Андижонлик фидойи мухлислар Жаҳон чемпионати сари!

Бугун вилоят ҳокими Шуҳратбек Абдураҳмонов Андижондаги машҳур “ULTRAS BURGUT” мухлислар клуби аъзолари билан самимий учрашув ўтказди.

Футболга муҳаббатни ҳаёт тарзига айлантирган ушбу фаол мухлислар 2026 FIFA World Cup баҳсларида иштирок этадиган Ўзбекистон миллий терма жамоасини қўллаб-қувватлаш учун сафарга йўл оладилар. Улар минглаб чақиримлар узоқда ҳам юрт байроғини баланд кўтариб, терма жамоамизнинг энг ишончли таянчи бўлишни мақсад қилган.

Учрашув давомида вилоят раҳбари мухлисларнинг фикр ва таклифларини тинглаб, улар билан очиқ мулоқот қилди.
Самимий руҳда кечган суҳбатда мамлакатимиз футболининг бугунги ютуқлари, мухлислар ҳаракатининг аҳамияти ва жаҳон чемпионатида Ўзбекистон шарафини муносиб ҳимоя қилиш масалалари муҳокама қилинди.
Учрашув якунида мухлисларга омад ва зафарлар тилаб, уларнинг сафарлари муваффақиятли ўтишига ишонч билдирилди.

“ULTRAS BURGUT” аъзолари эса Жаҳон чемпионати ареналарида Ўзбекистон овозини янгратишга шай!

Andijan.uz|Facebook|Instagram|Youtube|X