Ресми хабарлама

Кейбір БАҚ беттерінде «Ақтөбе» футбол клубы түрік жартылай қорғаушысы Ерай Өзбекпен келіссөз жүргізді деген жалған ақпар тарады.

«Ақтөбе» футбол клубы аталмыш ақпараттың шындыққа мүлде жанаспайтынын ресми түрде хабарлайды. «Ақтөбе» ешқашан жоғарыда аталған ойыншымен ешқандай келіссөз жүргізген емес. Клуб бұл дақпырт ақпараттар легінің қайдан, кімнен шығып жатқанын жақсы біледі және алдағы уақытта қатаң шаралар қолданатын болады.

Жанкүйерлер мен БАҚ өкілдерін ресми ақпаратқа ғана назар аударып, клуб абыройына нұқсан келтіретін хабарлардан аулақ болуға шақырамыз.

Шіліңгір шілдеде төрт матч өткіземіз 🔆

📅 Жаздың екінші айындағы ойындар күнтізбесін сақтап алайық!

#АқтөбеЖетісу матчының билеттері ертең (2 шілде) түскі сағат 14:00-де сатылымға шығады 🎟️

Біздің сілтеме бойынша өтсеңіз, үстіне ешқандай комиссия төлемей ала аласыз. Жексенбі күні Қазақстан чемпионаты аясында «Ақтөбе» өз стадионында «Жетісуды» қабылдайды.

Ойын Орталық стадионда өтеді. Билеттерді ертең 14:00-ден бастап тек «Яндекс Афиша» сайтынан ғана сатып ала аласыз.

«Ақтөбе» — «Жетісу» матчы 5 шілде күні сағат 19:00-де басталады.

Болат Сариев – #АқтөбеЖетісу матчының бас төрешісі 🏁

ҚФФ төрешілік және қадағалау департаменті 2026 жылғы Қазақстан Премьер-лигасының 16-тур матчтарына қызмет көрсететін төрешілер құрамын анықтады.

Премьер-лига
16-тур
5 шілде

Ақтөбе – Жетісу

Бас төреші: Болат Сариев (Орал)

Қапталдағы төрешілер: Станислав Лесив (Семей), Антон Сысоев (Көкшетау)

Қосалқы төреші: Диас Кустаев (Орал)
VAR: Георгий Чеховский (Астана)
AVAR: Самат Тергеусізов (Алматы)
Инспектор: Сергей Пасько (Алматы)

Астана күнімен! 🌃

«Ақтөбе» футбол клубы барша қазақстандықтарды 6 шілде – Елорда күнімен шын жүректен құттықтайды.

Елдігіміз бен тәуелсіздігімізді айғақтайтын басқаламыз гүлденіп, дами берсін!

Women’s Champion League аккредитациясына өтінім қабылдау басталды 🌟🗞️

«Ақтөбе» футбол клубы 2026 жылы Әйелдер арасындағы Чемпиондар лигасының біздің алаңдағы матчтарында (4-7 тамыз) жұмыс істейтін спорт журналистеріне арналған аккредитацияға өтінімдер қабылдау басталғанын хабарлайды.

Аккредитациядан өткен БАҚ өкілдеріне:
— матч өтетін күні спорттық аренаға кіруге;
— баспасөзге арналған арнайы аймақтағы орынға енуге;
— матчты бастау хаттамасын алуына рұқсат беріледі.

Бас редактордың/бас редактор орынбасарының қолымен БАҚ бланкісінде талап етілетін аккредитация түрін міндетті түрде көрсете отырып: (басылым/фото/радио) өтініш хатты merey.kupzhanov@gmail.com электронды мекен-жайына жіберулеріңіз сұралады.

Өтінімдер 15 шілдеге дейін қабылданады және аккредитация алғашқы ойын (Динамо Минск – Серветт) болатын күні беріледі.

Толық ақпаратты төмендегі байланыс нөмірі арқылы алуға болады:

8-702-282-08-46 Әсет Жомарт