⚽️🇺🇿 Superliga. 11-turni o‘tkazib yuboradiganlar

⚽️🇺🇿 Superliganing so‘nggi ikki mavsumida 10-turdan keyin turnir jadvali qanday holatda bo‘lgani bilan tanishamiz

Futboldan ham ulug'roq g'alaba - "Andijon" jamoamizdan ibratli qadam

Inson qalbidagi mehr-shafqatni uyg'otadigan, yaxshilikka yetaklaydigan holat doimo eʼtiborga molik. Mana shunday barakali kunda “Andijon” jamoamiz haqiqiy insonparvarlik namunasini ko'rsatdi.

Butun boshli jamoamiz hamda fan-klub aʼzolari Andijon viloyati, Qo'rg'ontepa tumanida joylashgan “Muruvvat” nogironligi bo'lgan bolalar uchun internat uyiga tashrif buyurdi. Bu oddiy tashrif emas edi — bu qalbdan chiqqan mehr, samimiyat va e'tibor bilan yo'g'rilgan uchrashuv bo'ldi.

Futbolchilarimiz bolajonlar bilan birga vaqt o'tkazib, ularga nafaqat quvonch, balki ishonch ham bag'ishladilar. Kulgu, shodlik va samimiy suhbatlar orasida o'tgan daqiqalar har ikki tomon uchun unutilmas lahzalarga aylandi. Turli sport o'yinlari esa bu uchrashuvni yanada mazmunli va qiziqarli qildi. Bu yerda g'alaba yoki mag'lubiyat emas, balki birgalikda bo'lishning o'zi katta yutuq edi.

Eng ta'sirli jihatlardan biri — bolajonlar tomonidan chizilgan rasmlar bo'ldi. Ularda futbolchilarga bo'lgan hurmat, mehr va orzular mujassam edi. Bu rasmlar auksionga qo'yildi va futbolchilarimiz ularni katta mamnuniyat bilan sotib oldilar. Bu — oddiy xarid emas, bu — bolalar qalbiga qo'l uzatish, ularning mehnatini qadrlash, orzulariga qanot berish edi.

Bu tadbir nafaqat bolajonlarda, balki jamoamiz a'zolarida ham chuqur taassurot qoldirdi. Chunki haqiqiy kuch faqat maydonda emas, balki inson qalbida namoyon bo'ladi. Bugun “Andijon” jamoasi aynan shuni isbotladi.

“Andijon” — bu faqat futbol jamoasi emas. Bu — mehr, birlik va insonparvarlik timsoli.
Maydonda gollar bilan, hayotda esa ezgu ishlar bilan g'alaba qozonilayotgan jamoa!

Bu kabi tashabbuslar ko'paysin. Chunki dunyoga eng kerak narsa — bu mehr.

👍 @andijonpfc

❗️❗️❗️❗️❗️❗️❗️❗️❗️❗️