Bugun Qo‘qon universitetida Oliy ta’lim, fan va innovatsiyalar vazirligining kengaytirilgan Hay’at yig‘ilishi bo‘lib o‘tdi. Mazkur anjuman muhtaram Prezidentimizning 24-fevral kuni yoshlar bilan o‘tkazilgan ochiq muloqotida belgilangan ustuvor vazifalar ijrosiga bag‘ishlandi.

🔹 Tadbirda Oliy ta’lim, fan va innovatsiyalar vaziri Qo‘ng‘irotboy Sharipov bilan birgalikda respublikadagi barcha oliy ta’lim muassasalari rektorlari hamda qator yuqori martabali mutasaddilar ishtirok etdilar.
Xususan: — Ilxom Siradjev — Prezident Administratsiyasi rahbarining ta’limni isloh qilish bo‘yicha o‘rinbosari;
— O‘zbekiston mahallalari uyushmasi raisi Qaxramon Quranbayev;
— Yoshlar ishlari agentligi direktori Alisher Sa’dullayev;
— DXX raisi o‘rinbosari Jahongir Jo‘rayev;
— Respublika Ma’naviyat va ma’rifat markazi rahbari Otabek Xasanov;
hamda yana ko‘plab faxriy mehmonlar tashrif buyurdilar.

📍 Tadbir doirasidagi asosiy yo‘nalishlar:
✅ “Qo‘qon tajribasi” amalda
Ehtiyojmand oilalar farzandlarini o‘qitish, ijtimoiy qo‘llab-quvvatlash va manzilli yordam ko‘rsatishning yangi, samarali mexanizmlari taqdim etildi.
✅ Patronaj tizimi
O‘tgan yili “Dolzarb 90 kun” loyihasi doirasida yo‘lga qo‘yilgan patronaj xizmati bugun ham muvaffaqiyatli davom etmoqda. Mehmonlar mobil rentgen va stomatologiya texnikalari, shuningdek, talabalarning amaliy ko‘nikmalarini yuqori baholadilar.
✅ Talabalar yutuqlari
Talabalarning biznes loyihalari, startaplari, innovatsion ixtirolari, ish bilan ta’minlangan yoshlari hamda rag‘batlantirish maqsadida yo‘lga qo‘yilgan KU pochtasi tashabbusi bilan yaqindan tanishildi.
✅ Yangi tashabbuslar
Universitetda uyushmagan yoshlarni zamonaviy IT kurslariga jalb etish, ularni moddiy va ma’naviy qo‘llab-quvvatlash bo‘yicha yangi tizim yo‘lga qo‘yildi.
🎯 Asosiy maqsad — Qo‘qon universitetida shakllangan ilg‘or va muvaffaqiyatli tajribani butun respublika oliy ta’lim muassasalarida joriy etish hamda har bir yoshning kelajagi uchun individual yondashuv tizimini mustahkamlashdir.

😎 kuaf_edu | 😎 kuaf_uz | 😎 kuafuz  
😎 Kuaf Uz     | 🌐 kuaf.uz  
🖊 qabul.kuaf.uz |📱  my.kuaf.uz