"Men jamoaga ularning birinchi bo'limdagi harakatlarini juda qadrlashimni aytdim. Albatta, "Galatasaray"da birinchi bo'limning o'zida 2-3 ta vaziyat bo'ldi va bu biz to'pni yo'qotganimiz sababli yuzaga keldi. Maydonning so'nggi qismida (hujumda) eng to'g'ri qarorlarni qabul qila olmadik. Buni to'g'rilash kerak, ammo men uchun o'yinga birinchi bo'limning o'zidayoq qayta olganimiz yaxshi bo'ldi. Bunday stadionda va shunday muhitda bu juda muhim edi. Va, albatta, ikkinchi bo'limda biz to'liq ustunlik qildik va buni ko'rish ajoyib bo'ldi. Lamine fantastik ikkinchi bo'limni o'tkazdi va bu biz uchun juda muhim edi."

"Yo'q. Bizda jismoniy yuklamasini nazorat qilishimiz kerak bo'lgan boshqa o'yinchilar ham bor edi. Lamine bilan hammasi joyida, uning jismoniy holati yuqori darajada, qolaversa u futboldan zavq olmoqda — bu birinchi navbatda ikkinchi bo'limda yaqqol ko'rindi. Jamoada uning darajasidagi futbolchi borligi ajoyib, u o'yin borishini bizning foydamizga o'zgartirib yubordi. Bu juda yaxshi bo'ldi."

"Men doim butun jamoa bilan gaplashaman. Tanaffusda ham shunday bo'ldi. Lekin nima deganim kiyim almashtirish xonasining ichida qoladi."
​

"O'ylaymanki, birinchi bo'lim... Biz 0:1 hisobida yutqazayotgan edik, ammo o'yinga qayta oldik va birinchi bo'limdagi eng muhim narsa ham shu: hisobni tenglashtirganimiz. O'yinning ikkinchi yarmida esa ancha yaxshi o'ynadik. Men buni jamoaga ham aytganman va hozir yana qaytarishim mumkin: ularning birinchi bo'limda bajargan ishlarini juda qadrlayman. Biz xuddi shunday o'ynashda davom etishimiz, o'yin borishini nazorat qilishimiz, to'p o'zimizdaligida uni oldinga olib borishimiz va raqiblarni harakatlanishga majbur qilishimiz kerak. Ikkinchi bo'limda bu bizda ancha yaxshi o'xshadi. Bu bizning sifatimiz, kuchli tomonimiz va buni har bir o'yinda namoyish etishimiz zarur. Hozirgi darajamiz shunday va o'yinchilar hamda jamoa bu darajaga mos bo'lishi muhim. Ular o'zlariga va biz o'ynashni xohlayotgan uslubga ishonishlari kerak.

"Futbolda hamma narsa juda tez o'zgarib ketishi mumkin. Biz hozirda erishganlarimizdan faxrlanamiz, baxtlimiz, o'zimizga ishonamiz va namoyish etmoqchi bo'lgan uslubimizga ishonchimiz komil. Lekin bizning maqsadlarimiz bundanda yuqori: biz sovrinlar yutishni xohlaymiz. Hozir hech qanday sovrin yutib bo'lmaydi, yakunda... katta sovrinlar may yoki iyun oylarida yutiladi. Biz har kuni shuning ustida ishlayapmiz."

"Yo'q. Agar siz mashg'ulotlarda yuqori sifatni ko'rsangiz, bu siz uchun eng muhimi hisoblanadi. Men uchun ham bu jamoaning qanday darajada ekanligining o'lchovidir. Men bundan hayratda emasman. Men o'z jamoamni bilaman, uning imkoniyatlariga va qanday o'ynay olishiga 100% ishonaman. Albatta, o'yin borishini qanday nazorat qilayotganimizni ko'rish juda yoqimli. Barcha o'yinga jalb qilingan, hamma to'pni qabul qilishni xohlaydi. Bu uchrashuvda har bir futbolchi o'yinining sifati ham ko'zga tashlandi. Bu Chempionlar Ligasi va biz ajoyib o'yin ko'rsatdik."

"Ba'zida o'yin vaqtida o'zim ham buni sezmay qolaman. Bu... Qachonki siz Lamineni har bir mashg'ulotda ko'rsangiz va uning mashg'ulotlarda yaratadigan vaziyatlarini kuzatsangiz... Ular xuddi shuyerdagidek va bu ajoyib. Jamoamda u kabi o'yinchi borligidan xursandman. Lekin, oxir-oqibat, menda yuqori darajadagi ko'plab futbolchilar bor. Hozirgi vaqtda har bir pozitsiyada ishni juda yaxshi eplayapmiz. Barcha Laminega qarayotganini bilaman. Bu normal holat, chunki u aqlbovar qilmas futbolchi, biroq men uchun eng muhimi — biz muvaffaqiyatga erishyapmiz, va uning ikkinchi bo'limda qanday o'ynagani... Uning o'yinda qanday ustunlik qilgani fantastika, uning so'nggi uzatmasi qanday ekanligi esa — shunchaki aqlbovar qilmaydi."

"Men mavsum boshida aytgan edimki, ular fantastik ishlarni bajara olishadi. Jamoada shunday variantlar borligi ajoyib va nima ham derdim. Karim juda tez, jumladan to'p bilan ham, u gol urishni biladi. Bugun uning darvozani ishg'ol qilganidan juda xursandman. Bu uning o'zi uchun ham yaxshi. Gabriel ham yuqori darajada. U hozirgisidan ham yaxshiroq bo'ladi, lekin hozirning o'zida ham men undan mamnunman, uni qadrlayman. Unda yanada kattaroq salohiyat bor va u buni yaqin haftalar yoki oylarda namoyish etadi."