com
👍35❤15😁2
Forwarded from Temurning PM Blogi
Korporatsiyada ishlash yoki o‘z startupingni ochish: qaysi birida muvaffaqiyatga erishish ehtimoli yuqoriroq? 🤔

Salom, salom! 🌟

Yaqinda do‘stlar Shuxrat, Farxod aka, Xushnid bilan bir qiziq mavzuda bahslashib qoldik. Korporatsiyada ishlab karyera qurish yaxshimi yoki o‘z startupingni ochib, biznes qilishmi?

Bahsimizning asosiy savoli qaysi yo‘l orqali ko‘proq pul topish mumkinligi emas, balki qaysi yo‘lda muvaffaqiyatga erishish ehtimoli yuqoriroq ekanligi edi.

Mening pozitsiyam: korporatsiyada muvaffaqiyatga erishish ehtimoli yuqoriroq.

Nega?

1. Aniq karyera yo‘li bor

Katta korporatsiyalarda odatda shakllangan struktura mavjud. Kim nima uchun javobgar, qanday natijalar kutiladi, keyingi lavozimga o‘tish uchun qanday ko‘nikmalar kerak, bularning ko‘pi oldindan ma’lum.

Ya’ni sen noldan yo‘l yaratmaysan, mavjud tizim ichida o‘sasan.

2. Moliyaviy barqarorlik va kamroq risk

Korporatsiyada ishlasang, har oy barqaror daromad olasan. Karyerang o‘sgani sari daromadingni ham oshirish imkoniyati mavjud.

Startupda esa vaziyat boshqacha. Mahsuloting hali bozorga mos kelmasligi, mijozlar kelmasligi yoki investitsiya tugashi mumkin.

Korporatsiyada ham risk bor, albatta. Lekin shaxsiy moliyaviy risk odatda startup asoschisinikiga qaraganda pastroq.

3. Eksperiment qilish va scale imkoniyati

Bu ayniqsa biz, Product Managerlar uchun qiziq.

Korporatsiyada yangi product yaratishing, turli gipotezalarni tekshirishing, A/B testlar o‘tkazishing mumkin.

Eng qiziq joyi, bu eksperimentlarni o‘z cho‘ntagingdan emas, kompaniya budjeti hisobidan qilasan. 😅

Bundan tashqari, korporatsiyada allaqachon mijozlar bazasi, infratuzilma, kuchli jamoa va moliyaviy resurslar mavjud. Shu sababli muvaffaqiyatli productni scale qilish imkoniyati ham katta.

Startupda esa bularning ko‘pini noldan qurishing kerak.

Lekin boshqa kuchli argumenti bor edi.

Agar startuping muvaffaqiyatli chiqsa, korporatsiyada 10–15 yil ishlab erishadigan moliyaviy natijangdan ham kattaroq natijaga ancha qisqa vaqtda erishishing mumkin.

Bunga qo‘shilaman.

Lekin mening kontrargumentim oddiy:

Muvaffaqiyatning potensial miqyosi katta bo‘lishi, unga erishish ehtimoli ham katta degani emas.

Startup orqali juda katta boylik yaratish mumkin. Lekin bunga erishish ehtimoli qanchalik yuqori?

Korporatsiyada esa daromad va karyera o‘sishining chegaralari bo‘lishi mumkin, ammo muvaffaqiyat sari yo‘l nisbatan aniqroq.

Shu sababli men korporativ karyerani ehtimollik nuqtayi nazaridan ustunroq deb hisoblayman.

Albatta, bu statistik isbotlangan xulosa emas, shaxsiy kuzatuvlarim va tajribamga asoslangan fikr.

Bahsimiz qiziq o‘tdi. Har ikki tomonning argumentlarini eshitdik. 😅

Endi savol sizlarga:

Agar maqsad yuqori daromad, professional o‘sish va moliyaviy mustaqillik bo‘lsa, qaysi yo‘lni tanlagan bo‘lardingiz, korporatsiyami yoki startup?

Albatta eng muhim savol nega?

@temur_pm_blog
👍5❤2😁1