#АқтөбеЕлімай матчының билеттері ертең (29 сәуір) таңғы сағат 10:00-де сатылымға шығады 🎟️

Бейсенбі күні Қазақстан Кубогі аясында «Ақтөбе» өз стадионында «Елімайды» қабылдайды.

Ойын Орталық стадионда өтеді. Билеттерді ертең таңғы 10:00-ден бастап тек «Яндекс Афиша» сайтынан ғана сатып ала аласыздар.

«Ақтөбе» — «Елімай» матчы 30 сәуір күні сағат 19:00-де басталады.

Данил Горда – #АқтөбеЕлімай матчының бас төрешісі 🏁

Қазақстан футбол федерациясының Төрешілік және қадағалау департаменті 2026 жылғы Қазақстан Olimpbet Кубогінің 1/8 финал ойындарына қызмет көрсететін төрешілер құрамын анықтады.

30 сәуір

«Ақтөбе» – «Елімай»

Бас төреші: Данил Горда (Көкшетау)

Қапталдағы төрешілер: Дмитрий Белоградов (Павлодар), Виктор Стасенко (Талдықорған)

Қосалқы төреші: Михаил Бильдинов (Қарағанды)
VAR: Денис Измайлов (Талдықорған)
AVAR: Антон Сысоев (Көкшетау)
Инспектор: Сергей Цареградский (Алматы)

Алыпсатарға алданып қалмаңыз ❗️

#АқтөбеЕлімай матчында әдеттегідей аншлаг күтіледі. Билеттер түгел сатылып кетті.

Осындай қарбаласты сәтте алаяқтыққа тап болып, матчқа кіре алмай қалатын жанкүйерлеріміз қаншама.

‼️ Құрметті жанкүйерлер, алыпсатарлардан билетті электронды және қағаз түрінде де сатып алмауларыңызды өтініп сұраймыз. Матчта көріскенше!

Кубоктің ширек финалына шықтық 🔥

Ақтөбе 2:1 Елімай

⚽️⚽️ 59’, 83’ Нани

🎂 Туған күніңмен, Тимур!

Бүгін «Ақтөбе» футбол клубының қорғаушысы Тимур Досмағамбетовтың туған күні.

Шын жүректен құттықтай отырып, зор денсаулық және сәтті ойын тілейміз!

Кубоктің 1/4 финалында «Алтаймен» ойнаймыз

Қазақстан Кубогінің 1/8 финалын еңсерген “Ақтөбе” ширек финалға жолдама алды.

Келесі кезеңде ақ-қызылдар өскемендік “Алтай” клубын өз алаңында қабылдайды.

Ойын 13 мамыр күні біздің Орталық стадионда өтеді.

Рақмет, Марат Наильұлы!

“Ақтөбе” футбол клубының спорт директоры Марат Хайруллин екіжақты келісім аясында өз қызметтік орнын босатты.

Бұл лауазымға ол былтыр тамыз айында тағайындалған еді.

Марат Хайруллин – «Ақтөбенің» жаңа тарихындағы ең үздік сұрмерген және тірі аңызы. «Ақтөбе» футбол клубы Марат Наильұлына алғыс білдіре отырып, алдағы мансабына сәттілік тілейді.

Мамырдың кестесі бас бапкерімізде бар 📆

Ал Сізде ше? Сақтап алыңыз! Осы айда 6️⃣ ойын ойнаймыз 🚀

Ақ-қызыл отбасына қош келдіңіз, Эдуардович! 🇬🇪

Грузиялық белгілі маман Важа Тархнишвили “Ақтөбе” футбол клубының спорт директоры лауазымына тағайындалды.

Ойыншы мансабында қорғаушы боп өнер көрсеткен Тархнишвили тираспольдік даңқты “Шерифтің” капитаны ретінде Молдованың он бір дүркін чемпионы атанған. Сондай-ақ аталмыш ел Кубогін жеті мәрте, ал Суперкубогін төрт рет жеңген. Достастық чемпиондар Кубогін екі рет қанжығасына байлаған. Бес мәрте Молдова чемпионатының «Үздік қорғаушысы» деп танылған.