Bugun o'rtoqlik o'yini o'tkaziladi✅

Yozgi yig'inni faol tarzda olib borayotgan "Andijon" jamoamiz bugun o'rtoqlik uchrashuvida maydonga tushadi.

Klub qarorgohidagi maydonda "Burgutlar" Pro liga vakili - Farg'onaning "FarDU" jamoasiga qarshi bahs olib boradi.

Ushbu uchrashuv sevimli jamoamiz uchun 18 iyul kuni "Bobur arena"da chempionatning 12-tur doirasida "Surxon"ga qarshi o'yin oldidan so'nggi repetisiya maqomida o'tadi.

"Andijon" - "FarDU" o'rtasidagi o'rtoqlik o'yini bugun soat 18:00 da boshlanadi.

Shuningdek, Bo'stondagi qarorgohimizda yana bir tarkibimiz Pro liganing yana bir vakili - "Yaypan"ga qarshi o'rtoqlik uchrashuvida qatnashadi va ushbu uchrashuv ham 18:00 da boshlanadi.

❗️❗️❗️❗️❗️❗️❗️❗️❗️❗️

Futbolni sog’inganlarga ataladi ❤️

18-iyul “Bobur arena”da “Andijon” - “Surxon” o’yini bo’lib o’tadi

😍Siz kutgan Superliga qaytmoqda. Barcha muxlislarni 18-iyul kuni stadionda kutamiz! Olg’a Andijon ❤️

❗️❗️❗️❗️❗️❗️❗️❗️❗️❗️

👤ning goli🔥

Islom Ahmedov: “Ayrim kamchiliklarimizni to'g'rilab olsak “Surxon” bilan o'yinga 100 foiz tayyormiz”

“Andijon” jamoamiz 18 iyul kuni bo'ladigan rasmiy o'yin oldidan so'nggi o'z qarorgohida “FarDU”ga qarshi o'rtoqlik o'yinini o'tkazdi.

Shundan so'ng klub matbuot xizmati bosh murabbiyi Islom Ahmedovga bir qator savollar bilan murojaat qildi.

- “Andijon” “Surxon”ga qarshi rasmiy uchrashuvidan oldin so'ngi repetisiya o'yinini o'tkazdi. Nazorat uchrashuvi haqida nima deya olasiz?

- O'yinga keladigan bo'lsak, chempionat oldidan biz uchun yaxshi o'yin amaliyoti bo'ldi. Sababi, kamchiliklarimizni biroz ko'rsatib qo'ydi. Hujumlarga o'tganimizdan keyin ko'plab qarshi hujumlarni o'tkazib yubordik. Bu o'yin yana ishlashimiz kerak bo'lgan tomonlarimizni ko'rsatib berdi.

- Endi barcha e'tibor “Surxon”ga qarshi uchrashuvga qaratiladi. Futbolchilar bir kun dam olishgach, yana tayyorgarlikka kirishadilar. Ayting-chi, 18 iyul kuni bo'lib o'tadigan uchrashuv uchun mashg'ulotlar qanday reja asosida olib boriladi?

- Uyda o'ynaymiz va biz hujumkor futbol ko'rsatamiz. O'rtoqlik o'yini kabi ko'proq hujumlarda ishtirok etamiz. Qarshi hujumlarni qo'yib yubormaslik ustida ko'proq ishlaymiz.

- Tarkib masalasiga ham to'xtalib o'tsangiz.

- Har bir futbolchilarimiz o'z o'rniga ega. Barchasini yordami tegadi. Lekin futbolni bir qismi jarohatlar. Aziz Turg'unboev va Martin Boakeda jarohat bor. Qolgan o'yinchilarimiz ham saviyali va yo'qlarning o'rnini bilintirishmaydi, degan umiddaman. Qolgan futbolchilarimizga o'zini asosiy tarkibda ko'rsatish uchun imkoniyat bo'ladi.

- “Surxon”ga qarshi o'yin oldidan bosh murabbiy sifatida sizni ko'proq nima o'ylantiryapti?

- Tanaffusdan keyin doimo birinchi o'yinni boshlab olish qiyin kechadi. Startni yaxshi boshlab olsak, u yog'i ham yaxshi davom etaveradi. Anchadan beri muxlislarimiz qarshisida o'ynamadik. O'z uyimizda ishqibozlarimiz ko'z o'ngida o'ynash albatta mas'uliyatli. Shu bois ko'proq ruhiy taraflama ham tayyorgarlik ko'rishimiz lozim.

- 10 avgustga qadar transfer oynasi ochiq. Seleksiya borasida ishlar qanday olib borilyapti?

- Bir-ikkita chiziqlarimizni yanada kuchaytirish uchun o'yinchilar bilan muzokaralarga kirishganmiz. Faqat ularni hozirgi klublari bilan shartnomalari borligi sababli bu jarayon biroz qiyin kechyapti.

- O'rtoqlik uchrashuvida ko'rikdagi futbolchi ham qatnashdi. U qanday taassurot qoldirdi?

- Saidxonov o'zimizni mahalliy futbolchi. Aqlli va bizni o'yin uslubimizga mos tushadi. Faqat jismoniy holat ustida ishlashi kerak. Hammasi o'ziga bog'liq. Keyinchalik jismoniy holatini tiklab olsa, imkoniyat berishimiz mumkin.

- Jamoani 18 iyul kuni bo'ladigan o'yinga qanchalik tayyor, deb ayta olasiz?

- Aytganimdek, mavjud kamchiliklar ustida ishlab, ruhiyatini to'g'rilaydigan bo'lsak, Xudo xohlasa 100 foizga tayyormiz!


❗️❗️❗️❗️❗️❗️❗️❗️❗️❗️

Andijonga futbol qaytmoqda 😍

18-iyul kuni “Bobur arena”da yana katta futbol. Sevimli “Andijon” jamoamiz o’z maydonida “Surxon” jamoasini qabul qiladi🔥

Shiddatli kechadigan bahsga barcha muxlislarni taklif etamiz va jamoamizni birgalikda qo’llab-quvvatlaymiz!

🗓️ 18-iyul.
🔜 “Andijon” - “Surxon”
🏟️ Bobur arena

❗️❗️❗️❗️❗️❗️❗️❗️❗️❗️