Нұрабекке дауыс берейік!

Маусым айында үш матч өткіземіз 🗓️

Мемлекеттік рәміздер күнімен 🇰🇿

«Ақтөбе» футбол клубы барша қазақстандықтарды тәуелсіздігіміздің символы болған мемлекеттік рәміздер күнімен шын жүректен құттықтайды.

Көк туымыз биікте желбіреп, елтаңбамыз бен әнұранымыз елдігіміздің айғағы бола берсін.

Латурнус Португалияға қарсы матч өткізді 🇰🇿🇵🇹

«Ақтөбенің» жас шабуылшысы Виталий Латурнус 19 жасқа дейінгі Қазақстан жасөспірімдер құрамасы сапында алаңға шықты.

Еуропа чемпионатына іріктеу аясындағы топтық кезеңнің матчы Грекияда кеше өтті. Португалияға қарсы кездесу 1:1 есебімен тең аяқталды. 17 жастағы Латурнус ойынға алғашқы минуттан шығып, бір тайм өткізді.

Аталмыш кездесуге “Ақтөбенің” түлегі Хасен Артурұлы толық қатысқанын айта кетейік. Енді құрама Сербиямен және алаң қожайындары Грекиямен ойнайды.

Кеңесовтың жал мерзімі аяқталды

25 жастағы қазақстандық жартылай қорғаушы Арман Кеңесов ақпан айында «Астанадан» жалға алынып, «Ақтөбеге» қайта оралған еді.

Кеңесов биылға дейін де «Ақтөбе» намысын қорғаған. 2022-2024 жылдар аралығында және осы жылғы маусым барысында ақ-қызылдар сапында ойнап, барлық турнирлердегі жалпы саны 96 матчта он екі гол соқты және жеті нәтижелі пас берді. “Ақтөбемен” бірге Қазақстан Кубогін жеңді.

Арманға алғыс білдіре отырып, мансаптық табыстар тілейміз.

Туған күніңмен, Дима! 🎂

Бүгін “Ақтөбе” футбол клубының реабилитологы Дмитрий Степураның туған күні.

Ұжым атынан жеке мерекесімен құттықтай отырып, зор денсаулық пен толағай табыс тілейміз.

Ресми мәлімдеме

Кейбір БАҚ беттерінде «Ақтөбе» футбол клубы гаитилік ойыншы Жайро Жанды қайтарып, украиналық қорғаушы Даниил Бескоровайныйды өз қатарына қосады деген ақпарат жарық көрді.

«Ақтөбе» футбол клубы аталмыш ақпараттың шындыққа мүлде жанаспайтынын ресми түрде хабарлайды. "Ақтөбе” қазіргі таңда жоғарыда аталған ойыншылармен ешқандай келіссөз жүргізіп жатқан жоқ.

Жанкүйерлер мен БАҚ өкілдерін ресми ақпаратқа ғана назар аударып, клуб абыройына нұқсан келтіретін хабарлардан аулақ болуға шақырамыз.

#АқтөбеАлтай матчының билеттері ертең (11 маусым) күндіз сағат 12:00-де сатылымға шығады 🎟️

Біздің сілтеме бойынша өтсеңіз, үстіне ешқандай комиссия төлемей ала аласыз. Жексенбі күні Қазақстан чемпионаты аясында «Ақтөбе» өз стадионында «Алтайды» қабылдайды.

Ойын Орталық стадионда өтеді. Билеттерді ертең 12:00-ден бастап тек «Яндекс Афиша» сайтынан ғана сатып ала аласыз.

«Ақтөбе» — «Алтай» матчы 14 маусым күні сағат 20:00-де басталады.

Гиорги Зариа – «Ақтөбенің» жаңа ойыншысы 🇬🇪

Грузия ұлттық құрамасының жартылай қорғаушысы Гиорги Зариа жазғы трансферлік ауысымдағы алғашқы жаңа ойыншымыз атанды.

Гиорги «Ақтөбемен» келісім-шарт жасасты ✍️

Кутаиси қаласының тумасы «Ақтөбе» футбол клубына еркін агент ретінде ауысты.

28 жастағы орталық хавбек Гиорги Зариа гүржілік «Саско», тбилисилік және батумилік «Динамо» командаларында сәтті өнер көрсетіп, Грузияның төрт дүркін чемпионы және бір мәрте Суперкубок иегері атанған. Алматылық “Қайрат” сапында Қазақстанның екі дүркін чемпионы атағын алып, ел Суперкубогін жеңген. Өз мансабында Зариа жалпы саны 250-ден астам матч өткізіп, 42 гол салған және 29 нәтижелі пас берген.

Жасөспірімдер мен жастар деңгейінде Грузия құрамасында ойнаған Гиорги 2021 жылдан бастап ұлттық құрамаға шақыртыла бастады.

«Ақтөбе» футбол клубы Гиоргиді қуана қарсы ала отырып, оған біздің команда сапында үлкен жетістіктерге жетуді тілейді.