“Andijon”ning yozgi yig'ini haqida

Xabaringiz bor, ayni paytda sevimli “Andijon” jamoamiz yozgi ta'tilda. Rejaga muvofiq 10 iyundan o'z qarorgohimizda tayyorgarlik jarayonlari boshlanadi.

Hozirda klub rahbariyati jamoamizni yozgi yig'inni munosib va har tomonlama puxta o'tkazish uchun rejalar ishlab chiqilmoqda. Ya'ni, yozgi yig'in rejasi ikki qismga bo'linadi. Dastlab o'z qarorgohimizdagi mashg'ulot jarayonlari va ikkinchisi xorijdagi yig'in.

Hozirda ikkinchi yig'in o'tkazish uchun Belarus yoki Gruziya variantlari ko'rib chiqilmoqda. Har qanday holatda ham jamoamiz 23 iyun sanasida xorijga yo'l oladi va u yerda 4 ta nazorat uchrashuvi o'tkazilishi rejalashtirilgan. Barchasi rasman o'z tasdig'ini topishi bilanoq bu haqida siz aziz muxlislarga rasmiy ma'lumot taqdim qilamiz.

“Andijon”ning navbatdagi uchrashuvi 18 iyulga belgilangan bo'lib, shu kuni 12-tur doirasida “Bobur arena”da “Surxon”ni qabul qiladi. Ungacha esa jamoamiz kuchaytirilgan tarzdagi o'quv-mashg'ulot yig'inlarini olib boradi.

Albatta, yozgi seleksiyada tarkibda qanday o'zgarishlar bo'lishi ham ishqibozlarni qiziqtirishi turgan gap. Bu borada ham ayrim yangiliklar yuz berishi ko'zda tutilgan bo'lib, rahbariyat amaliy ishlar olib bormoqda.

Ma'lumot uchun, yozgi transfer oynasi 8 iyuldan ochiladi va 10 avgustga qadar davom etadi.

Barcha rasmiy ma'lumotlarni albatta “Andijon” matbuot xizmatining rasmiy sahifalari orqali xabardor qilib boramiz. Bizni kuzatishda davom eting!


❗️❗️❗️❗️❗️❗️❗️❗️❗️❗️

#MatchDay Oʻzbekiston milliy terma jamoasi Jahon chempionatiga tayyorgarlik doirasida Kanadaga qarshi oʻyin oʻtkazadi.

🇨🇦 Kanada — Oʻzbekiston 🇺🇿
🗓 2-iyun | 06:00
🏟 “Commonwealth” stadioni. Edmonton