☑️☑️☑️☑️Mahmud Maxamadjonov — «Dinamo» Maxachqala klubiga transfer qilindi!

«Andijon» klubining 23 yoshli qanot himoyachisi Mahmud Maxamadjonov Rossiya premer-ligasi ishtirokchisi — Maxachqalaning «Dinamo» klubiga transfer qilindi.

Futbolchining transfer qiymati 250 ming dollarga baholandi.

Mahmud Maxamadjonov jamoamiz safiga joriy yil boshida qo'shilgan edi. U «Andijon» tarkibida Superligada 19 ta uchrashuvda maydonga tushib, 1 ta golli uzatma amalga oshirdi. O'zbekiston Kubogi bahslarida esa 3 ta uchrashuvda ishtirok etib, 2 ta golli uzatmani bajardi va muxlislar qalbidan joy egalladi. Umumiy hisobda, “Burgutlar” safida o'tgan vaqt davomida barcha – 22 ta uchrashuvda maydonga tushdi.

Mahmud Maxamadjonovga jamoamiz safidagi faoliyati uchun minnatdorlik bildiramiz va Rossiya premer-ligasidagi yangi faoliyatida omad va muvaffaqiyat tilaymiz!

Mahmud, hammasi uchun rahmat!


❗️❗️❗️❗️❗️❗️❗️❗️❗️❗️

Rasmiy munosabat

So'nggi kunlarda ommaviy axborot vositalari va ijtimoiy tarmoqlarda «Andijon» futbol klubi yangi mavsum uchun bosh murabbiylik lavozimiga turli mutaxassislar, jumladan, Ro'ziqul Berdiev bilan muzokaralar olib borayotgani haqida xabarlar tarqalmoqda.

«Andijon» futbol klubi mazkur xabarlar yuzasidan shuni ma'lum qiladiki, ayni paytda klub tomonidan boshqa mutaxassislar bilan bosh murabbiylik lavozimi bo'yicha hech qanday muzokaralar olib borilayotgani yo'q.

Klub rahbariyati amaldagi murabbiylar shtabiga to'liq ishonch bildirmoqda. Jamoa belgilangan reja asosida mavsumni muvaffaqiyatli yakunlash va oldinda turgan maqsadlarga erishish yo'lida ish olib bormoqda.

Shu munosabat bilan ommaviy axborot vositalari va muxlislardan turli manbalarda tarqalayotgan tasdiqlanmagan xabarlarga emas, balki klubning rasmiy axborot kanallarida e'lon qilinayotgan ma'lumotlarga tayanishlarini so'raymiz.

«Andijon» futbol klubiga oid barcha muhim va rasmiy ma'lumotlar, jumladan, murabbiylar shtabi, jamoa tarkibi, transferlar va boshqa masalalarga taalluqli xabarlar faqat klub matbuot xizmati tomonidan rasmiy ravishda e'lon qilinadi.

Klub jamoa hayotiga oid muhim yangiliklarni doimo muxlislar va ommaviy axborot vositalari bilan oʼzining rasmiy axborot kanallari orqali muntazam ravishda baham koʼrib boradi.


❗️❗️❗️❗️❗️❗️❗️❗️❗️❗️

Mahmud Mahamadjonovdan hayrlashuv soʼzlari

Kuni kecha "Andijon"dan Rossiyaning "Dinamo" Mahachkala jamoasiga transfer qilingan Mahmud Mahamadjonov "Andijon" matbuot xizmatiga quyidagilarni aytdi:

«Men uchun oson bo‘lmagan qarorni qabul qilib, yangi jamoa sari yo‘l olyapman.

Avvalo, shu vaqt davomida menga ishonch bildirgan, qo‘llab-quvvatlagan va futbolchi sifatida rivojlanishimga katta hissa qo‘shgan jamoam rahbariyati, murabbiylar shtabi, jamoadoshlarim va muxlislarimizga chin qalbimdan minnatdorchilik bildiraman.

Alohida viloyat hokimimiz Shuhratbek Qushaqbayevichga ham futbolga, jamoamizga va biz futbolchilarga ko‘rsatgan e’tibori, qo‘llab-quvvatlovi va ishonchi uchun katta rahmat aytaman. Bu e’tibor va ishonch men uchun doimo qadrlidir.

Bu jamoada o‘tkazgan har bir kunim, birga qo‘lga kiritgan g‘alabalarimiz, boshdan kechirgan qiyinchiliklarimiz va yaxshi xotiralarim qalbimda qoladi.

Men bu jamoani tark etayotgan bo‘lsam ham unga bo‘lgan hurmatim va mehrim doimo saqlanib qoladi. Menga berilgan ishonchni boshqa jamoada ham oqlashga va yanada katta marralar sari intilishga harakat qilaman.

Barchangizga yana bir bor katta rahmat. Sizlarga faqat omad, rivoj va yangi g‘alabalar tilayman!

Bu xayrlashuv emas — yana uchrashamiz». 🤝⚽️❤️

❗️❗️❗️❗️❗️❗️❗️❗️❗️❗️

«ANDIJON» PFK RASMIY BAYONOTI

So'nggi kunlarda ijtimoiy tarmoqlarda «Andijon» futbol klubining joriy yil qishki tayyorgarlik yig'inini Turkiyaning Antaliya shahrida o'tkazgani hamda yig'in davomida DILAHAN TURIZM TAS.TIC.LTD.STI. kompaniyasidan qarzdorligi bilan bog'liq turli ma'lumotlar tarqalmoqda.

«Andijon» futbol klubi mazkur holat yuzasidan shuni ma'lum qiladiki, jamoaning Antaliyadagi o'quv-mashg'ulot yig'ini davomida yuqorida nomi qayd etilgan kompaniya xizmatlaridan foydalanilgan va ushbu hamkorlik doirasida muayyan moliyaviy majburiyatlar mavjud bo'lgan.

Klub tomonidan allaqachon to'lovlar belgilangan tartibda toʼliq qoplangan.

«Andijon» futbol klubi o'z zimmasidagi moliyaviy majburiyatlarga mas'uliyat bilan yondashadi.

Shu munosabat bilan klub ijtimoiy tarmoqlarda tarqalayotgan xabarlarni bir tomonlama talqin qilmaslikka, rasmiy manbalarga tayanib fikr bildirishga chaqiradi.

«Andijon» futbol klubi hamkorlar bilan o'zaro hurmat, ishonch va mas'uliyat tamoyillariga amal qilgan holda o'z faoliyatini davom ettiradi.


❗️❗️❗️❗️❗️❗️❗️❗️❗️❗️