Таркибга қарасанг зўр, нега ютқизишятганига ҳамма ҳайрон

Тўппа-тўғри ✔️

Э. С.

Андижон клуби Докторига савол борда?
Сандро нега ўзимизда даволанмаяпти? Чота ўйин кетмаяптими дейманда ўзи тузалиб бўлгандир, тузалмаса ҳам ўзимизда нега даволанмаяпти шунга хайронмиз?

Александр Андроникашвили: «Дунёнинг энг буюк клублари ҳам шундай мухлисларга эга бўлишни орзу қилса керак»

Грузиялик яримҳимоячи жароҳати борасида Tribuna.uz нашри учун интервю берди.

👉 https://l.tribuna.uz/BW86WUmE

GOOOOOOOL.

🇺🇿 Oʻzbekiston 1:0 Yaponiya 🇯🇵

8‘ | Sardor Bahromov

Ustozga ehtirom — futbolga ehtirom: «Andijon» faxriylar holidan xabar oldi

1-oktabr — Ustoz va murabbiylar kuni munosabati bilan «Andijon» futbol klubi rahbariyati tomonidan yillar davomida o‘z mehnati, fidoyiligi va sadoqati bilan Andijon futboli rivojiga hissa qo‘shgan faxriylar holidan xabar olindi.

Klub bosh direktori Ziyodbek Mashrapov boshchiligidagi «Andijon» vakillari bir qator faxriylarning xonadonlariga tashrif buyurib, ularni bayram bilan samimiy muborakbod etdi va esdalik sovg‘alarini topshirdi.

Tashrifning dastlabki manzili Paxtaobod tumani bo‘ldi. Klub vakillari uzoq yillardan buyon «Bobur Arena»dagi uchrashuvlarda muxlislarga yaqindan tanish bo‘lgan, o‘zining jarangdor va shirali ovozi bilan har bir o‘yin muhitiga o‘ziga xos fayz bag‘ishlab kelayotgan suhandon G‘ulomqodir Abdurahimov xonadonida mehmon bo‘lishdi.

Uning ovozi yillar davomida «Bobur Arena» tribunalar uzra yangrab, futbol uchrashuvlarining ajralmas bir qismiga aylangan. Klub vakillari G‘ulomqodir Abdurahimovni Ustoz va murabbiylar kuni bilan samimiy tabriklab, unga ezgu tilaklarini bildirdi.

Keyingi manzil — Andijon futbolida o‘zining munosib izini qoldirgan Muhammadqosim To‘xtasinov xonadoni bo‘ldi.

To‘xtasinov ko‘p yillar davomida futbol sohasida, ayniqsa, bolalar futboli rivoji yo‘lida samarali mehnat qilgan. Uning tajribasi, mehnati va futbolga bo‘lgan sadoqati ko‘plab avlodlar uchun muhim maktab vazifasini o‘tagan.

Klub rahbariyati Muhammadqosim To‘xtasinovni ham bayram bilan chin dildan qutlab, sog‘lik-salomatlik, xotirjamlik va uzoq umr tiladi hamda esdalik sovg‘alarini topshirdi.

Tashriflar davomida yana bir qadrli inson — o‘z vaqtida «Andijon» futbol klubiga murabbiylik qilgan, klub rivojiga munosib hissa qo‘shgan Iskander Sayfiyevich Galiulin xonadoniga borildi.

Iskander Galiulin — andijonlik futbol muxlislariga yaxshi tanish inson. Uning klubdagi faoliyati, futbol uchun qilgan mehnati va jamoa rivojiga qo‘shgan hissasi hamon yaxshi xotiralar bilan yodga olinadi.

Tashrifdan mamnun bo‘lgan Iskander Sayfiyevich ham boshqalar qatori klub vakillarini samimiy kutib oldi. Suhbat davomida «Andijon»ning o‘tgan davrlari, klubdagi faoliyat yillari va futbol bilan bog‘liq iliq xotiralar yodga olindi. Ushbu samimiy uchrashuvdan so‘ng Iskander Sayfiyevich tashrif uchun klub rahbariyati va vakillariga minnatdorlik bildirdi.

E’tiborli jihati, tashrif davomida «Andijon» klubi rahbariyati faxriylarning mehnati va xizmatini doimo qadrlashini alohida ta’kidladi. Klub uchun yillar davomida xizmat qilgan insonlar bilan aloqani mustahkamlash, ularni qo‘llab-quvvatlash va zarur hollarda amaliy yordam ko‘rsatish klub rahbariyatining muhim vazifalaridan biri ekani qayd etildi.

Zero, futbol faqat maydondagi 90 daqiqadan iborat emas.

Uning ortida yillar, mehnat, xotiralar, ustozlar va o‘z umrini shu sportga bag‘ishlagan insonlar bor.

Bugungi «Andijon»ning tarixi ham ana shunday fidoyi insonlarning mehnati bilan yaratilgan. Shu bois ularni qadrlash — nafaqat o‘tmishga hurmat, balki kelajak avlodlarga ham munosib ibratdir.

Ustozni qadrlash — uning mehnatini qadrlashdir.
Futbol faxriylarini e’zozlash esa «Andijon» tarixini e’zozlashdir.